یکم رمضان اور عید الفطر سے متعلق فلکیاتی ماہرین کی پیشگوئی سامنے آ گئی
یکم رمضان اور عید الفطر سے متعلق فلکیاتی ماہرین کی پیشگوئی سامنے آ گئی
اسلام آباد(چترال ٹائمزرپورٹ)رمضان المبارک کا مقدس مہینہ چند ماہ کی دوری پر ہے اور ہر سال دنیا بھر کے مسلمان رمضان المبارک کے بابرکت مہینے کا بے صبری سے انتظار کرتے ہیں۔ایسے میں کئی کئی ماہ قبل ہی فلکیاتی ماہرین رمضان اور عید الفطر کی متوقع تاریخوں کی پیشگوئی کردیتے ہیں۔فلکیاتی ماہرین کے مطابق رواں برس سعودی عرب، خلیجی ممالک سمیت کئی یورپی ممالک میں یکم رمضان یکم مارچ کو ہوگا، جبکہ پاکستان میں رمضان المبارک کا چاند 28 فروری یا پھر یکم مارچ کو نظر آئے گا، اس طرح یکم رمضان المبارک یکم مارچ یا 2 مارچ کو ہوگا۔فلکیاتی ماہرین کے مطابق عیدالفطر کا چاند 29 یا 30 مارچ کو نظر آنے کا امکان ہے جس کے بعد عیدالفطر 30 یا 31 مارچ کو منائی جائے گی۔فلکیاتی ماہرین کا کہنا ہے کہ چاند نظر ا ٓنے کا حتمی اعلان رویت ہلال کمیٹی ہی کرے گی، اس سال رمضان المبارک کا آغاز مارچ میں ہوگا جبکہ کچھ ممالک میں رمضان المبارک کا آغاز یکم مارچ اور کچھ کا 2 مارچ کو ہوگا۔فلکیاتی ماہرین کا مزید کہنا ہے کہ رواں سال بیشتر ممالک میں رمضان کے ابتدائی ایام میں روزے کا دورانیہ تقریبا 13 گھنٹے ہوگا۔
اکیس جنوری سے نظام شمسی کے چھ سیارے ایک قطار میں نظر آئیں گے
کراچی(سی ایم لنکس)اکیس جنوری سے نظام شمسی کے چھ سیارے ایک قطار میں نظر آئیں گے۔خلائی ماہرین کیمطابق سیاروں کی پریڈ کے نام سے مشہور اس عمل کے دوران مریخ۔ زہرہ۔ زحل۔ مشتری۔ یورینس اور نیپچون ایک قطار میں نظر آئیں گے۔ ان میں سے چار سیاروں،مریخ،مشتری،زحل اور زہرہ کو خالی آنکھ سے بھی دیکھا جاسکے گا۔سیاروں کی قطار کا دل کش فلکیاتی منظرجنوری کے آخری عشرے سے فروری کے وسط تک آسمان کو زینت بخشے گا، 25 جنوری کو چاند باریک ہلال کی شکل میں دکھائی دے گا۔،سیاروں کا زیادہ قریب سے جائزہ لینے کے لیے خلائی دوربین یا پھر آن لائن پلیٹ فارم کی مدد لی جاسکتی ہے۔