Chitral Times

Mar 29, 2024

ﺗﻔﺼﻴﻼﺕ

گلگت بلتستان ، یوتھ اتھیلیٹکس چیمپین شپ کی اختتامی تقریب

Posted on
شیئر کریں:

گلگت( چترال ٹائمز رپورٹ ) گلگت بلتستان سپورٹس بورڈ کے تعاون سے اور صوبائی و ضلعی اتھلیٹکس ایسو سی ایشن کے زیر نگرانی جونیئر اور یوتھ اتھلیٹکس چمپئین شپ کی اختتامی تقریب سٹی پارک گراؤنڈ میں منعقد ہوئی ۔ اس پر وقار تقریب کے مہمان خصوصی اسسٹنٹ ڈائریکٹر ٹیکنیکل شام محمد ، میر محفل سپرنٹنڈنٹ جی بی سپورٹس بورڈ حاجی محمد ایوب جبکہ صدر مجلس گلگت بلتستان فٹبال ایسوسی ایشن کے صدر جہانگیر حسین تھے۔اس موقع پر اسسٹنٹ آفیسر جی بی سپورٹس بورڈ باقر حسین ، اسرار حسین شاہ کوچ ہاکی جی بی سپورٹس بورڈ ، کرکٹ کوچ جی بی سپورٹس بورڈ ظہیر حسین سمیت شائقین کی کثیر تعداد موجود تھی۔ اس اختتامی تقریب میں جونیئر اور یوتھ کے ٹریک اور فیلڈ کے الگ الگ مقابلے ہوئے جس میں سو میٹر ، دو سو میٹر اور چا ر سو میٹر جبکہ فیلڈ میں لانگ جمپ، ڈسک تھرو اور شاٹ پٹ کے مقابلے ہوئے۔سو میٹر یوتھ میں فیضان نے پہلی، توصیف احمد نے دوسری جبکہ سجاد نے تیسری پوزیشن حاصل کی۔ دو سو میٹر دوڑ میں ارشد نے پہلی ، سہیل نے دوسری جبکہ علی نے تیسری پوزیشن حاصل کی اور چار سو میٹر دوڑ میں سجاد نے پہلی ، علی نے دوسری اور ذیشان نے تیسری پوزیشن حاصل کی۔ لانگ جمپ میں توصیف نے پہلی عنایت نے دوسری جبکہ عامر نے تیسری، شارٹ پٹ میں ذیشان نے پہلی ، محمد علی نے دوسری جبکہ توصیف نے تیسری پوزیشن حاصل کی۔ڈسک تھرو میں توصیف نے پہلی راشد نے دوسری اور راج الدین نے تیسری پوزیشن حاصل کی۔آخر میں مہمان خصوصی اسسٹنٹ ڈائریکٹر ٹیکنیکل شاہ محمد اور سپرنٹنڈنٹ جی بی سپورٹس بورڈ نے پہلی پوزیشن حاصل کرنے والے اتھلیٹ میں ٹرافی تقسیم کی جبکہ دیگر اتھلیٹس میں جی بی فٹبال ایسو سی ایشن کے صدر جہانگیر حسین، اسسٹنٹ آفیسر باقر حسین ، ہاکی کوچ سپورٹس بورڈ کواڈنیٹر ، اتھلیٹکس ایونٹ اسرار حسین شاہ اور کرکٹ کوچ جی بی سپورٹس بورڈ ظہیر حسین نے ٹرافیاں تقسیم کیں۔


شیئر کریں: