پرنسپل اور ٹریننگ آفیسرز کے آسامی پبلک سروس کمیشن بھیجوانے کا فیصلہ اچھا اقدام ہے۔ انجینئر ز یوتھ فورم۔

گلگت ( چترال ٹائمز رپورٹ) انجینئر ز یوتھ فورم کا ایک اہم اجلاس گلگت میں ایک مقامی ہوٹل میں منعقد ہوئی ۔ جس میں تمام اضلاع کے نوجوان انجینئرز نے شرکت کی۔ اجلاس کی صدارت انجینئرز فورم کے صدر انجینئر خرم پرویزنے کی ، جبکہ مشترکہ اجلاس میں انجینئر افتخار، انجینئر جاوید ، انجینئر وہاب، انجینئر احمد رضا، انجینئر جمیل درانی، انجینئر عرفان محمد ملک، انجینئر طارق اور انجینئر سید ثاقب رضا نے شرکت کی۔ جس میں سیکرٹری تعلیم کی جانب سے TVET Cell گلگت بلتستان میں پرنسپلز اور ٹریننگ آفیسرز کی جو آسامیاں پہلے ڈیپارٹمنٹل ٹیسٹ کے ذریعے فِل کر دی گئی تھی اب یہ تمام پوسٹوں کو فیڈرل پبلک سروس کمیشن FPSC کے ذریعے مشتہر کر کے قانونی طور پر فِل کرنے کی منظوری اچھا اقدام ہے جس کی انجینئر ز یوتھ فورم کی جانب سے خیر مقدم کیا گیا ہے۔کیونکہ Gazeted پوزیشنز قانونی طور پر FPSC کے ذریعے فِل کرنا تمام کے لئے قابل قبول اور اُصولی جواز ہے۔ اس طرح سفارش کلچر کا خاتمہ اور قابل و اہل انجینئرز بھرتی ہونگے اور ادارہ عملی طور پر زیادہ فعال ہوگا۔