Chitral Times

ریشن کے عمائدین کا دھرنا دوسرے روز بھی جاری، چیف سیکریٹری کی طرف سے تحریری وعدے کےباوجود پیڈو حکام اپنے وعدے سے مکر گئے،،، عمائدین ریشن

Posted on

ریشن کے عمائدین کا دھرنا دوسرے روز بھی جاری، چیف سیکریٹری کی طرف سے تحریری وعدے کےباوجود پیڈو حکام اپنے وعدے سے مکر گئے،،، عمائدین ریشن

چترال (نمائندہ چترال ٹائمز) ریشن میں بجلی کی بلوں کے بارے میں عوامی احتجاجی جلسے میں اس بات پر شدید تشویش اور افسوس کا اظہار کیا گیا کہ گزشتہ سال عمائیدین ریشن کی وفد کے ساتھ چیف سیکرٹری خیبر پختونخوا نے تحریری وعدہ کیا تھاکہ ریشن میں پیڈو کی بجلی گھر کے متاثریں کے لئے خصوصی پیکج کے طور پر ایک میگا واٹ پیدواری صلاحیت کی بجلی گھر تعمیر کرکے کمیونٹی کے حوالے کیا جائے گا جس کی فی یونٹ قیمت خود مقرر کرے گی لیکن پیڈو حکام بعد میں اسے مکر گئے ہیں۔ سید سردار حسین شاہ کے زیر صدارت احتجاجی جلسہ اور دھرنے کے شرکاء کاکہنا ہے کہ چیف سیکرٹری کے ساتھ اجلاس میں یہ فیصلہ ہوا تھاکہ پیڈو ایک میگاواٹ پاؤر ہاوس کی تعمیر کے بعد کمیونٹی کو اپریشن کے لئے حوالے کرے گی لیکن اب پیڈو کے افسران اس کے برعکس بات کرتے ہوئے کہتے ہیں کہ اس بجلی گھر کو بھی موجودہ 4میگاواٹ والی پاؤر ہاؤس کے ساتھ شامل کیا جائے گاجوکہ اہالیان ریشن کو کسی بھی طور پر منظور نہیں ہے۔دریں اثنا ریشن کے عمائدین کا دھرنا دوسرے دن میں داخل ہوگیا، دھرنے کے شرکا کے مطابق ابھی تک انتظامیہ کی طرف سےان کے ساتھ کوئی رابطہ نہیں کیا گیا ہے،

chitraltimes reshun protest and strike for electricity bills 3 chitraltimes reshun protest for electricity bills 2

Posted in تازہ ترین, چترال خبریں
90218

چترال چیمبر آف کامرس اینڈ انڈسٹری کے زیراہتمام شندور فیسٹول میں بزنس کانفرنس/ایکسپو کے انعقاد کا فیصلہ

Posted on

چترال چیمبر آف کامرس اینڈ انڈسٹری کے زیراہتمام شندور فیسٹول میں بزنس کانفرنس/ایکسپو کے انعقاد کا فیصلہ

چترال ( نمائندہ چترال ٹائمز ) چترال چیمبر آف کامرس اینڈ انڈسٹری کے وفد کا ڈپٹی کمشنر اپر چترال محمد عرفان الدین کے ساتھ شندور پولو فیسٹیول کے حوالے سے ایک اہم میٹنگ منعقدہوئی۔ اسسٹنٹ کمشنر مستوج کی سربراہی میں پہلے ڈپٹی کمشنر آفس میں گورنمنٹ اور مختلف این جی اوز کے ساتھ شندور فیسٹیول میں چترال چمبر آف کامرس اینڈ انڈسٹری کے زیر نگرانی منعقد ہونے والے  بزنس کانفرنس/ ایکسپو کے حوالے سے میٹنگ ہوئی۔ جس میں مختلف سرکاری اداروں بشمول مختلف این جی اوز کو اپنے لوکل پراڈکٹس ڈسپلے کرنے اور اپنے اداروں کی خدمات کے حوالے سے بریفنگ دینے کے حوالے سے گفتگو ہوئی ، جس میں چترال کی خوشحالی معاشی ترقی کے حوالے سے مختلف اداروں اور این جی اوز کو خصوصی دعوت اور اسپیس دی گئ کہ وہ چترال چمبر آف کامرس اینڈ انڈسٹری اور ضلعی انتظامیہ اپر چترال کی جانب سے منعقدہ اس اہم کانفرنس میں بھرپور شرکت کر کے اپنا اسٹال وغیرہ لگائیں اور ملکی اور غیر ملکی مہمانوں کو چترال کے لوکل خوبصورت پراڈکٹس اور سیاحت کے حوالے بریف کریں۔

 

اس میٹنگ میں ڈی جی کیلاش ڈولپمنٹ خیبر پختنخواہ مہناس الدین ، چترال چمبر آف کامرس کے سرتاج احمد خان اور ٹریڈ ڈولپمنٹ اٹھارٹی آف پاکستان کے ڈپٹی ڈائریکٹر زاہد محمد ویڈیو لنک کے ذریعے شریک ہوۓ۔ یاد رہے چترال چمبر آف کامرس اینڈ انڈسٹری دوسری مرتبہ شندور پولو فیسٹیول میں ایک بڑے لیول کے بزنس کانفرنس کرنے جا رہی ہے اس مرتبہ صوبائی حکومت اور چیف سیکرٹری خیبر پختونخواہ کی خصوصی دلچسپی اور ہدایت پر چترال چمبر آف کامرس اینڈ انڈسٹری کو شندور پولو فیسٹیول کی منیجمنٹ کمیٹی میں بھی شامل کی گئ ہے جو چترال چمبر آف کامرس اینڈ انڈسٹری کیلۓ اعزاز کی بات ہے اور ضلعی اتظامیہ اپر اور لوئر چترال کا بھی اس میں اہم کردار ہے۔

 

chitraltimes chitral chamber of commerce to organize an expo in shandur festival meeting with dc 4

chitraltimes chitral chamber of commerce to organize an expo in shandur festival meeting with dc 6 chitraltimes chitral chamber of commerce to organize an expo in shandur festival meeting with dc 5

Posted in تازہ ترین, چترال خبریں
90211

تھانہ شرقی پشاور کی حدود میں چترال سے تعلق رکھنے والے دو افراد جان بحق

Posted on

تھانہ شرقی پشاور کی حدود میں چترال سے تعلق رکھنے والے دو افراد جان بحق

پشاور ( چترال ٹائمزرپورٹ ) ابتدائی تفصیلات کے مطابق اج ہفتہ کے دن تھانہ شرقی پشاور کی حدود امن چوک میں رکشہ میں جاتے ہوئے رکشہ کے اندر جھگڑا کے بعد مسمی گل بدین ولد ضرب علی سکنہ چترال نے مسماہ (ش) دختر زرامین سکنہ چترال پر مبینہ طور پر فائرنگ کی اور بعد ازاں خود پر بھی فائرنگ کرکے خود کشی کی ہے،

 

رکشہ ڈرائیور نے ہسپتال لے جاتے ہوئے ایک راستے میں جبکہ دوسرا ہسپتال پہنچ کر زخموں کی تاب نہ لاتے ہوئے جان بحق ہوگئے ہیں،
اطلاع ملتے ہی پولیس نے نعشوں کو تحویل میں لیتے ہوئے پوسٹ مارٹم کیلئے ایل ارایچ ہسپتال منتقل کر دیا واقعہ سے متعلق مزید تفتیش جاری ہے۔

ابتدائی زرائع کے مطابق دونوں کا تعلق سفید ارکاری چترال سے ہے، زرائع کے مطابق مسمات (ش) بی ایس این نرس اور نوجوان آرمی میں ملازم تھے،وجہ عداوت فلحال معلوم نہ ہوسکی ہے تاہم ابتدائی اطلاعات کے مطابق نوجوان گل بدین مسمات ش سے شادی کرنا چاہتے تھے جبکہ لڑکی یا ان کے گھر والے انکاری تھے۔

 

Posted in تازہ ترین, جنرل خبریں, چترال خبریں
90208

ریشن میں بجلی کے بلوں میں اضافے کے خلاف احتجاجی جلسے کے بعد دھرنے کاآغاز

Posted on

ریشن میں بجلی کے بلوں میں اضافے کے خلاف احتجاجی جلسے کے بعد دھرنے کاآغاز

اپر چترال ( چترال ٹائمزرپوڑٹ ) ریشن میں بجلی کے بلوں میں اضافے کے خلاف جمعہ کے روز بھرپور احتجاجی جلسہ کیا گیا جلسے کی صدارت معروف سماجی وسیاسی شخصیت سید سردار حسین شاہ نے کی دیگر مقررین میں انجنیئر خوش ولی خان, حاجی عبدرالرب, ریٹائرڈ صوبیدار افسر علی شاہ, ریٹائرڈ صوبیدار شاہ عالم شاہ , ریٹائر پرنسپل صاحب الرحمن، ریٹائرڈ ہیڈماسٹر ڈاکٹر ولی نمایاں تھے مقررین نے کہا کہ ہم ایک سال سےسراپا احتجاجی ہیں لیکن حکومت نے ہمارے جائز مطالبات تسلیم کرنے کے بجائے مختلف بہانوں سے تاخیری حربے استعمال کرکے ہمیں دھوکے میں رکھا لہذا ریشن کے عوام مزید اس حکومت کے دھوکے میں نہیں ائیں گے آخر میں صدر جلسہ نے دھرنے کا اعلان کیا تو عوام ریشن تالیاں بجا کر بھرپور حمایت کا اعلان کر لیا اور 24 جون 2024 تک دھرنے میں بیٹھ گئے اور حکومت کو خبردار کیا اگر ان دو دنوں کے اندر ہمارے مطالبات تسلیم نہیں کیے گئے تو یہ احتجاج سنگین نوعیت اختیار کرے گا اس کی تمام تر ذمہ داری حکومت پر عائد ہوگی۔ اخری اطلاع کے مطابق ریشن کے عمائدین رات گئے دھرنے میں بیٹھے ہوئے ہیں،

chitraltimes reshun protest and strike for electricity bills 3

chitraltimes reshun protest and strike for electricity bills 1 chitraltimes reshun protest and strike for electricity bills 8 chitraltimes reshun protest and strike for electricity bills 7 chitraltimes reshun protest and strike for electricity bills 6 chitraltimes reshun protest and strike for electricity bills 5 chitraltimes reshun protest and strike for electricity bills 4

chitraltimes reshun protest for electricity bills 1 chitraltimes reshun protest for electricity bills 2 2 chitraltimes reshun protest for electricity bills 3 1

 

 

Posted in تازہ ترین, چترال خبریں
90175

دروش وملحقہ علاقوں میں موسلادھار بارش، برساتی نالوں میں طغیانی ، کلدام گول دروش کو کلئیر کرکے چترال پشاور روڈ ٹریفک کے لئے کھول دیا گیا

دروش وملحقہ علاقوں میں موسلادھار بارش، برساتی نالوں میں طغیانی ، کلدام گول دروش کو کلئیر کرکے چترال پشاور روڈ ٹریفک کے لئے کھول دیا گیا

چترال ( چترال ٹائمزرپورٹ ) جمعہ کے دن سہ پہر دروش وملحقہ علاقوں میں اچانک موسلادھار بارش ہوئی ، جس کے نتیجے میں مختلف ندی نالوں میں طغیانی کی صورت حال ہے، ڈپٹی کمشنر لوئر چترال محمد عمران خان کی ہدایات پر محکمہ این ایچ اے کی مشینر ی دروش کےمقام پر کلدام گول اور چکدام گول میں روڈ کلئیرنس اپریشن میں مصروف ہیں۔ایڈیشنل اے سی دروش ڈاکٹر محمد علی موقع پہ موجود ہیں۔
لنک روڈ ٹریفک کیلۓ بحال کر دیا گیاہے ۔ واضح رہے کہ مختلف مقامات میں تیز بارشوں اور گرمی کی وجہ سے گلشئیرکے پگھلاو کے نتیجے میں برساتی نالوں میں طغیانی نے مستقل صورت اختیار کر لی ہے ۔ اور روڈ مسلسل خراب ہورہےہیں ۔اس وجہ سے ٹریفک بری طرح متاثر ہو رہی ہے ۔ خصوصالانگ روٹ کے مسافروں کو آمدورفت میں انتہائی مشکلات کا سامنا کرنا پڑ رہا ہے۔

chitraltimes chitral drosh nala road blocked 2 chitraltimes chitral drosh nala road blocked 1

Posted in تازہ ترین, چترال خبریں
90193

وزیر بلدیات خیبر پختونخوا رشد ایوب خان کا دورہ چترال ، چترال کے چاروں ٹی ایم ایز کی کارکردگی کے حوالے سے بریفنگ 

وزیر بلدیات خیبر پختونخوا رشد ایوب خان کا دورہ چترال ، چترال کے چاروں ٹی ایم ایز کی کارکردگی کے حوالے سے بریفنگ

 

چترال ( نمائندہ چترال ٹائمز ) وزیر بلدیات خیبر پختونخوا رشد ایوب خان نے کہا ہے کہ تحصیل میونسپل ایڈمنسٹریشنز کا بنیادی کام سروس ڈلیوری ہے جس کی معیارکو ذیادہ سے ذیادہ کرنے پر بھر پور توجہ دی جارہی ہے اور یہ وزیر اعلیٰ علی امین گنڈاپور کا وژن بھی ہے تاکہ عوام کو تمام شہری سہولیات شفاف طریقے پر اور عوام کی اطمینان کے عین مطابق میسرہوسکیں اور کسی حکومت کی کارکردگی کا اصل اندازہ اسی سے ہوسکتا ہے اور اس اہمیت کے نظر اس سیکٹر میں کوئی کوتاہی، سستی اور غفلت برداشت نہیں کی جائے گی۔ جمعہ کے روز وہ تحصیل میونسپل ایڈمنسٹریشن چترال کے کمیٹی روم میں لویر اور اپر چترال کے اضلاع میں قائم چاروں ٹی ایم ایز کی کارکردگی کے حوالے سے الگ الگ بریفنگ لیتے ہوئے انہوں نے اس بات پر زور دیا کہ بلدیاتی اداروں کو اپنی کارکردگی بہتر بنانی ہوگی تاکہ وہ اپنے پاؤں پر کھڑے ہونے کے قابل ہوسکیں اور صوبائی حکومت کی طرف سے گرانٹ پر انحصار کرنے کی بجائے وسائل میں خود کفالت حاصل کریں گے اور علاقے میں ترقی کا دور دورہ ہوگا۔انہوں نے کہاکہ ٹی ایم ایز شہری سہولیات کی فراہمی کی بنیادی اکائیاں ہیں جن کی کارکردگی کورونا کی عالمی وباء کے دوران نکھر کر سامنے آئی جب باپ بیٹے سے دور بھاگ رہا تھا تو یہی ٹی ایم اے ورکرز مرنے والوں کو کفنانے اور دفنانے میں مصروف تھے اور ڈیوٹی کی لائن پر کئی ایک اپنی جانیں بھی قربان کردی۔

لویر چترال سے صوبائی اسمبلی کے رکن فاتح الملک علی ناصر، تحصیل چیرمین چترال شہزادہ امان الرحمن، چیرمین دروش تحصیل سید فریدجان ایڈوکیٹ، چیرمین موڑکھو تورکھو تحصیل جمشید احمد اور ڈپٹی کمشنر لویر چترال محمد عمران خان اور ریجنل میونسپل افیسر اعجاز رحیم کی موجودگی میں چاروں ٹی ایم اوز رحمت حنیف (چترال)، کریم اللہ (دروش)، مصباح الدین (مستوج) اور امین الرحمن (موڑکھو) نے اپنے اپنے تحصیلوں کے بارے میں بریفنگ پیش کی جس پر وزیربلدیات نے پائنٹ ٹو پائنٹ تبصر ہ کیا اور ضرورت کے مطابق مزید معلومات حاصل کرنے کے بعد اس پر تبصر ہ بھی کرتے رہے۔ ارشد ایوب خان نے چاروں ٹی ایم ایز کے منتخب نمائندوں اور سینئر افسران پرواضح کیا کہ یہ ادارے حکومتی گرانٹ پر ہمیشہ نہیں چل سکتے بلکہ عوامی خدمت کی معیارکو بہتر بنائیں اورمستقبل میں میونسپل افیسرز کی کارکردگی کی جانچ ان کی جمع کردہ ریونیو اور ان کے اخراجات سے کیا جائے گااور اسے کارکردگی کا پیمانہ بنایا جائے گا۔

 

انہوں نے کہاکہ ٹی ایم اے ملازمین کی سوفیصد حاضری کو یقینی بنایا جائے اور ڈیوٹی سے غیر حاضر رہنے والوں اور سسی وغفلت کا مظاہرہ کے خلاف محکمانہ کاروائی کرکے انہیں ملازمت سے برخاست کئے جائیں گے اور حاضری پر موثر چیک رکھنے کے لئے تمام دفاتر میں بائیو میٹرک مشین نصب کرنے کا بھی حکم دے دیا جبکہ گاڑیوں میں تیل کی بے تحاشااور غیر ضروری استعمال پر کڑی نظر رکھنے کے لئے ہر گاڑی کے ساتھchipلگانے کے احکامات بھی جاری کردئیے۔ انہوں نے موقع پر موجود افسران کو ہدایت کی کہ وہ مقامی ممبران صوبائی اسمبلی اور چیرمین صاحبان کے ساتھ مشاورت کے ساتھ کام کرتے رہیں تاکہ عوامی امنگوں کی ترجمانی ہوسکے۔ وزیر بلدیات نے موقع پر موجود ریجنل میونسپل افیسر ملاکنڈ کو ہدایت کردی کہ وہ ٹی ایم ایز کے بارے میں نشاندہی کردہ امور کی مانیٹرنگ اینڈ ایوالویشن ٹیموں کے ذریعے اڈٹ کرکے دس دنوں کے اندر انہیں رپورٹ پیش کرے جبکہ بلچ میں واقع ویمن ووکیشنل سنٹر اور دنین میں واقع قصاب خانہ کا بھی دورہ کرکے رپورٹ پیش کرنے کی ہدایت کی۔ انہوں نے شہید اسامہ وڑائچ تفریحی پارک کا انتظام وانصرام ٹی ایم اے چترال کو منتقل کرنے کے بارے میں بھی ڈی سی لویر چترال سے مشور ہ لینے کے بعد اس کی منظوری دے دی۔

وزیر اعلیٰ خیبر پختونخوا کے سابق معاون خصوصی وزیر زادہ اور پی ٹی آئی کے سینئر رہنما رضیت باللہ، فخر اعظم اور نوید احمد بیگ بھی اس موقع پر موجود تھے۔

chitraltimes kp minister local government ayub visits chitral

chitraltimes kp minister local government visits Chitral 5

chitraltimes kp minister local government visits Chitral 3

 

 

Posted in تازہ ترین, جنرل خبریں, چترال خبریں
90170

شندور پولو فیسٹول کے لئے چترال پولوٹیموں کے کھلاڑیوں کے ناموں کا اعلان کردیا گیا، شہزادہ سکندر الملک ٹیم کیپٹن، معروف پلیئر ناصراللہ کواے ٹیم میں شامل، کردیا گیا

Posted on

شندور پولو فیسٹول کے لئے چترال پولوٹیموں کے کھلاڑیوں کے ناموں کا اعلان کردیا گیا، شہزادہ سکندر الملک ٹیم کیپٹن، معروف پلیئر ناصراللہ کواے ٹیم میں شامل، کردیا گیا

اپر چترال (نمائندہ چترال ٹائمز ) شندور پولو فیسٹیول 2024 کے لئے کھیلاڑیوں کے انتخاب بالخصوص پولو پلئیر ناصراللہ کو چترال اے ٹیم میں کھیلانے کے سلسلے میں پولو جیوری کمیٹی چترال کا ایک اہم میٹنگ زیر صدارت محمد عرفان الدین ڈپٹی کمشنر اپر چترال منعقد ہوا۔

 

اس میٹنگ میں صدر پولو ایسوسیشن چترال شہزادہ سکندرالملک اور جیوری کمیٹی کے دیگر ممبران نے شرکت کی۔ میٹنگ میں یہ طے پایا کہ چونکہ ناصر اللہ ایک بہترین پولو پلئیر ہے اور اس نے پری شندور پولو ٹورنامنٹ میں حصہ نہیں لیا تھا۔ اس لئے پولو سلیکش قوانین میں ایک مرتبہ ترمیم کرکے اس کو چترال پولو اے ٹیم میں کھیلانے کا اصولی فیصلہ کیا گیا۔

 

لہذا متفقہ طور پر یہ فیصلہ ہوا کہ ناصر اللہ اس سال چترال اے پولو ٹیم میں کھیلے گا۔ جس پر ڈپٹی کمشنر اپر چترال نے پولو ایسوسی ایشن چترال کا شکریہ ادا کیا ۔دریں اثنا شندور پولو فیسٹول کے لئے چترال کےپولو ٹیموں کے کھلاڑیوں کے ناموں کا بھی اعلان کردیا گیا، شہزادہ سکندر الملک چترال اے ٹیم کے کیپٹن ہونگے، اصغر حسین چترال بی ٹیم کے کیپٹن، شمیم احمد چترال سی ٹیم کےکیپٹن، عماد الدین چترال ڈی ٹیم کے کیپٹن، اسی طرح حکیم سرور سب ڈویژن مستوج ٹیم کے کیپٹن ہونگے۔، دریں اثنا  شندور پولوفیسٹول کے لئے جیوری ودیگر منیجمنٹ کے ممبران کے ناموں کا بھی اعلان کردیا گیا،

 

chitraltimes dc chitral upper chaired shandur team selection meeting 1

chitraltimes shandur festival 2024 team selection and management committee list 2 chitraltimes shandur festival 2024 team selection and management committee list 1 chitraltimes dc chitral upper chaired shandur team selection meeting 2

 

 

Posted in تازہ ترین, چترال خبریں, گلگت بلتستان
90148

ضلعی انتظامیہ کی طرف سے کم سن موٹرسائیکلسٹ کے خلاف خصوصی مہم جاری، عید پر موٹرسائیکل حادثات رونما نہ ہوئے

Posted on

ضلعی انتظامیہ کی طرف سے کم سن موٹرسائیکلسٹ کے خلاف خصوصی مہم جاری، عید پر موٹرسائیکل حادثات رونما نہ ہوئے

چترال (چترال ٹائمزرپورٹ) ضلعی انتظامیہ کی زیر نگرانی لوئر چترال پولیس کی کم سن ڈرائیورز /موٹرسائیکلسٹ کے خلاف خصوصی مہم جاری ہے ، جس کے باعث اس عید پر موٹر سائیکل حادثات رونما نہیں ہوئے،جس کو عوامی حلقوں کی طرف سے سراہا گیا، ،

ڈپٹی کمشنر لوئر چترال محمد عمران خان کے احکامات کی روشنی میں لوئر چترال میں ممکنہ ٹریفک حادثات کی روک تھام کے خاطر کم سن موٹرسائیکلسٹ اور بغیر ہلمٹ کے موٹر سائکل چلانے والوں کے خلاف کارروائیوں کا سلسلہ جاری ہے۔

ضلعی انتظامیہ نے ضلع ہذا میں دفعہ 144 نافذ کیا ہے جس کے تحت کم سن موٹر سائکلسٹ اور بغیر ہلمٹ کے بائک چلانے پر پابندی ہے۔

