چترال پولیس ٹورسٹ فیسیلٹیشن اینڈ رجسٹریشن سنٹر نے کام کا آغاذ کردیا-

چترال ( چترال ٹائمز رپورٹ ) چترال میں آنے والے غیر ملکی سیاحوں کی رجسٹریشن اور تمام سیاحوں کی سہولت کے لئے چترال پولیس نے ڈسٹرکٹ ایڈ منسٹریشن ,سول ایوی ایشن اتھارٹی, اے کے ار ایس پی اور ٹورزم ڈپارٹمنٹ کے تعاون سے چترال ائیرپورٹ پر ٹورسٹ فیسیلٹیشن اینڈ رجسٹریشن سنٹر قائم کردیا ہے-  سنٹر میں جدید سہولیات مہیا کی گئی ہیں تاکہ سیاحوں کو سہولیات دیکر چترال میں سیاحت کو فروغ دیا جاسکے-

ڈسٹرکٹ ایڈ منسٹریشن کی طرف سے جاری ایک پریس ریلیز کے مطابق  اس قسم کے مزید سنٹر لواری اور لاسپور میں بھی قائم کئے جائینگے تا کہ چترال جیسی جنت میں سیاحوں کے لئےآسانیاں پیدا کی جاسکیں اور چترال کی معیشت کو ترقی دی جاسکے-