Chitral Times

Jul 19, 2018

ﺗﻔﺼﻴﻼﺕ

  • سات جولائی تجدید عہد کا دن ہے، کسی قسم کی قربانی سے دریغ نہیں کریں گے۔میجر جنرل ثاقب محمود

    July 7, 2018 at 11:49 pm

    ہندور(کریم رانجھا) ؔ سات جولائی تجدید عہد کا دن ہے ،ارض پاک کے لئے کسی قسم کی قربانی سے دریغ نہیں کریں گے،علاقے کا ہر فرد اپنے پیشے سے مخلص ہو تو ہم ترقی کریں گے،ہمارا ازلی دشمن انتہائی مکار ہے،حوالدار لالک جان نے اپنی جان کا نذرانہ دے کر دشمن کے ناپاک ارادوں کو ناکام بنایا،ہمیں شہداء کی قربانیوں کو مشعل راہ بنانا چاہئے،گلگت بلتستان ترقی کررہا ہے ،علاقے کے نوجوان ملکی ترقی میں اپنا کردار ادا کریں۔فورس کمانڈر ناردرن ایریاز میجر جنرل ثاقب محمود ملک نے حوالدار لالک جان شہید(نشان حیدر) کے مزار پر منعقدہ یوم شہادت کی تقریب سے خطاب کرتے ہوئے مزید کہا کہ اس دن کو منانے کا اہم مقصد شہداء اور غازیان ملت کو صرف خراج تحسین پیش کرنا نہیں بلکہ نئی نسل کو آزادی کی نعمت کا احساس دلانا ہے۔اس لحاظ سے ہم اس دن کو تجدید عہد کے طور پر مناتے ہیں کہ جب بھی ملک پر کوئی برا وقت آیا تو ہم انہی اسلاف کے نقش قدم پر چلتے ہوئے کسی بھی قسم کی قربانی سے دریغ نہیں کریں گے۔علاقے کا ہر فرد چاہے اس کا تعلق کسی بھی پیشے سے ہو دیانتداری سے اپنا فرض پورا کرے،حق کے حصول کے لئے فرض کو فوقیت دیں،یہی قربانی کا فلسفہ ہے۔ان کا کہنا تھا کہ پورے گلگت بلتستان بالخصوص غذر میں ہمارے قومی ہیروز موجود ہیں ،ان کی قربانیاں ہمارے لئے مشعل راہ کی حثیت رکھتی ہیں ،ان کی قربانیوں کی بدولت ہم آج آزاد فضا میں سانس لے رہے ہیں لیکن مکار دشمن آج بھی ہمارے خلاف ریشہ دوانیوں میں مصروف ہے لیکن ہم غافل نہیں ،ضرورت پڑی تو قوم کا بچہ بچہ قربانی کے لئے تیار ہے۔انہوں نے کہا کہ گلگت بلتستان کے ساتھ میرا قلبی تعلق ہے اور میں خود کو گلگت بلتستان کا بیٹا سمجھتا ہوں ،مجھے یہاں کے باسیوں پر فخر ہے۔نئی نسل سے بھی یہی امید رکھتا ہوں کہ وہ ملکی ترقی اور سا لمیت کے لئے کوئی دقیقہ فروگزاشت نہیں کرے گی۔

  • error: Content is protected !!