Chitral Times

Mar 28, 2024

ﺗﻔﺼﻴﻼﺕ

چترال پبلک سکول اینڈ کالج میں سالانہ تقریب کا انعقاد

Posted on
شیئر کریں:

چترال (چترال ٹائمز رپورٹ ) چترال پبلک سکول اینڈ کالج میں گزشتہ دن سالانہ تقریب کا انعقاد کیا گیا – جس میں سکول سے فارغ التحصیل سابق طلباء، والدین اور مختلف شعبہ ہائے زندگی سے تعلق رکھنے والے کثیر تعداد میں شرکت کیں – اس تقریب کے مہمان خصوصی ضلع ناظم حاجی مغفرت شاہ تھے – تقریب کا باقاعدہ آغاز تلاوت کلام پاک سے ہوا اس کے بعد نبی کریم صل اللہ علیہ والہ و سلم کے حضور عقیدت کے پھول نچھاور کے گیے – سکول کا ترانہ گروپ قومی ترانہ پیش کیا – پرنسپل وجیہہ الدین نے خطبہ استقبالیہ پیش کیا اور مہمانوں کا شکریہ ادا کیا – اپنے خطاب پرنسپل میں سکول کے سالانہ سرگرمیوں کے حوالے سے حاضرین کو آگاہ کیا اور سکول کی کارکردگی رپورٹ پیش کیا – پرنسپل وجیہہ الدین نے کہا کہ چترال پبلک سکول اینڈ کالج ضلع چترال کا بانی نجی تعلیمی ادارہ ہے یہاں سے فارغ التحصیل ہزاروں کی تعداد میں طلباء طلبات مختلف شعبہ ہائے زندگی میں خدمات سرانجام دے رہے ہیں – پروگرام میں سکول کے طلباء طلبات ملی نغمے ، خاکے، تقاریر اور سٹیج شو کا شاندار مظاہرہ کر کے حاضرین کو خوب محظوظ کیا – پروگرام کے آخر میں سالانہ امتحان میں نمایاں پوزیشن حاصل کرنے والے طلبا و طالبات میں انعامات تقسیم کئے گئے – اس پروگرام کی ایک خاص بات یہ بھی تھی کہ اس میں سکول کے سابق ٹیچر اور استادالآساتذہ سردار کو لائف ٹائم ایچیومینٹ ایوارڈ سے نوازا گیا – آخر میں مہمان خصوصی ضلع ناظم مغفرت شاہ نے خطاب کرتے ہوئے سکول کے انتظامیہ کو خراج تحسین پیش کیا اور کہا کہ چترال میں تعلیم کے میدان میں چترال پبلک سکول اینڈ کالج کا انتہائی اہم کردار رہا ہے یہاں سے فارغ التحصیل ہزاروں سٹوڈنٹس اعلیٰ عہدوں پر فائز ملک و قوم کی خدمت سر انجام دے رہے ہیں – ضلع ناظم نے سکول کے بانی مرحوم اشرف الدین کو زبردست الفاظ میں خراج عقیدت پیش کیا – مہمان خصوصی نے کہا کہ مرحوم اشرف الدین چترالی قوم کا محسن رہا ہے – انھوں نے جو پودا لگایا تھا وہ آج ایک تناور درخت بن کر پھل دینا شروع کر دیا ہے. یہ رنگارنگ پروگرام رات گئے اختتام کو پہنچا –
chitral public school program 8
chitral public school program 9

chitral public school program 10

chitral public school program 1

chitral public school program 3

chitral public school program 4
chitral public school program 5

chitral public school program 6

chitral public school program 7


شیئر کریں: