خواتین کے عالمی دن کے موقع پر اے پی ایم ایل کے زیر اہتمام اسلام آباد میں تقریب
اسلام آباد ( چترال ٹائمز رپورٹ ) اسلام آباد کلب میں APML کی طر ف سے خواتین کے عا لمی دن کے موقع پر ایک تقریب منقعد کی گئی جس میں تمام شعبوں سے تعلق رکھنے والی خواتین نے شر کت کی۔ اس موقع پہ شر کاء سے پارٹی کے صدر ڈاکٹر محمد امجد نو منتخب سیکرٹری جنرل مہرین ملک آدم، اور ویمن ونگ پاکستان کی جنرل سیکرٹری تقدیرہ خان نے خطاب کیا۔
اس موقع پر خواتین کی ترقی اور ان کے حقوق کے تحفظ کیلئے سابق صدر پرویز مشرف کی طر ف سے کیے گئے اقدامات پر روشنی ڈالی گئی۔ جس میں یونین کونسل لیول سے قوی اسمبلی اور سینیٹ تک خواتین کی نمائندگی میں اضافہ قابل ذکر تھا۔ مزید براں مستقبل میں بھی خواتین کی ترقی اور فلاح و بہبود کیلئے اپنے منشور کے مطابق مزید اقدامات کی یقین دہانی کرائی گئی۔ خواتین کی ایک بڑی تعداد نے تقریب میں شرکت کی جس سے سید پرویز مشرف نے ویڈیو لنک کے ذریعے خطاب کیا۔