
گرم چشمہ روڈ پر گاڑی کو حادثہ، کوئی جانی نقصان کی اطلاع نہیں، حادثہ پھسلن کے باعث پیش آیا ، عینی شاہدین
گرم چشمہ روڈ پر گاڑی کو حادثہ، کوئی جانی نقصان کی اطلاع نہیں، حادثہ پھسلن کے باعث پیش آیا ، عینی شاہدین
گرم چشمہ(نمائندہ چترال ٹائمز) آج شام چار بجے کے قریب گرم چشمہ روڈ بیل پھوک کے مقام پر گاڑی کو حادثہ پیش آیا۔ عینی شاہدین کے مطابق گاڑی حادثہ روڈ سے برف کی صحیح صفائی نہ ہونے کی وجہ سے پیش آیا۔ حادثے میں گاڑی مکمل طورپر تباہ ہوگئی ہے مگر کسی جانی نقصان کی اطلاع نہیں۔ ذرائع کے مطابق گاڑی لکڑیوں کے لوڈ کے ساتھ گرم چشمہ جارہی تھی کہ بیل پھوک کے مقام پر سامنے سے آنے والی غوگئی گاڑی کو جگہ دینے کی کوشش میں پھسل کر روڈ سے نیچے ایک شخص کے گھر کے چھت پر گر گیا۔
علاقے کے عوام گرم چشمہ روڈ سے برف ہٹانے کے لئے این ایچ اے حکام سے گزشتہ دس دنوں سے گزارش کررہے ہیں مگر این ایچ اے کے ذمہ داران برف ہٹانے کے بجائے پورے روڈ پر پھیلا دیا ہے جس کی وجہ سے گاڑیوں اور پیدل چلنے والوں کو شدید مشکلات کا سامنا ہے۔ اور پھسلن کے باعث گاڑیوں کا مذکورہ روڈ پر بے قابو ہونا روز کا معمول بن گیا ہے۔ علاقے کے عوام نے ایک بار پھر ضلعی انتظامیہ لوئیر چترال سے اس کا نوٹس لینے اور برف کی مکمل صفائی کرانے کی اپیل کی ہے۔