- Chitral Times - https://chitraltimes.com - Chitral Times

اگلے 28گھنٹوں کے دوران چترال سمیت ملاکنڈ ڈویژن میں گرچ چمک کے ساتھ طوفانی ہواؤں کی پیشن گوئی

پشاور ( چترال ٹائمز رپورٹ )صوبائی ڈیزاسٹر مینجنٹ اتھارٹی خیبرپختونخوانے پاکستان محکمہ موسمیات کی جاری کردہ روزانہ رپورٹ کے پیش نظر تمام اضلاع کی ضلعی انتظامیہ اوردیگر متعلقہ حکام کو موسم برسات کی متوقع بارشوں کے سلسلے میں خبردار کرتے ہوئے ہدایات جاری کی ہیں کہ وہ اس سلسلے میں پیشگی اقدامات اٹھائیں اورہرقسم کی ہنگامی صورتحال سے نمٹنے کے لئے پیشگی منصوبہ سازی کرنے کے ساتھ مطلوبہ آلات اورساز وسامان کابھی پیشگی بندوبست کرلیں۔تفصیلات کے مطابق پی ایم ڈی کی روزانہ رپورٹ میں بتایا گیا ہے کہ اگلے 24 ۔اور28 ۔گھنٹو ں کے دوران صوبے کے زیادہ ترحصوں میں موسم گرم اورخشک رہنے کی توقع ہے جبکہ صوبے کے بعض اضلاع ایبٹ آباد ،مانسہرہ ،بٹگرام ،ہری پور، کوہستان ،ملاکنڈ ،چترال ،دیرپائین ،دیر بالا،شانگلہ ،بونیر ،سوات ،ڈی آئی خان اورٹانک کے اضلاع میں بجلی کی گرج چمک کے ساتھ ساتھ کہیں کہیں طوفانی ہواؤں گردوغبار کی پیشن گوئی بھی کئی گئی ہے۔ اسی طرح پی ڈی ایم اے نے صوبے میں بہنے والے مختلف دریاؤں کی تازہ ترین صورتحال سے متعلق اپنی روزانہ رپورٹ میں بتایا ہے کہ دریائے کابل میں ورسک اورنوشہرہ کے مقامات پر نچلے درجے کاسیلاب ہے جہاں پانی کااخراج باالترتیب 32400 ۔اور61100 ۔کیوسک ریکارڈ کیاگیا جبکہ دریائے سندھ میں اٹک / خیر آباد، اوردریائے ادیزئی میں ادیزئی پل کے مقامات پر صورتحال نارمل ہے۔