Chitral Times

Sep 30, 2022

ﺗﻔﺼﻴﻼﺕ

وزیر اعظم پاکستان 3فروری کو چترال کا دورہ کرکے گیس پلانٹس کا افتتاح کرینگے۔۔شہزادہ افتخار الدین 

Posted on
شیئر کریں:

چترال (نمائندہ چترال ٹائمز) چترال سے قومی اسمبلی کے رکن شہزادہ افتخارالدین نے کہا ہے کہ اپر چترال کو بجلی کی فراہمی کے لئے پیڈو نے چند دنوں کی مزید مہلت مانگ لی ہے جس کے دوران وہ دفتری ضابطے کی کاروائیاں مکمل کرنے اور پیسکو کے ساتھ ٹیرف کا معاملہ طے کرلیں گے ۔ چترال ٹائمز ڈاٹ کام کے ساتھ گفتگو کرتے ہوئے انہوں نے کہاکہ وزیر اعظم شاہد خاقان عباسی کے 3فروری کو دورہ چترال سے قبل اس مسئلے کو حل کرنے کے لئے انہوں نے چیف سیکرٹر ی خیبر پختونخوا اور دوسرے حکام سے رابطہ کیا تھا۔ انہوں نے کہاکہ شاہد خاقان عباسی کے 3فروری کا دورہ چترال کو آخری شکل دی گئی ہے جس کے دوران وہ گولین گول ہائیڈرو پاؤر پراجیکٹ اور گیس پلانٹس کی افتتاح کریں گے جبکہ دوسری مرتبہ 15اپریل کو چترال آکر وفاقی حکومت کی فنڈ سے تعمیر ہونے والے چترال شندور، چترال گرم چشمہ اور کالاش ویلیز سڑکوں کی تعمیر کا افتتاح کریں گے۔


شیئر کریں: