Chitral Times

Mar 29, 2024

ﺗﻔﺼﻴﻼﺕ

انجمن کشمیری بازارگلگت کے کابینہ کی تقریب حلف برداری

Posted on
شیئر کریں:

گلگت( چترال ٹائمز رپورٹ) انجمن کشمیری بازارگلگت کی نئی کابینہ جو متفقہ طور پر سلیکشن کے ذریعے وجود میں آئی کی حلف برداری کی تقریب میں مہمان خصوصی کے طور پر ڈپٹی سپیکر جعفر اللہ خان نے خصوصی طور پر شرکت کی۔ان کے علاوہ مرکزی انجمن تاجران کے سابق صدور جاوید خان و حاجی جمعہ خان اور موجودہ صدر محمد ابراہیم نے شرکت کی۔تقریب میں مرکزی انجمن تاجران کے وارڈ صدور صاحبان اور سیاسی و سماجی رہنماؤں نے بھی شرکت کی۔کشمیری بازار کی نئی کابینہ جس میں سرپرست اعلیٰ عجب گل اور صدر عبدالسلیم جنرل سیکریٹری چوہدری محمد رفیق ، ڈپٹی جنرل سیکریٹری عبدالغنی سیکریٹری نشرو اشاعت طاہر الدین، سیکریٹری مالیات شاہد نواز کی حلف برادری ہوئی۔ مرکزی انجمن تاجران کے فنانس سیکریٹری منہاج الدین نے کشمیری بازار کی نئی کابینہ سے حلف لیا ، حلف برداری کے بعد مہمان خصوصی جعفر اللہ خان نے اپنے دست مبارک سے ہار پہنائے۔صدرعبد السلیم کشمیری بازار نے سپاسنامہ پیش کیا مقررین نے دل کھول کر داد دی، صدر کے بعد انجمن تاجران کے مرکزی صد محمد ابراہیم اور مرکزی انجمن تاجران کے صدر حاجی جمعہ خان نے بھی خطاب کیا ۔ بعدازاں مرکزی انجمن تاجران کے سابقہ سیکریٹری مالیات و صدر مرکزی ٹیلرز ایسوسی ایشن محمد رمضان نے اپنے خیالات و نیک خواہشات کا اظہار کیا۔ بلدیہ کے سابق ممبر اور موجودہ پیپلز پارٹی کے رہنما اشفاق افضل نے بھی کشمیری بازار کے تاجران کی حوصلہ افزائی کی۔
آخر میں ڈپٹی سپیکر قانون ساز اسمبلی جعفر اللہ خان نے مسائل کے حل کی یقین دہانی کرائی اور بازار کا تفصیلی دورہ کیا ۔ تقریب حلف برداری کے تمام انتظامات فنانس سیکریٹری شاہد نواز اور دیگر ساتھیوں نے خوش اسلوبی سے انجام دیئے۔


شیئر کریں: