Chitral Times

Nov 12, 2018

ﺗﻔﺼﻴﻼﺕ

  • شندورپولو فیسٹیول 7جولائی سے شروع ہو گا، وزیراعلیٰ خیبرپختونخوا افتتاح کرینگے

    July 6, 2018 at 10:56 pm

    تین روزہ فیسٹیول کی اختتامی تقریب 9جولائی کو منعقد ہوگی ،جس میں پیراگلائیڈنگ سمیت علاقائی ہنرمندوں اورثقافت کو بھی فروغ دینے کیلئے مختلف سرگرمیاں منعقد کی جائینگی

    چترال(چترال ٹائمز رپورٹ) ٹورازم کارپوریشن خیبرپختونخوا کے زیراہتمام شندور پولو فیسٹیول 7جولائی بروز ہفتہ سے چترال کے علاقے شندور میں شروع ہوگا ، جس کا باضابطہ افتتاح وزیراعلیٰ خیبرپختونخوا جسٹس (ر) دوست محمد خان کرینگے جبکہ ان کے ہمراہ صوبائی وزیرسیاحت و ثقافت محمد راشد ، سیکرٹری محکمہ سیاحت محمد طارق، ایڈیشنل سیکرٹری بابر خان، ڈپٹی کمشنر چترال خورشید خان محسود ، ایف سی کرنل ثاقب، منیجنگ ڈائریکٹر ٹورازم کارپوریشن مشتاق احمد خان، ڈی پی او چترال محمد فرقان بلال، گلگت بلتستان کے عہدیداران ،جنرل منیجر ایڈمن اینڈ پراپرٹیز سجاد حمیدسمیت دیگر اہم شخصیات موجود ہونگی ،ٹورازم کارپوریشن خیبرپختونخوا کے تعاون اورضلعی انتظامیہ چترال کے زیراہتمام دنیا کے بلند ترین پولوگراؤنڈ پر منعقد ہونے والے شندورپولو فیسٹیول کا آغاز7جولائی سے ہوگا جس کا افتتاح وزیراعلیٰ خیبرپختونخوا جسٹس (ر) دوست محمد خان کرینگے ،تین روزہ پولوفیسٹیول میں کلچرل نائٹ سمیت علاقائی ہنرمندوں اورعلاقائی ثقافت کے فروغ کیلئے مختلف پروگرام بھی تشکیل دیئے گئے ہیں ،پولومقابلوں میں چترال ، گلگت ،لاسپور، غزرکی ٹیمیں شرکت کرینگی ، فیسٹیول میں سیاحوں کیلئے بہترین ٹینٹ ویلیج کا قیام عمل میں لایاگیا ہے ، فیسٹیول میں ٹورازم کارپوریشن کیساتھ ساتھ پاک فوج، چترال سکاؤٹس، ضلعی انتظامیہ چترال اور دیگر محکمہ کا بھی تعاون حاصل ہے جس کی بدولت فیسٹیول کا کامیاب انعقاد کیا جائیگا، تین روزہ پولو فیسٹیول کی اختتامی تقریب9جولائی کومنعقد ہوگی، پولو مقابلوں میں پہلے روز لاسپور اور غزر کی ٹیمیں مدمقابل ہونگی جبکہ دوسرے روز چترال بی اور گلگت بلتستان بی ٹیمیں جبکہ فائنل چترال اور گلگت بلتستان اے کی ٹیموں کے مابین کھیلا جائے گا ، فیسٹیول میںآتش بازی کا بھی مظاہرہ پیش کیا جائے گا۔

  • error: Content is protected !!