Chitral Times

Aug 18, 2018

ﺗﻔﺼﻴﻼﺕ

  • اسپیشل اسٹوڈنٹس گلگت کیلئے منعقدہ سپورٹس ویک اختتام پزیر، سپیکر قانون سازاسمبلی مہمان خصوصی

    May 15, 2018 at 8:40 pm

    گلگت(چترال ٹائمز رپورٹ)سپیشل ایجوکیشن کمپلکس گلگت میں سپورٹس ویک کا فائنل میچH.I.C(Green)اورPHC(Red)کے درمیان کھیلا گیا HIC Greenنے میچ جیت کر ٹرافی اپنے نام کرلی۔فائنل میچ کے مہمان خصوصی سپیکر قانون ساز اسمبلی حاجی فدا محمد خان ناشاد تھے۔سپیکر کو خصوصی بچوں نے خصوسی دوست کا شیلڈ پیش کیا۔ڈپٹی ڈائریکٹر بشارت اللہ نے سپیکر کو خصوصی دوست کا شکوہ اور خصوصی دوست کا جواب شکوہ بینر بھی پیش کیا۔سالانہ سپورٹس ویک پروگرام کا باقاعدہ آغاز تلاوت کلام پاک اور نعت شریف سے ہوا جسکی سعادت زین العابدین، احتشام اور مدثر حسین ن حاصل کی۔ڈپٹی ڈائریکٹر نے خطبہ استقبالیہ پیش کرتے ہوئے کہا کہ فدا محمد ناشاد وہ شخص ہے کہ جس کے ہاتھوں اس سپیشل ایجوکیشن کمپلکس کی سنگ بنیاد رکھی گئی ہے اور اسکی آمد کا خصوصی شکریہ ادا کیا۔
    مہمان خصوصی سپیکر فدا محمد ناشاد نے خطاب کرتے ہوئے کہا کہ اس سے پہلے میں بہت سے پروگرامز میں جاتا رہا لیکن جتنی خوشی آج مجھے ان بچوں سے مل کر ہوئی ہے وہ پہلے کبھی نہیں ہوئی۔تعلیم خود ایک عبادت ہے۔مگر خصوصی بچوں کی تعلیم و تربیت کرنا عظیم تر عبادت ہے۔ سپیکر نے اساتذہ سے مخاطب ہوتے ہوئے کہا کہ آپ لوگ عظیم انسان ہو کہ اللہ تعالی نے آپ کو اس عظیم کام کیلئے معمور کیا ہے۔اسکے علاوہ سپیکر نے کہا کہ سپیشل ایجوکیشن کا سنٹر ہر تحصیل میں قائم ہونا چاہئے۔خصوصی بچوں کی تعلیم و تربیت کیلئے اپنے تمام تر صلاحیتوں کو بروئے کار لاؤں گا اور ہر فورم پر سپیشل ایجوکیشن کی تعمیر و ترقی کیلئے کوشش کرونگا۔سپیکر نے کہا مجھے افسوس کہ سپیشل ایجوکیشن کمپلکس کے ہاسٹل میں نیب کا آفس قائم ہے۔سپیشل ایجوکیشن کمپلکس میںیہ بالکل نہیں ہونا چاہئے۔انشاء اللہ ہم کوشش کرینگے کہ جلد از جلد ہاسٹل خالی کراکے ان خصوصی بچوں کے حوالے کرینگے۔سپیکر نے مزید کہا کہ اس ادارے کے جتنے بھی مسلے مسائل ہیں ان کو حکام بالا تک آپ لوگ پہنچائیں ہم اپنی اولین فرصت میں حل کرینگے.

  • error: Content is protected !!