Chitral Times

Sep 21, 2018

ﺗﻔﺼﻴﻼﺕ

  • شندو ر فیسٹول ، مستوج نے یاسین کو اور چترال ڈی نے گلگت ڈی کو شکست دیکر ٹائٹل اپنے نام کرلی

    July 7, 2018 at 8:54 pm

    چترال (نمائندہ چترال ٹائمز) دنیا کی بلندترین پولو گراونڈ شندور میں سہ روزہ جشن شندور شروع ہوگئی ۔ فیسٹول کے پہلے دن کھیلے گئے تینوں میچوں میں چترال کی ٹیموں نے گلگت بلتستان کی ٹیموں کو شکست سے دوچار کردیا۔ فیسٹول کا باضابطہ افتتاح خیبر پختونخوا کے چیف منسٹر جسٹس ریٹائرڈ دوست محمد خان نے کی جبکہ رنگا رنگ افتتاحی تقریب میں ثقافتی شو اور پیراگلائیڈنگ کا مظاہرہ ہوا ۔ افتتاحی میچ میں چترال کی لاسپور ٹیم نے گلگت بلتستان کی غذر ٹیم کو دو کے مقابلے میں پانچ گولوں سے ، دوسرے میچ میں چترال کی مستوج ٹیم نے گلگت بلتستان کی یاسین ٹیم کو پانچ کے مقابلے میں آٹھ گولوں سے اور تیسرے میچ میں چترال ڈی ٹیم نے گلگت بلتستان ڈی ٹیم کو دو کے مقابلے میں چھ گولوں سے شکست دے دی۔ چیف منسٹر جسٹس ریٹائرڈ دوست محمد خان نے کھلاڑیوں میں انعامات تقسیم کی۔ انہوں نے کہاکہ جشن شندور بین الاقوامی اہمیت کی حیثیت اختیار کی ہے جس میں چترال اور شمالی علاقہ جات کے قدیم ترین پولو سے لطف اندوز ہونے کے لئے ہزاروں کی تعداد میں سیاح یہاں آتے ہیں اور دوسری طرف ان علاقوں کی ثقافت کے تحفظ اور ترقی میں مددملتی ہے ۔ انہوں نے کہاکہ پولو کے ذریعے سیاحت کو ترقی دینے میں اس فیسٹول کا اہم کردار ہے اور اس سلسلے کوحکومت کی سرپرستی حاصل رہے گی۔ انہوں نے اعلان کیاکہ اس دفعہ فیسٹول میں اول آنے والی ٹیم کو دس لاکھ روپے ، دوسرے نمبر پر آنے والی ٹیم کو سات لاکھ روپے اور تیسرے نمبر پر آنے والی ٹیم کو پانچ لاکھ روپے صوبائی حکومت کی طرف سے انعام دیا جائے گا۔ گلگت بلتستان کے ٹورزم منسٹر نے دوسری میچ میں اور چترال سکاوٹس کے کمانڈنٹ کرنل معین الدین نے تیسرے میچ میں انعامات تقسیم کئے۔ جشن شندور میں شرکت کے لئے ہزاروں تعداد میں سیاح شندور پہنچ چکے ہیں ۔ انتظامات کی نگرانی ڈپٹی کمشنر چترال خورشید عالم محسود خود کررہے ہیں۔ اتوار کے روز چترال سی اور گلگت بلتستان کی سی ٹیموں کے درمیان میچ کھیلا جائے گا۔


  • error: Content is protected !!