Chitral Times

Mar 28, 2024

ﺗﻔﺼﻴﻼﺕ

چترال سے صوبائی اسمبلی کی ایک نشست ختم کرنے کے خلاف الیکشن کمیشن میں پٹیشن دائر کردی گئی

Posted on
شیئر کریں:

اسلام آباد (نمائندہ چترال ٹائمز) چترال سے صوبائی اسمبلی کی ایک نشست کے خاتمے کے خلاف الیکشن کمیشن آف پاکستان میں پٹیشن دائر کردی گئی۔ پیر کے روز ایڈوکیٹ پشاور ہائی کورٹ سید عفران اللہ شاہ نے ایم این اے شہزادہ افتخارالدین ، ایم پی اے سلیم خان، ایم پی اے سردار حسین شاہ ، ایم پی اے بی بی فوزیہ اور دوسروں کی طرف سے الیکشن کمیشن آف پاکستان اسلام آباد میں پیٹیشن دائر کردی۔ اس موقع پر ایم این اے شہزادہ افتخارالدین ، ایم پی ایز سلیم خان اور سید سردار حسین کے علاوہ پی پی پی کے رہنما اور سابق ایم پی اے حاجی غلام محمد اور پی پی پی رہنما انجینئر فضل ربی جان بھی موجود تھے۔ پیٹیشن دائر کرنے کے بعد میڈیا سے گفتگوکرتے ہوئے انہوں نے کہاکہ صوبائی اسمبلی کی ایک نشست کے خاتمے سے چترالی عوام کی بنیادی حقوق متاثر ہوئی ہے جوکہ ایک مخصوص جعرافیائی اہمیت کے حامل علاقے میں رہائش پذیر ہیں جس کا رقبہ صوبے کے کل رقبے پانچواں حصہ ہے۔ انہوں نے کہاکہ چترال کے عوام اس دفعہ اس اہمیت کے پیش نظر ایک اور صوبائی نشست کے اضافے کی توقع کررہے تھے جوکہ ان کاحق تھا۔ انہوں نے کہاکہ چترال کی تمام سیاسی جماعتیں اور سول سوسائٹی اس مسئلے پر ایک پیج پر ہیں ۔
chitral members election commision


شیئر کریں: