Chitral Times

Apr 19, 2024

ﺗﻔﺼﻴﻼﺕ

اسسٹنٹ کمشنر چترال کی قصائیوں کے خلاف کاروائی ، ناقص صفائی اور گران فروشی پر متعدد دکانداروں کو جرمانہ

Posted on
شیئر کریں:

چترال(نذیرحسین شاہ)اسسٹنٹ کمشنر چترال عبدالاکرم نے پیرکے روزقصائیوں کے دوکانوں پر چھاپے لگا کر صفائی کے ناقص انتظامات اورناجائزمنافع خوری پر انھیں 22ہزارروپے دستی جرمانہ کیااورپرائس لسٹ اپنے دکان میں نمایان جگہ پر آویزان کرنے کی سختی سے ہدایت کی ۔انہوں نے کہاکہ ضلعی انتظامیہ کی جانب سے چھوٹے بڑے گوشت اوردیگراشیاء خوردنوش کی قیمتیں مقرر کی گئی ہیں۔جاری کردہ نرخ نامہ پرعمل درآمدنہ کرنے والوں کو جیل بھیج دیاجائیگا جبکہ قانون سے کوئی بالاترنہیں ۔اسسٹنٹ کمشنر چترال نے عوام سے اپیل کرتے ہوئے کہاکہ عوام زیادہ قیمت ہرگزادانہ کریں بلکہ ضلعی انتظامیہ اورمقامی پولیس کوبروقت مطلع کریں قانون شکنوں سے کوئی رعایت نہیں برتی جائیگی۔ عوام کی جانوں سے کھیلنے والے کسی ہمدردی کے مستحق نہیں ہمیں عوام کامفادعزیزہے کارروائیاں آگے بھی جاری رہیں گی۔انہوں نے کہاکہ ضلعی انتظامیہ گراں فروشی کی ہرگزاجازت نہیں دیگی گران فروشوں کے ساتھ سختی کابرتاؤکیاجائیگا۔

ac chitral abdul akram bazar checking


شیئر کریں:
Posted in تازہ ترین, چترال خبریںTagged ,
3355