Chitral Times

Mar 28, 2024

ﺗﻔﺼﻴﻼﺕ

مہ حیران اریر………….ذاہد علی شوتخار

Posted on
شیئر کریں:

چمبیلیای کھرہ مہ حیران اریر
گلاب نوبہارہ مہ حیران اریر
نستوای ملکھون گمبوری بچھوشی
گیتی ای خمارہ مہ حیراناریر
ہوی شنجوراسپروسم مرگست دوچھار
یہ باغ چھترارہ مہ حیران اریر
یہ ادرخہ زیربلی قلم گنی
گمبورین دفترہ مہ حیران اریر
غوچھار تن شیرین ہوازہ بشیاو
قدرتو ستھارہ مہ حیران اریر
حسنو اوچہ رنگینیو امتزاج
ادرخو پنارہ مہ حیران اریر
غیچبروان اوسان دیتی تےنغزنین
گیتی مہ دوچھارہ مہ حیران اریر
عشق حقیقتہ ای مدہوش بیریش
تے چھیر غوچھارہ مہ حیران اریر
یور بغای مس یی نیسیتای نور بدست
خوش رویو دیدارہ مہ حیران اریر
کروچ دی ہوی چراغ چشم، جم دی ہوی
معجزہ دربارہ مہ حیراناریر
زروپ بیتی، تو مختو استارین گروہ
لوڑی ای قرارہ مہ حیران اریر
جان من، قرار دل، سکون روح
خواب پر خمارہ مہ حیران اریر
چون صدائے نغمہ بلبل شنید
اوسیتای اورارہ مہ حیران اریر
یورانو ای جم انوس ای نوغ ژغا
طور دل چھترارہمہ حیران اریر
سوروم، دروخم بوشییاو کنن سورو
یور شخرن بزارہ مہ حیران اریر
حسن بہ انداز دیگر برملا
نغمہہزارہ مہ حیران اریر
نور آفتاب آمد در قمر
پروشٹہ رہگزرہ مہ حیران اریر
ای غیچھو حسنوت پھریتم، ایغیچ مہ سم
ای ہیرہ، ای یرہ مہ حیران اریر
مثل رنگ و بو کوری احساسو روشت
عشقو مرغزارہ مہ حیران اریر
چون نظر کردم بسوی جان من
نور مہ و اخترہ مہ حیران اریر
یہ حسین منظرو انگیتی ہنون
نزاری اشعارہمہ حیران اریر


شیئر کریں: