Chitral Times

Jan 25, 2022

ﺗﻔﺼﻴﻼﺕ

کٹ گاڑیوں کے نام پر غریب شہریوں کے خلاف کاروائی سراسر ظلم و ناانصافی ہے ۔۔ مولانا چترالی

Posted on
شیئر کریں:

پشاور ( چترال ٹائمز رپورٹ )کٹ گاڑیوں کے خلاف کاروائی سے پہلے حکومت یہ معلوم کرے کہ کٹ گاڑیاں کہاں بنی اور کہا ں سے سپلائی ہوئی پورے ملاکنڈ ڈویژن میں کئی سالوں سے یہ کاروبار جاری و ساری تھا لیکن حکومت کانوں کان خبر تک نہیں ہو ئی حکومت اپنی غلطی چھپانے کے لئے کٹ گاڑیوں کے خلاف کاروائی کرنے جارہی ہے جو کہ غریب گاڑی مالکان کے ساتھ سراسر ظلم و نا انصافی ہے جنہوں نے اپنی پدری زمینیں فروخت کر کے حلال روزی کمانے اور اپنے بچوں کا پیٹ پالنے کیلئے لے رکھی ہیں تمام کٹ گاڑیوں کی رجسٹریشن کر کے ان کو نمبر دے دیے جائیں بصورت دیگر ہم ملا کنڈ ڈویژن کی تمام ٹرانسپورٹ یو نین کو ساتھ ملا کر حکومت کے خلاف تحریک چلائیں گے ان خیالات کا اظہار جماعت اسلامی کے رہنما ، سابق ممبر قومی اسمبلی مولانا عبد الاکبر چترالی نے المرکز الاسلامی پشاور سے جاری کردہ ایک اخباری بیان میں کیا ہے انہوں نے کہا کہ عام لوگوں کیلئے کٹ اور غیر کٹ گاڑی کا پتا لگانایا معلوم کرنا مشکل ہی نہیں بلکہ ناممکن بھی ہے ایسے حالات میں کٹ گاڑیوں کے خلاف کاروائی کرنا حکومت کی نااہلی اور عوام الناس پر ظلم عظیم ہے جسے ہم کسی بھی صورت میں برداشت نہیں کر سکتے۔


شیئر کریں: