SAPاساتذہ کی تحریک کو کمزور اور تقسیم کرنے والے سازشی عناصر نا کام ہوئے۔۔غلام اکبر
گلگت ( چترال ٹائمز رپورٹ) SAPٹیچرز ایسوسی ایشن گلگت بلتستان کے صدر غلام اکبر نے میڈیا سے بات کرتے ہوئے کہا کہ وزیر اعلیٰ ، چیف سیکرٹری ، وزیر تعلیم اور سیکرٹری تعلیم کاشکریہ ادا کرتے ہیں۔ SAPاساتذہ کی تحریک کو کمزور کرنے کیلئے 1464 SAPاساتذہ کو تقسیم کرنے کی سازش کی گئی تھی ،آج وہ تعلیم دشمن عناصر نا کام ہوئے۔ وزیر اعلیٰ اور چیف سیکرٹری کے حکم پر نان فارمل سکول ٹیچرز جو 1464 میں شامل ہیں، ان کی بھی لسٹ محکمہ تعلیم کو مہیا کر دی گئی ہے۔ جو کہ جلد از جلد ویریفیکشن کمیٹی کو دی جائے گی جس سے تمام اضلاع میں امتیازی سلوک کے شکار اساتذہ کی تشویش ختم ہوگی۔