دروش (چترال ٹائمز رپورٹ ) کورونا کے خلاف صف اول میں خدمات انجام دینے والے محکمہ صحت کے اہلکاروں کو خراج تحسین پیش کرنے کے لیے دروش میں ایک پروقار تقریب کا انعقاد کیا گیا جس کے مہمان خصوصی عبد الحق اسسٹنٹ کمشنر دروش تھے۔ پروگرام کا انعقار دروش ایریا ڈیویلپمنٹ پروگرام نامی ایک مقامی تعاون تنظیم کی تھی۔ تقریب میں محکمہ صحت، پولیس لیویز، ٹی ایم اے ریسکیو 1122 دروش کے اہلکاروں کو تعریفی اسناد اور شیلڈ سے نوازا گیا۔ اس تقریب میں اسسٹنٹ کمشنر دروش، ایم ایس ٹی ایچ کیو ہسپتال دروش اور دیگر مقررین نے کورونا وباء کے دوران خدمات انجام دینے والے ان تمام اہلکاروں کو زبردست خراج تحسین پیش کی۔ پروگرام کا انعقاد دروش انسٹیوٹ آف کمپیوٹر اینڈ ٹیکنکل ایجوکیشن کےہال میں کیا گیا تھا۔