ایڈیشنل اسسٹنٹ کمشنر ہیڈکوارٹرز / ٹریفک مجسٹریٹ عدنان حیدر ملوکی کی سربراہی میں ٹریفک پولیس وارڈنز نے مختلف مقامات پر کم سن بائکرز اور بغیر ہلمٹ کے موٹر سائکل چلانے والوں کو ٹریفک قوانین کی خلاف ورزی پر چالان کیا۔ٰضلعی انتظامیہ کی طرف سے تمام والدین سے اپیل کی گئی ہے کہ وہ قانون کی پاسداری کریں اپنے کم سن بچوں کو ہرگز گاڑی یا موٹر سائیکل نہ دیں۔

chitraltimes under age motorcylist booked 1 chitraltimes under age motorcylist booked 5 chitraltimes under age motorcylist booked 4 chitraltimes under age motorcylist booked 2

Posted in تازہ ترین, چترال خبریں
90141

 شندور فیسٹول کے حوالے سے عوام لاسپور کے مطالبات اور علاقے کے مسائل کے  حل کے حوالے سے اسسٹنٹ کمشنر مستوج کا لاسپورویلی کادورہ ،

Posted on

 شندور فیسٹول کے حوالے سے عوام لاسپور کے مطالبات اور علاقے کے مسائل کے  حل کے حوالے سے اسسٹنٹ کمشنر مستوج کا لاسپورویلی کادورہ ،

اپر چترال ( چترال ٹائمزرپورت ) ڈپٹی کمشنر اپر چترال محمد عرفان الدین کی ہدایات پر یونس خان اسسٹنٹ کمشنر مستوج نے اج لاسپور ویلی کا ہنگامی دورہ کیا ۔دورے کا مقصد علاقہ سور لاسپور کے عوام کو درپیش مختلف مسائل کے حل کے لئے لایحہ عمل طے کرنا تھا۔
اسسٹنٹ کمشنر مستوج نے عمائدین علاقہ اور منتحب مقامی نمائندوں سے ملاقات کی اور ان کے مسائل سن لئے۔
ان لوگوں کے قابل ذکر مسائل متاثرہ نہروں کی بحالی ، شندور فیسٹول والی جگہے سے خار دار تاروں کو ہٹانا، وزیر اعلیٰ سے ملاقات کے لئے ٹائم دینا، لاسپور تا شندور پرانی سڑک کی بحالی، شندور کلچرل شو میں لاسپور کے فنکاروں کو شامل کرنا، فیسٹول کے بعد شندور کی صفائی اور دوران فیسٹول شندور میں مرجانے والے جانوروں کے لئے معاوضے کا بندوبست کرناجیسے مسائل شامل تھے۔

اسسٹنٹ کمشنر نے عمائدین علاقہ سے خطاب کرتے ہوئے کہا کہ ان کے سارے مسائل مناسب، معقول اور حل طلب ہیں۔ اسسٹنٹ کمشنر نے انہیں یقین دلایا کہ ان کے سارے مسائل انشاء اللہ حل کردے جائیں گے۔ انہوں نے یقین دلایا کہ وہ اج ہی ڈپٹی کمشنر سے اس حوالے سے مشاورت کرکے ہنگامی بنیادوں پر نہروں کی بحالی سمیت دیگر مسائل کو بھی جلد از جلد حل کرنے کے لئے متعلقہ اداروں کو ہدایات جاری کریں گے۔
عمائدین علاقہ نے اسسٹنٹ کمشنر کی یقین دیہانی پر اپنا احتجاج ختم کئے اور ضلعی انتظامیہ کے ساتھ ہر قسم کے تعاون کا اعادہ کئے.

