Chitral Times

Dec 13, 2018

ﺗﻔﺼﻴﻼﺕ

  • مالی سال2017-18 کے تمام بلز کے اجراء کیلئے 22جون2018 سے پہلے پیش کیئے جائیں ۔۔محکمہ خزانہ

    June 21, 2018 at 11:21 pm

    پشاور (چترال ٹائمز رپورٹ ) محکمہ خزانہ حکومت خیبرپختونخوا کی جانب سے جاری کردہ ایک مراسلے میں تمام متعلقہ محکموں اورافسران کوہدایات جاری کی گئی ہیں کہ مالی سال 2017-18 کے لئے تمام بلز کے اجراء کے لئے اکاؤنٹنٹ جنرل خیبرپختونخوا / ڈسٹرکٹ/ ایجنسی اکاؤنٹس افسران کو ٹھیک 22 ۔جون 2018 کو یا اس سے پہلے لازمی طورپر پیش کئے جائیں۔اکاؤنٹنٹ جنرل خیبرپختونخوا/ ڈسٹرکٹ/ ایجنسی اکاؤنٹس افسران تمام چیک ؍پے آرڈرز27جون 2018کو جاری کریں گے اور جون کے مہینے کے لئے آخری شیڈول سٹیٹ بنک آف پاکستان ادائیگی کیلئے چیک پیش کرنے سے پہلے بھیج دیا جائے گا۔ پہلے سے جاری ہونے والے بابعدمیں جاری ہونے والے تمام چیک،جومالی سال 2017-18 سے متعلق ہوں۔30 ۔جون 2018 تک مؤثر ہوں گے۔ ماسوائے ڈی ڈی اوزکوجاری ہونے والی تنخواہوں کے چیک اگر کوئی جون 2018 کے مہینے کے لئے ہو جو یکم جولائی 2018 یا اس کے بعد قابل ادائیگی ہو جبکہ چیک/ پے آرڈرز جاری کرنے والے حکام ،تمام چیک/ پے آرڈرز پر 30-06-2018 کے بعد ناقابل ادائیگی کی مہرچسپا ں کریں گے۔ماسوائے ڈی ڈی اوز کو جاری ہونے والے تنخواہوں کے چیکس کے اگر کوئی ہو مراسلے میں مزید بتایا گیاہے۔ مذکورہ بالا شیڈول اور چیک کے مؤثر ہونے کی مدت میں کوئی تبدیلی یاتوسیع نہیں کی جائے گی۔ اس لئے اس سلسلے میں محکمہ خزانہ کی جاری کردہ ہدایات پر ان کی حقیقی روح کے مطابق عمل درآمد کیاجائے۔
    ۔۔۔۔۔۔۔۔۔۔۔۔۔۔۔۔۔۔۔۔۔۔
    دریں اثنا محکمہ قانون کی جانب سے جاری پریس ریلیز کے مطابق ایڈوکیٹ جنرل ،خیبرپختونخوا کے لاء آفسران نے اپنے عہدوں سے استعفے صوبائی سیکرٹری لاء خیبرپختونخوا کو بھیجوادیئے ہیں اور نئے ایڈوکیٹ جنرل کی تعیناتی کی سمری بھی صوبائی گورنمنٹ کو بھیجوادی گئی ہے۔

  • error: Content is protected !!