بزرگ شہری سرکاری ہسپتالوں میں او پی ڈی اورداخلہ چارجز سے مستثنی قرار دیدئے گئے۔محکمہ صحت

پشاور ( چترال ٹائمز رپورٹ )خیبرپختونخوا سینئر سٹیزن ایکٹ2014 ۔کی شق ۔9 کی پیروی کرتے ہوئے مجاز اتھارٹی (وزیر اعلیٰ خیبرپختونخوا ) نے ساٹھ برس سے زائد عمر کے بزرگ شہریوں کے علاج معالجے کے اخراجات اور ان کی مشکلات کم کرنے کے احکامات جاری کئے ہیں اور اس سلسلے میں فوری طور پر پورے صوبے میں محکمہ صحت کے زیر کنٹرول تمام سرکاری ہسپتالوں میں بزرگ شہریوں کو او پی ڈی اورداخلہ چارجز سے بھی مستثنی قرار دیاگیا ہے۔ تمام میڈیکل سپرنٹنڈنٹس اورڈسٹرکٹ ہیلتھ افسران کو مذکورہ بالااحکامات پر عمل درآمد یقینی بنانے کی ہدایت کی گئی ہے۔ اس امر کااعلان محکمہ صحت حکومت خیبرپختونخوا کے جاری کردہ ایک اعلامیہ میں کیاگیاہے۔