پبلک سروس کمیشن کے زیرہ اہتمام تحریری ٹیسٹ پشاور ،ایبٹ آباد ،ڈی آئی خان ،بنوں ،کوہاٹ، مردان اورسوات میں بہ یک وقت منعقد کئے جائیں گے

پشاور ( چترال ٹائمز رپورٹ ) خیبرپختونخوا پبلک سروس کمیشن نے اعلان کیاہے کہ مختلف محکموں میں کئی پوسٹوں کے لئے تحریری امتحان/ سکریننگ ٹیسٹ29 ۔ جنوری 2018 سے 02 ۔فروری 2018 ء تک دونشتستوں میں ڈومیسائل کی بنیاد پر پشاور ،ایبٹ آباد ،ڈی آئی خان ،بنوں ،کوہاٹ، مردان اورسوات میں بہ یک وقت منعقد کئے جائیں گے۔

دریں اثنا خیبرپختونخوا پبلک سروس کمیشن نے نظامت اعلیٰ تعلیم میں آفس اسسٹنٹ (بی پی ایس۔ 16) کی 21 اسامیوں اور محکمہ اعلیٰ تعلیم میں مرد لیکچرار کیمسٹری ( اقلیتی کوٹہ، بی پی ایس۔17 ) کی ایک اسامی پر سلیکشن کو حتمی شکل دیدی ہے اور اس سلسلے میں اپنی سفارشات 17 جنوری 2018 کو متعلقہ محکمے کو بھیج دی ہیں۔ اس امر کا اعلان انچارج میڈیا سیل خیبرپختونخوا پبلک سروس کمیشن کی جانب سے جاری کئے گئے ایک اعلامیے میں کیاگیا۔