Chitral Times

Mar 29, 2024

ﺗﻔﺼﻴﻼﺕ

غذر کی خوبصورتی اپنی مثال آپ ہے،یہاں ٹورزم کا مستقبل تابناک ہے۔۔ڈپٹی کمشنرغذر

Posted on
شیئر کریں:

اشکومن(کریم رانجھا) ؔ سیاحت کی ترقی کے لئے ہر ممکن تعاون کریں گے،غذر میں ٹورزم کا مستقبل تابناک ہے،ہوٹلنگ کے شعبے میں
آنے والوں کی حوصلہ افزاکی جائے گی۔ڈپٹی کمشنر غذر شجاع عالم پیرزادہ نے برگل کے مقام پر رائل گیسٹ ہاؤس کے افتتاح کے بعد گفتگو کرتے ہوئے کہا کہ غذر کی خوبصورتی اپنی مثال آپ ہے جسے دنیا کے سامنے لانے کی ضرورت ہے،اس سلسلے میں حکومتی اقدامات کے ساتھ ساتھ پرائیوٹ سیکٹر کو بھی آگے آنا ہوگا،ضلعی انتظامیہ اس سلسلے میں بھرپور تعاون کرے گی۔
گزشتہ چند سالوں سے ضلع غذر میں سیاحوں کی آمد میں اضافہ دیکھنے میں آرہاہے جو ایک حوصلہ افزاء امر ہے لیکن علاقے میں بنیادی انفراسٹرکچر کی کی عدم موجودگی کے باعث سیاحوں کو مشکلات کا سامنا کرنا پڑ رہا ہے ۔ان مسائل کو دیکھتے ہوئے علاقے کے بعض نوجوان پرائیوٹ طور پر کردار ادا کررہے ہیں اور ہوٹلنگ کے شعبے کی جانب راغب ہورہے ہیں جو کہ خوش آئند ہے۔اس سلسلے میں علاقے کے مشہور پرائیوٹ ٹور آپریٹر راجہ ایوب کا کہنا تھا کہ جب تک ہم سیاحوں کو سہولیات فراہم نہیں کریں گے،سیاحوں کے نہ آنے کا شکوہ کرنا عبث ہوگا۔اس سلسلے میں علاقے میں گیسٹ ہاؤسز کی تعمیر ازحد ضروری ہے تاکہ سیاح اطمینان سے قدرتی مناظر سے لطف اندوز ہوسکیں۔سہولیات دستیاب ہونگے تو سیاح آئیں گے جس سے علاقے کی معیشت ترقی کرے گی۔
Gazr rest house inaugurated 1


شیئر کریں: