- Chitral Times - https://chitraltimes.com - Chitral Times

پی آئی اے نے شندورفیسٹیول کے موقع پر چترال کیلئے خصوصی پروازیں چلانےکا اعلان کر دیا

چترال (نذیرحسین شاہ نذیر)پی آئی اے نے شندورفیسٹیول کے موقع پر چترال کے لئے خصوصی پروازیں چلانے کے شیڈول کا اعلان کر دیا۔ پی آئی اے 2 خصوصی پروازیں چلائے گی۔7جولائی کواسلام آباد سے سوادس بجے پرواز چترال آئیگی۔ اور 11-55کو واپسی ہو گی۔اسی طرح 11جولائی کواسلام آباد سے سوادس بجے پرواز چترال آئے گی۔اور 11-55کو واپسی ہو گی۔
ڈسٹرکٹ سیلزمنیجرپی آئی اے چترال محمدابراہم انوارنے کہاہے کہ شندورفیسٹیول کے موقع پردوخصوصی پروازیں چلانے کابندوبست کیاہے۔ تاکہ ملکی اورغیرملکی سیاح فیسٹول میں شرکت کرسکیں.
یادرہے کہ دنیا کی بلند ترین قدرتی پولوگراونڈ شندور میں عالمی سطح پر معروف میلہ جشن شندور کا آغاز 7جولائی سے ہوگا ۔جس میں چترال اور گلگت کی ٹیموں کے مابین پولو ٹورنامنٹ کے علاوہ پیر ا گلائیڈنگ ‘محافل موسیقی اور روایتی رقص کا بھی اہتمام کیا گیا ہے۔میلے سے لطف اندوزہونے کے لئے آنے والے ملکی غیرملکی سیاح پی آئی اے کے متعلقہ دفاترسے رابطہ کرسکتے ہیں.