Chitral Times

Jul 19, 2018

ﺗﻔﺼﻴﻼﺕ

  • یونیوسٹی آف چترال کے زیر اہتمام منعقد ہونے والے امتحانات کی جدید ٹیکنالوجی کےزریعے نگرانی

    April 16, 2018 at 10:22 pm

    چترال (چترال ٹائمز رپورٹ) جامعہ چترال کے زیرانتظام منعقد ہونے والے امتحانات کی شفافیت کو یقینی بنانے کیلئے جدید ٹیکنالوجی کے ذریعے کامیاب نگرانی کی گئی۔ضلع چترال کے اندر اپنی نوعیت کے اس پہلے کامیات تجربے کی تفصیلات بتاتے ہوئے یونیورسٹی آف چترال کے کنٹرولر امتحانات ڈاکٹرعتیق احمد طارق نے بتایاکہ گورنمنٹ کالج آف مینجمنٹ سائنسز کے حالیہ امتحانات کی فاصلاتی نگرانی کیلئے پہلی بار یونیورسٹی کے شعبہ آئی ٹی کی مدد سے امتحانی ہال میں نصب کیمروں کو براہ راست جامعہ کے شعبہء امتحانات میں قائم کنٹرول روم سے منسلک کیاگیاتھا جس سے امتحانی ہال کے اندر حرکات وسکنات پر براہ راست نظررکھناممکن ہوا۔ اس نظام کو کامیاب بنانے کیلئے مذکورہ کالج کے پرنسپل صاحب الدین کی ذاتی دلچسپی اورخصوصی تعاون کو سراہتے ہوئے انہوں نے کہا کہ امتحانات میں شفافیت کوتبھی ممکن بنایاجاسکتاہے جب تمام اسٹیک ہولڈرز اس میں مثبت کردار ادا کریں۔ آخرمیں ڈاکٹر طارق نے بتایا کہ یونیورسٹی کے پراجیکٹ ڈائریکٹر پروفیسرڈاکٹر بادشاہ منیر بخاری کے وژن کے مطابق آئندہ ہونے والے تمام امتحانات میں شفافیت کو یقینی بنانے کیلئے مزیداقدامات اٹھائے جائیں گے۔

  • error: Content is protected !!