Chitral Times

Mar 29, 2024

ﺗﻔﺼﻴﻼﺕ

گلگت بلتستان کے 21 ہزار ملازمین کے 50% ہاٹ الاؤنس کی عدم ادائیگی باعث تشویش ہے۔۔پی ٹی آئی

Posted on
شیئر کریں:

گلگت ( پ ر)پاکستان تحریک انصاف گلگت ڈویژن کے سابق سیکرٹری جنرل فاروق احمد نے اپنی ایک اخباری بیان میں کہا ہے کہ گلگت بلتستان حکومت مکمل طور پر ناکام ہو چکی ہے ۔ گلگت بلتستان کے 21 ہزار ملازمین کے 50% ہاٹ الاؤنس کی عدم ادائیگی باعث تشویش ہے۔ریٹائرڈ ملازمین ساری عمر عوامی خدمت کرنے کے بعد ا ب در در کے ٹھوکریں کھا رہے ہیں۔ ملازمین کے50% کے مد میں تقریباً 3 ارب 5 کروڑ چالیس لاکھ روپے بنتے ہیں جو کہ وفاق سے حاصل کرنے کے بعد من پسند ٹھیکیداروں کو نوازا گیا جو کہ سراسر ظلم ہے۔ سپریم کورٹ آف اپیل سے ڈگری بھی ملی ہے لیکن حکومت عدالت عالیہ کے حکم ماننے سے بھی انکاری ہیں جو کہ توہین عدالت کے زمرے میں آتی ہے۔ اگر ملازمین کے ساتھ ززیادتی بند نہ کی گئی تو پاکستان تحریک انصاف ملازمین کے حقوق کیلئے سڑکوں پر ہوگی۔ ہم نہیں چاہتے ہیں کہ پھر ایک تماشہ لگے۔ ریٹائرڈ ملازمین کے وفد سے گفتگو کرتے ہوئے کہا کہ ملازمین تیاری کریں۔ حقوق مانگنے سے نہیں ملتے حقوق چھیننا پڑتا ہے۔پاکستان تحریک انصاف ملازمین کے حقوق کے حصول ہر حد تک جائے گی اور دھرنے کی تیاری بھی کرینگے۔ پاکستان تحریک انصاف کے کارکن تیاری کریں حکومت کو ٹف ٹائم دینگے۔ جہاں ظلم ہوگی وہاں تحریک انصاف ظلم کے خلاف بغاوت کریگی۔

شیئر کریں: