گلگت بلتستان ایکس سولجرز ویلفیئر ایسوسی ایشن کا اجلاس، پینشن میں ریگولر انکریمنٹ کا مطالبہ
گلگت( چترال ٹائمز رپورٹ) گلگت بلتستان ایکس سولجرز ویلفیئرز ایسو سی ایشن کا ایک اہم اجلاس زیر صدارت (ر) کرنل عبید اللہ بیگ منعقد ہوا۔ اجلاس میں مجلس عاملہ کے علاوہ جنرل سیکریٹری، آنریری سیکریٹری (ر) کیپٹن نعیم شاہ ، (ر) صوبیدار میجر بابر ، ڈپٹی جنرل سیکریٹری محمد شفا (ر) صوبیدار میجر مس خان اور سیکریٹری اطلاعات (ر) حوالدار شکور خان کے علاوہ بڑی تعداد میں پینشینئرز نے شرکت کی۔ اجلاس میں لیبر ڈے کے موقع پر ایکس سولجرز ویلفیئرز ایسو سی ایشن گلگت بلتستان کی طرف سے حکومت وقت اور ذمہ داران، وزارت خزانہ کے سیکریٹری ۔ ایجوٹنٹ جرنیل اور ڈی جی، پی پی اے سے گزارش کی گئی کہ پینشینئرز کی سالانہ پنشن میں کوئی خاطر خواہ ریگولر انکریمنٹ کا بھی اضافہ کرکے بڑھاپے کی ضروریات کے لئے اعلان کرے کیونکہ ملک کی حفاظت سے افضل کوئی محنت کش نہیں ہوتاتا ہم پنشن میں دس فیصد اضافے کا خیر مقدم بھی کرتے ہیں۔
وزیر اعلیٰ گلگت بلتستان کے زیر نگرانی مزدورں سے متعلق قوانین بہتر بنانے کے لئے ایک اہم اقدامات کئے گئے ہیں اور ۱۰ مئی کو شانٹی ڈے منانا مزدوروں کی فلاح و بہبود گلگت بلتستان مثالی امن قائم رہیگا ، یاد گار شہداء فیملی پارک چنار باغ دیکھ بال عین عبادت ہے۔