Chitral Times

Sep 18, 2021

ﺗﻔﺼﻴﻼﺕ

رضاکاروں کی عالمی دن کے موقع پر اسماعیلی والنٹیئرز کو خراج تحسین

Posted on
شیئر کریں:

رضاکاروں کی عالمی دن کے موقع پر مختلف مکاتب فکر کی طرف سے اسماعیلی والنٹیئرز کو خراج تحسین

چترال( نمائندہ چترال ٹائمز ) 5دسمبر دنیا بھر میں رضاکاروں کی عالمی دن کے طور پر منایا جاتا ہے ۔ اس دن کی مناسبت سے اگر چترال کے والنٹیئرز کو خراج تحسین پیش نہ کیا جائے تو بخل ہوگا۔ خصوصا بالائی چترال کے اسماعیلی والنٹیئرز کوجو گزشتہ ایک مہینے سے رابط سڑکوں کی صفائی ، مرمت اور بحالی میں دن رات لگے ہوئے ہیں۔ جنھوں نے اپنے روحانی پیشوا ہزہائی نس پرنس کریم آغاخان کی چترال آمد کے موقع پر بروغل یارخون اور لاسپور سے لیکر مستوج بونی تک جبکہ لوٹکوہ کے عوام مختلف ویلیز سے گرم چشمہ آنے والے زائرین کیلئے سڑکوں کی مرمت میں لگے ہوئے ہیں۔ یارخون ویلی کے رہائشی سید نیاز علی شاہ نے چترال ٹائمز کو بتایا کہ یارخون سے بونی اور ریشن تک سڑکوں کی مرمت کی وجہ سے یارخون سے چترال تک کی مسافت میں دو گھنٹے کی کمی آئی ہے ۔ انھوں نے بتایا کہ اسماعیلی رضاکار انتہائی دلجمعی اور دلچسپی سے کام کررہے ہیں۔ اور سڑکوں سے مختلف مقامات پر ملبہ ہٹانے کے ساتھ کھڈوں اور گڑھوں پر مٹی کی بھرائی کررہے ہیں۔جس سے مسافت کم ہونے کے ساتھ سفر بھی کافی حدتک آرام دہ ہوگیا ہے۔ چترال کے مختلف مکاتب فکر نے رضاکاروں کی عالمی دن کے موقع پر ان رضاکاروں کی کاوشوں کو سراہتے ہوئے انھیں خراج تحسین پیش کیا ہے۔

 

دریں اثنا پاکستان مسلم لیگ (ن) چترال کی ضلعی جنرل سیکریٹری صفت زرین نے چترال ٹائمز سے گفتگو کرتے ہوئے ہزہائی نس پر نس کریم آغا خان کی چترال آمد پر تمام اسماعیلی کمیونٹی کو مبارکباد دیتے ہوئے کہا ہے کہ اُنکی آمد نہ صرف اسماعیلی کمیونٹی بلکہ پورے چترال کیلئے خوش آئندہے۔ انھوں نے اس امید کا اظہار کیا کہ ہزہائی نس کی چترال تشریف آوری اے کے ڈی این کے اداروں اور چترال کیلئے ترقی کا نیا دور ہوگا۔ انھوں نے اپنی پارٹی کی طرف سے اسماعیلی کمیونٹی کے ساتھ ہر ممکن تعاون کی یقین دہانی بھی کرائی ۔

 

chitrali volunteers volunteers of Chitral road cleaning on selfhelp basis ismaili volunteers on repairing road HH visit to Chitral and volunteers 23905321 1494727467285024 4551086648874783474 n 24232802 1494727463951691 5746765618559602664 n ismaili volunteers buzy on road repairing ismaili chitral volunteers

social work by ismaili community of Mastuj mastuj ismaili community


شیئر کریں: