Chitral Times

Sep 22, 2018

ﺗﻔﺼﻴﻼﺕ

  • وزیراعلیٰ نے دورہ ہنزہ کےموقع پراربوں روپےکےمنصوبوں کااعلان کرکےعوام کا دل جیت لیاہے..اشفاق

    April 26, 2018 at 8:20 pm

    گلگت ( چترال ٹائمز رپورٹ)وزیراعلیٰ گلگت بلتستان حافظ حفیظ الرحمن نے اپنے دورہ ہنزہ ، نگر کے دوران اربوں روپے کے منصوبوں کا اعلان کر کے یہاں کے غیور عوام کا دل جیت لیا ہے۔ ان خیالات کا اظہار محمد اشفاق کوارڈینیٹر مسلم لیگ نون یوتھ ونگ گلگت بلتستان نے اپنے ایک بیان میں کہا۔ انہوں نے مذید کہا کہ ہنزہ اور نگر کی تا ریخ میں ایسے اعلانات سابقہ دور حکومتوں میں نہیں ہوئے تھے۔ ان منصوبوں کے تکمیل سے ان علاقوں میں ترقی کا سفر تیز ہو گا۔ انہوں نے مذید کہا کہ وزیر اعلیٰ کی خصوصی توجہ سے حلقہ 1 ، 2 اور 3 میں بھی ریکارڈ ترقیاتی کام شروع ہو گئے ہیں۔محمد اشفاق نے مذید کہا کہ ڈپٹی سیکرٹری جعفر اللہ خان نے حلقہ 1 میں خصوصی توجہ دیتے ہوئے بڑے بڑے منصوبے منظور کرایا ہے۔ انہوں نے مذید کہا کہ آجکل پی پی پی والے زمینوں کے ایشو کو آڑ بنا کر سادہ لوح عوام کو غلط ٹریک پر لے جانے کی ناکام کوششوں میں مصروف ہے۔انہوں نے مذید کہا کہ وزیر اعلیٰ حافظ حفیظ الرحمن گلگت شہر کوملک کے دیگرترقی یافتہ شہروں میں لانے کیلئے اپنی تمام تر کوششوں کو بروئے کا ر لا رہے ہیں ۔ مخالفین کو یہاں کی ترقی ہضم نہیں ہو رہی ہے۔ اس لئے زمینوں کے ایشو کو آڑ بنا کر اپنی سیاست چمکانے کی ناکام کوششوں میں مصروف ہیں۔محمد اشفاق نے کہا کہ مخالفین مخالفت کرتے رہیں، ہم اپنا ترقی کے سفر کو جاری رکھ کر ان علاقوں کو ترقی کے راہ پر گامزن کرینگے۔

  • error: Content is protected !!