Chitral Times

Jun 21, 2018

ﺗﻔﺼﻴﻼﺕ

  • کالاش ویلی میں‌موسلادھار بارش اور سیلاب، گھروں، گودام اور کھڑی فصلوں‌کو شدید نقصان پہنچا

    June 10, 2018 at 9:31 am

    چترال( محکم الدین) ہفتہ اور اتوار کی درمیانی شب 12بجے کالاش ویلی بمبوریت کے بالائی دیہات میں موسلادھار بارش ہوئی ۔ جس کے نتیجے میں کندیسار اور کراکال گاوں میں سیلاب آئے ۔ اور چار گھروں ایک آرا مشین ، گری۔ گودام اور مکئی کی فصلوں کو نقصان پہنچا۔ جبکہ بشیر احمد کا گھر مکمل طور پر بہہ گیا ہے ۔ دیگر متاثرین میں نورالامین،شیر خان ،مستانہ خان،اور کراکال گاوں کے دلایک کالاش شامل ہیں ۔ سیلاب سے کندیسار اور کراکال میں سڑک کو بھی جزوی نقصان پہنچا ہے ۔مقامی نوجوان سماجی کارکن اشفاق احمد ساگر کے مطابق بشیر احمد کا گھر بری طرح متاثر ہوا ہے ۔ گھر اور سامان بہہ گئے ہیں ۔ اور دور دور تک سیلابی کیچڑ اور ملبے میں بکھرے پڑے ہیں۔ تاہم اہل خانہ اپنی جان بچانے میں کامیاب ہو گئے ۔ ان کے مطابق رات 12 بجے اچانک گرج چمک کے ساتھ مسلادھار بارش ہوئی۔ اور دیکھتے ہی دیکھتے سیلاب گاوں میں داخل ہوا ۔ اور مکانات ، ارا مشین ، گرین گودام ،فصلیں جو بھی سامنے آیا ۔بہاکر لے گیا۔ تاہم لوگ اپنی جانیں بچانے میں کامیاب ہو گئے ۔ مقامی لوگوں نے حکومت سے امداد کی اپیل کی ۔اور مکان سے محروم شدہ متاثرین ۔خیمے اور خوراک فوری طور پر مہیا کرنے کا مطالبہ کیا ہے ۔





  • error: Content is protected !!