Chitral Times

Sep 22, 2018

ﺗﻔﺼﻴﻼﺕ

  • شندورفیسٹول کا شاندارافتتاح، لاسپور نے غذر کو چار گول سے شکست دی

    July 7, 2018 at 2:14 pm

    شندور(نمائندہ چترال ٹائمز)دنیا کے بلند ترین پولو گراؤنڈ میں شندور پولو فیسٹیول 2018 کا شاندار افتتاحی تقریب ہفتے کے روز منعقد ہوا. افتتاحی میچ روائیتی حریف لاسپور اور غذر کے ٹیموں‌کے مابین کھیلا گیا، جس میں‌لاسپور ٹیم نے غذر کو ایک کے مقابلے میں‌پانچ گول سے شکست دی. افتتاحی میچ کے مہمان خصوصی نگران وزیر اعلیٰ‌ جسٹس ریٹائرڈ دوست محمد خان تھے. جبکہ صوبائی وزیر سیاحت و دیگر اعلیٰ‌حکام بھی موجود تھے. میچ کے دوران پیراگلائڈنگ کا شاندار مظاہرہ بھی ہوا. اس رنگا رنگ پولو فیسٹیول کا افتتاح چترال اور گلگت بلتستان کے ضلعی انتظامیہ کی جانب سے کیا گیا۔
    شندور پولو فیسٹیول میں روایتی حریف چترال اور گلگت بلتستان کی ٹیموں کے مابین فری سٹائل پولو کھیلا جائے گا۔ تاریخ میں پہلی مرتبہ فلڈ لائٹس میں پولو میچز کھیلے جائیں گے جس میں چترال اور گلگت کی کئی ٹیمیں حصہ لے رہی ہیں۔سیاحوں کی بھر پور لطف اندوزی کے لئے شاندار آتش بازی اور میوزیکل اینڈ کلچرل نائٹ کا بھی اہتمام کیا جائے گا۔سیاحوں اور شائقین پولو کی سہولیات کے لئے تمام تر انتظامات مکمل کرلئے گئے ہیں۔ ضلعی انتظامیہ کے رضاکار ہر انٹری پوائنٹس پر مہمانوں اور سیاحوں کو خوش آمدید کہیں گے۔صفائی کی صورت حال کو بہتر بنانے کے لئے واش رومز اور صاف پانی کا بندوبست بھی کیا گیا ہے۔بڑی تعداد میں سیاحوں کی شندور آمد کے پیش نظر لواری ٹنل گیارہ جولائی تک مکمل کھلارہے گا۔
    سیاحوں کی آسانی کےلئے سپیشل ہیلپ لائن ڈیسک قائم کیا گیا ہے جو کوئی بھی مشکل پیش آنے کی صورت میں 0943-412519نمبر پر رابطہ کرسکتے ہیں۔پولو فیسٹیول تین روز تک یعنی سات سے نو جولائی جاری رہے گا.


  • error: Content is protected !!