Chitral Times

Mar 28, 2024

ﺗﻔﺼﻴﻼﺕ

نوروزو پیغام………………زاہد علی نزاری شوتخار تورکھو

Posted on
شیئر کریں:

چھوی ہردیو روشتاریرنوروزو اثار ہنون
پھر کیران اوشک ہوو باد نو بہار ہنون
ہیہ انوس اوتیتای ادمو قلیپو روح
سور خمیکو بچین ہای ملکنقطار ہنون
ابراھیم خلیل اللہو نگارو پیچھیتا نی
آتش نمرود تغوتین ہویگل گلزار ہنون
زمین بہرتی ژونو ہوی اللہو قندرت ہیہ
وہ تغو رحمتن لولور نکی کیہ کھنار ہنون
نوح پیغمبرو وختہ دہرت دنیا طوفان نیسای
نوحو کھشٹی نشیران نجات مقدار ہنون
اوچھی اف بماری ہای،روشتی اسمنری ہای
یوگنینی جم طاقت کان لوش یورار ہنون
دوش من ناگاہ دیدم یک گل نوزایدہ
ریتایسہ مہ موچینےدنیا مزہ دار ہنون
تے نسہ ای چھت اوشوی اسیتای ای اڑی تو
ریتای قراول موکو اوا دی ژنخارہنون
ہوش نوکومن کوراری، کلکورو ہواز ہای
ریتای تنتے کورم جوشی کوکوسن اشکار ہنون
نیزیسن پشورن مہ، ورنجےسن ہے تیلہ مہ
کرتوسہ ضایع کوروسن کندوری ہزار ہنون
تہ سر تہتعلیم ہنون قربانیو غیچ کویان
مورا: ٹکی موچھیارپھک دی موکیڑارہنون
اللہ ہدایتو پرای،ہار اینعمتو پرای
علموچہ حکمتو پرای اسپہ مینہ دار ہنون
تو گمبوریو بڑوک پشیس ای تھغہ بلبلوسم
اللھوجلوولوڑے، برنگ ہزار ہنون
خدای ریرن فکر کو، دنیو یہ نظاموتین
راز سربستہ تہ پروشٹہ کیچہ آشکھار ہنون
نوروزو پیغامہیہ، قدرتو جلوو لوڑور
انفس و آفاقہ شیر نورآشکار ہنون
پورسلوشوخسیرن دی یادکوسی ہنون اسپہ
نکی اسپہ مژہ ہتے اسپہ ہمسفار ہنون
مدام تیتن سورہ بار اللہو رحمو نظیر
پیییار کوثرار تیتنحیدرکرار ہنون
نوروزوپیغام ہیہ، موبام نا امید اسپہ
وہ جستہ عبرت گنم قرآنو قصار ہنون
نزاری لڑیسن نو، دہرتی حسنچین جمال
کوروین خوش آمدید تتین ہردیار ہنون

بتاریخ:۲۱مارچ۲۰۱۸


شیئر کریں: