نیب خیبر پختونخوا کی نوازشریف کے داماد ایم این اے محمد صفدر کے خلاف کاروائی کا آغاز

پشاور ( چترال ٹائمز رپورٹ ) چےئرمین نیب جسٹس جاوید اقبال کے احکامات پر عمل درآمد کر تے ہوئے نیب خیبر پختونخوا نے کپٹن (ر)محمد صفدرممبر قومی اسمبلی NA-21 کے خلاف باقاعدہ تحقیقات کا آغاز رکر دیا گیا ہے۔

تفصیلات کے مطابق کپٹن (ر) محمد صفدر ممبر قومی اسمبلی کے خلاف نیب خیبر پختونخوا میں شکایت موصول ہوئی تھی۔ درخواست میں ملزم پر الزام ہے کہ انہوں نے NA-21 ڈسٹرکٹ مانسہرہ ہزارہ ڈویژن میں ترقیاتی کاموں کے لئے مختص 3 ارب روپے کے فنڈ میں مبینہ طور پر 2 ارب روپے کا غبن کیا ہے۔ ملزم نے پاک پی ڈبلیو ڈی اور دیگر محکموں کے اہلکاروں سے مل کر نہ صرف بھوت سکیموں کے ذریعے قومی خزانے کو لوٹا بلکہ اپنے منظور نظر ٹھیکیداروں کو ٹھیکے دے کر من چاہا کمشن وصول کیا۔ یہاں یہ امر قا بلِ ذکر ہے کہ موصوف میاں نواز شریف سابقہ وزیر اعظم کے دامادہونے کا فائدہ اٹھاتے ہوئے مختلف وفاقی اداروں کے دائر اختیار میں عمل دخل کر تا ہے اور من پسند فیصلے کر واتا ہے۔