Chitral Times

Sep 21, 2018

ﺗﻔﺼﻴﻼﺕ

  • شندورپولو فیسٹیول امسال 7جولائی کو منعقد کیا جائے گا، محمد طارق

    June 6, 2018 at 3:00 am

    فیسٹیول سے قبل گراؤنڈ کی تزہین و آرائش،پانی کی سپلائی، ثقافتی اشیاء کے سٹالز،ٹرانسپورٹ کا انتظام ،سیاحوں اور وی وی آئی پیز کیلئے خصوصی انتظامات ،کلچرل نائٹ اور دیگرامور اجلاس میں زیرغور
    پشاور( نمائندہ چترال ٹائمز) شندور پولو فیسٹیول رمضان المبارک کے باعث 5سال کے طویل عرصے کے بعد امسال اپنی مقرر کردہ تاریخ 7سے 9جولائی منعقد ہوگا ،جس میں سیاحوں کیلئے چترال سے شندور کیلئے ٹرانسپورٹ سروس اور گلگت بلتستان اور چترال کی مقامی ثقافت کی رونمائی کیلئے ثقافتی سٹالز سمیت محفل موسیقی کا بھی انعقاد کیا جائے گا ، ان خیالات کا اظہار سیکرٹری محکمہ سیاحت، ثقافت ، کھیل، آثارقدیمہ و امورنوجوانان محمد طارق نے کانفرنس روم ٹورازم کارپوریشن پشاور میں اجلاس کی صدارت کرتے ہوئے کیا، اس موقع پر ایڈیشنل سیکرٹری محکمہ سیاحت و ثقافت بابرخان، ایف سی ہیڈ کوآرٹر سے کرنل ثاقب، منیجنگ ڈائریکٹر ٹورازم کارپوریشن مشتاق احمد خان، ڈی پی او چترال منصور امان، ڈپٹی سیکرٹری محکمہ کھیل جمشید خان، جنرل منیجر ایڈمن اینڈ پراپرٹیز سجاد حمید، ڈپٹی ڈائریکٹرانفارمیشن عطاء الحق،ڈپٹی کمشنر چترال ارشادسدھیر ، سیکشن آفیسر سی اینڈ ڈبلیوانجینئر شبانہ مجیب، پی او ایڈمنسٹریشن امتیاز خان، جی ایم ٹی آئی سیز محمد علی سید، کیپٹن شہزاد144ونگ مستوج، اسسٹنٹ کمشنر مستوج اعون حیدر، ڈپٹی سیکرٹری ہوم ڈیپارٹمنٹ رفیق مہمند، صدر چترال پولو ایسوسی ایشن سکندر الملک، پیسنجر سیلز منیجر پی آئی اے فیاض احمد، ڈائریکٹر کلچر اجمل خان ،پروڈیوسر ریڈیوپاکستان سرداراعظم خان اور دیگر اہم شخصیات موجود تھیں، اجلاس سے خطاب کرتے ہوئے سیکرٹری محکمہ سیاحت محمد طارق نے کہاکہ شندور پولو فیسٹیول بین الاقوامی شہرت یافتہ کھیل ہے ،فیسٹیول میں چترال اور گلگت بلتستان کی مقامی ثقافت کی بہترین انداز میں رونمائی کی جائے گی، انہوں نے کہا کہ قومی ایئرلائن پی آئی اے 5سے 12جولائی چترال کیلئے خصوصی پروازوں کا اہتمام کرے جبکہ چترال سے شندور کیلئے مقامی سیاحوں کی رسائی کیلئے ٹرانسپورٹ سروس کا بھی آغاز کیا جائے گا ، شندور میں سیاحوں کی رہائش کیلئے بہترین ٹینٹ ویلیج بنایا جائے گا جبکہ کوشش ہے کہ امسال مقامی ثقافت کی رونمائی کیلئے ثقافتی سٹالز بھی لگائے جائیں، تین روزہ فیسٹیول میں کلچرل نائٹ سمیت علاقائی ہنرمندوں اورعلاقائی ثقافت کے فروغ کیلئے مختلف پروگرام بھی تشکیل دیئے جائینگے ،سیکرٹری محکمہ سیاحت محمد طارق نے کہاکہ شندور پولو فیسٹیول گزشتہ سال کی نسبت مزید احسن طریقے سے منعقد کیا جائے گا اوراس میں ڈسٹرکٹ گورنمنٹ چترال ، پاک فوج اور دیگر اداروں کا بھی تعاون حاصل رہے گا ، ہماری کوشش ہے کہ امسال شندور پولو فیسٹیول میں ملکی سیاحوں کیساتھ ساتھ بین الاقوامی سیاح بھی گزشتہ سال کی نسبت زیادہ شرکت کریں تاکہ اس فیسٹیول کو کامیاب بنانے سمیت چترال میں سیاحت فروغ پا سکے، اس موقع پر انہوں نے فیسٹیول میں ٹینٹ ویلیج کے قیام ، پولو گراؤنڈ کی تزہین و آرائش، واٹرسپلائی ، ٹرانسپورٹ اور دیگر سہولیات کی فراہمی یقینی بنانے کیلئے احکامات جاری کئے،ان کا کہنا تھاکہ گزشتہ سال شندور پولو فیسٹیول کا کامیاب انعقاد کیا گیا جس میں گلگت بلتستان اور چترال کی ٹیموں نے شرکت کی، اجلاس میں فیسٹیول سے متعلق سہولیات جن میں پانی کی سپلائی، ملکی سطح پر فیسٹیول کی رونمائی، پمفلٹ اور براؤشرز کی چھپائی، انفراسٹرکچر جس میں سڑکیں اور دیگر راستوں کی تعمیر،گراؤنڈ کی تزہین وآرائش و لیولنگ،پاور سپلائی جنریٹر،ٹیلیفون کنکشن،ٹرانسپورٹ، الیکٹرانک میڈیا کی کوریج،کھانے پینے کا انتظام،سیکورٹی،لوکل ٹرانسپورٹ ،سیاحوں اوروی وی آئی پیز کیلئے ہیلی کاپٹر یا دیگر ٹرانسپورٹ سروسز ،شام کے اوقات میں کلچر نائٹ، میوزیک فیسٹیول، آتش بازی وغیرہ،دن میں پیراگلائیڈنگ، چترال ڈانس اور دیگر پرفارمنس،فوڈسٹالز،چترال اور گلگت کی مقامی ثقافتی اشیاء کے سٹالزاور دیگر اہم امور زیر غورآئے ، ان تمام امور کی مکمل تکمیل اور بروقت فراہمی کو یقینی بنانے کیلئے فوری اقدامات اٹھانے کافیصلہ کیا گیا۔

  • error: Content is protected !!