Chitral Times

Mar 29, 2024

ﺗﻔﺼﻴﻼﺕ

سابق ایم پی اےمولانا غلام محمد کا زینب کے دلخراش واقعے میں ملوث مجر م کو شدید ترین سزادینے کا مطالبہ

شیئر کریں:

چترال(بشیر حسین آزاد)سابق ایم پی اے سینئر رہنماء جماعت اسلامی چترال مولانا غلام محمد نے اپنے ایک اخباری بیان میں قصور سے تعلق رکھنے والی زینب کے دلخراش واقعے کو قوم حکومت بلکہ ملک کے لئے ایک لمحہ فکریہ اور دل دہلادینے والی واقعہ قرار دیکر مجرم کو گرفتار کرکے شدید ترین سزا دینے کا مطالبہ کیا ہے۔ اُنہوں نے حیرت کا اظہارکرتے ہوئے کہا کہ ملک میں برسوں سے لاگو قوانین کے غیر موثر ہونے ،انہیں مزید سخت بنانے کی خود حکومت ،عوام اور حتیٰ کہ عدلیہ کیطرف سے مطالبہ سننے میں آتے ہیں ۔ چاہے جتنے بھی قوانین بنائے جائیں وہ کھبی بھی ان مظالم ،ناانصافیوں اور بربریت کو روک نہ سکیں گے۔دنیا میں ترقی کے عروج کے دعویدار ملکوں میں ساری زیادتیاں ہوتے رہے ہیں یہ قوانین سختی سے موجود ہوتے ہوئے نہیں رک سکتے اُنہوں نے اسکی وجہ بتاتے ہوئے کہاکہ یہ قوانین اس لئے ناکام ہیں کہ انسان یا انسانوں کے بنائے ہیں۔انسان کی عقل ،اس کا سمجھ اور علم چونکہ محدود ہے وہ سب انسانوں کے لئے منصفانہ نظام نہیں دے سکتا ۔اُنہوں نے کہا کہ انسانوں کے آرا بھی مختلف ہوتے ہیں یہی وجہ ہے دنیا میں کہیں بھی انسانوں کے بنائے ہوئے قوانین انصاف نہیں دے پائیں ہیں پھر بار بار نئے تجربات پر بے حساب پیسہ لگانے کے بجائے ہمارے پاس ایک مکمل ہر شعبہ عدل وانصاف قائم کرنے والا خالق کائنات کا نظام موجود ہے کم از کم ایک بار بھی اسے ملک میں نافذ کرنے سے بھی ہمارے ارباب اختیار کا راہ فرار کیوں حضور کے لائے ہوئے اس اعلیٰ نظام پر ارباب اختیار ،سب مسلمان عوام ،ہم سب ایمان کے دعویدار ہے مگر اسکے نفاظ سے خوفزدہ ہیں۔اُنہوں نے مشورہ دیا کہ اگر آپ ملک میں آمن وآشتی ،ایثار اور عدل وانصاف چاہتے ہیں تو وہ شریعت الہیٰ کے نفاظ سے ہی ممکن ہے لہذا ملک میں یہ منصفانہ نظام بلاتاخیر نافذ کیا جائے۔


شیئر کریں: