Chitral Times

Mar 28, 2024

ﺗﻔﺼﻴﻼﺕ

فوزیہ کی وزیر اعلیٰ سے ملاقات ، اپر چترال ڈسٹرکٹ کی منظوری اگلے کیبنٹ میٹنگ میں دینے کی یقین دہانی

شیئر کریں:

پشاور ( نمائندہ چترال ٹائمز ) چترال سے ممبر صوبائی اسمبلی بی بی فوزیہ نے گزشتہ دن وزیر اعلیٰ پرویز خٹک سے سی ایم ہاوس میں ملاقات کی ۔ ملاقات میں ایم پی اے نے چترال کے چیدہ چیدہ مسائل وزیر اعلیٰ کے گوش گزار کی ۔ جن میں اپر چترال ڈسٹرکٹ کی نوٹفیکیشن کیلئے انھیں خصوصی یادہانی کی ۔ جس پر وزیر اعلیٰ نے صوبائی کیبنٹ کے اگلے ہفتے کے اجلاس میں شامل کرنے کی ہدایت کی ۔ اور یقین دہانی کی کہ مذکورہ اجلاس میں اسکی باقاعدہ منظوری دی جائیگی ۔ ایم پی اے نے چترال کیلئے الگ بورڈ آف انٹرمیڈیٹ کی بھی منظوری کا مطالبہ کیا ۔ جس پر وزیراعلیٰ نے بہت جلد چترال کیلئے الگ بورڈ کی منظوری دینے کی یقین دہانی کرتے ہوئے متعلقہ حکام کو سمری جلد تیار کرکے بھیجنے کی ہدایت کی ۔ ایم پی اے نے ریسکیو 1122کی سروس جلد چترال میں شروع کرنے کی بھی گزارش کی جس پر وزیر اعلیٰ نے متعلقہ حکام کو ہدایت کہ جلد از جلد چترال میں یہ سروس شروع کی جائے۔


شیئر کریں: