Chitral Times

Apr 20, 2018

ﺗﻔﺼﻴﻼﺕ

  • ملک بھر کے تعلیمی اداروں میں یکسان نصاب تعلیم رائج کیا جائے….تنظیم اساتذہ خیبر پختونخوا

    April 15, 2018 at 8:03 pm

    پشاور( چترال ٹائمز رپورٹ)نصاب سازی کا اختیار قومی وحدت کی خاطر دوبارہ مرکز کے کنٹرول میں دیا جائے اورملک بھر کے تعلیمی اداروں میں یکساں نصاب تعلیم،یکساں نظام امتحانات ،یکساں ذریعہ تعلیم ،اردو کا نفاذ اور عربی کو انٹرتک لازمی مضمون کا درجہ دیا جائے ۔ یہ مطالبہ تنظیم اساتذہ پاکستان صو بہ خیبر پختونخواکے صو بائی ذمہ دارا ن خیر اللہ حواری،پروفیسر ڈاکٹر محمد روؤف،ڈاکٹر محمد ناصر،میاں ضیاء الرحمن،شمشاد خان جھگڑا ،عبید اللہ،مصباح الاسلام عابد،سکندر خان یوسفزئی اور سید محمد شاہ باچانے اپنے ایک مشترکہ جاری کردہ پریس ریلیز میں کیا ہے ۔
    انہوں نے مذید کہا ہے کہ طویل عرصہ گزرنے کے باوجود ارباب اقتدار پاکستان کے اساسی نظریے سے ہم آہنگ نظام تعلیم دینے میں بری طرح ناکام ہوئے جس کے نتیجے میں ملک کے اندر افرا تفری،بد امنیاور ہر شعبہ زندگی میں کرپشن کو فروغ ملا ۔پاکستان کے نظریاتی محاذوں
    کو مضبوط بنانے کیلئے نظام تعلیم میں کلیدی کردار کے حامل معماران قوم کے دکھوں کا مداوا کیا جائے ۔تا کہ وہ کلاس روم کے مورچوں میں یکسوئی کے ساتھ اسلام اور پاکستان کے پاسبان تیار کر سکیں۔

  • error: Content is protected !!