chitraltimes aac mastuj visit laspur valley 3

Posted in تازہ ترین, چترال خبریں
90136

ہرچین لاسپور ویلی میں بابائے لاسپور میموریل لائبریری کا افتتاح

ہرچین لاسپور ویلی میں بابائے لاسپور میموریل لائبریری کا افتتاح

مستوج ( نمائندہ چترال ٹائمز ) ہرچین لاسپور ویلی میں پرائیویٹ سیکٹر میں پہلی مرتبہ “بابائے لاسپور میموریل لائبریری ” کے نام سے ایک لائبریری کا افتتاح کردیا گیا ، بابائے لاسپور گل ولی خان مرحوم کے نام سے ان کےگھر میں قائم اس لائبریری سے تقریباً 24000 گھرانوں کے ہزاروں طلبہ و طالبات مستفید ہوں گے۔ نہایت عرق رزی سے کتابوں کا انتخاب اور طلبہ و طالبات کی عمر، کلاس اور پڑھنے کی سطح اور ضرورت کے لحاظ سے درجہ بندی اس لائبریری کو منفرد بناتی ہے ۔ مزید برآں، لائبریری میں اعلیٰ قومی یونیورسٹیوں میں داخلے کے امتحانات کے لئے تیاری کا مواد موجود ہے۔ بابائے لاسپور لائبریری کے ساتھ رجسٹریشن کے لیے کوئی فیس ادا کرنے کی ضرورت نہیں ہوگی۔ وقت گزرنے کے ساتھ لائبریری میں مزید کتابیں شامل کیئے جائینگےجو طلباء کی تعلیمی ضروریات کے مطابق ہوں گی۔
لائبریری کا مقصد چترالی نوجوانوں میں کتاب بینی کی عادت ڈالنے کے مواقع اور ماحول فراہم کرنا ہے۔ پاکستان میں تعلیمی نظام میں مختلف سماجی طبقات کے لحاظ سے فرق موجود ہے۔ نتیجتاً غریب اور متوسط طبقے کے بچوں کو بہتر معاشی پس منظر سے تعلق رکھنے والے بچوں کے ساتھ مقابلہ کرنے میں اکثر مشکلات کا سامنا کرنا پڑتا ہے۔ اس کی وجہ سے بہت کم متوسط طبقے کے بچے اعلیٰ قومی اور بین الاقوامی یونیورسٹیوں میں جگہ حاصل کر پاتے ہیں۔ ان کو درپیش ایک بڑی رکاوٹ انگریزی زبان میں کمزوری ہے۔ جب تک متوسط طبقے کے بچے پڑھنے کی عادت نہیں ڈالتے، اس رکاوٹ کو دور نہیں کیا جا سکتا ۔افتتاحی تقریب کے موقع پر لائبریری کے منتظمین کا کہنا تھا کہ ہم نے پائیدار کمیونٹی لائبریریوں کا تصور دیا ہے۔ ہمارا وژن دیہاتوں میں خاص طور پر غریب اور متوسط طبقے کے بچوں کے لیے کمیونٹی لائبریریاں قائم کرنا ہے۔ وقت گزرنے کے ساتھ بچوں کی تعلیمی ضروریات اور بدلتی دنیا کے تعلیمی تقاضوں کو مدنظر رکھتے ہوئے ان لائبریریز میں جدید رجحانات اپنائے جائیں گے۔

chitraltimes baba e laspur library inagurate 4

chitraltimes baba e laspur library inagurate 3

chitraltimes baba e laspur library inagurate 2

 

 

Posted in تازہ ترین, چترال خبریں
90126

عیدالاضحی چترال کے دونوں اضلاع میں مذہبی جوش و جذبہ عقیدت و احترام سے منائی گئی

Posted on

عیدالاضحی چترال کے دونوں اضلاع میں مذہبی جوش و جذبہ عقیدت و احترام سے منائی گئی

اپر چترال (نمائندہ چترال ٹائمز)ملک کے دوسرے حصوں کی طرح لوئر چترال اور اپر چترال میں بھی عیدالاضحی عقیدت و اخترام اورمذہبی جوش وجذبے سے منائی گئی اس حوالیسے اپر چترال کے مختلف علاقوں بونی, تورکھو موڑکھو اور مستوج کے جامع مساجد عیدگاہوں اور جماعت خانوں میں عید کی نماز ادا کی گئی عید کی بڑی اجتماع جامع مسجد بونی اور مرکزی عیدگاہ وریجون میں ہوئی اور ہزاروں نمازیوں نے نماز عید ادا کی اس موقع پر علمائے کرام اس دن کی مناسبت سے جامع انداز میں تقاریر اور واعظ نصیحت پیش کی اور حضرت ابراہیم علیہ السلام  کی اس عظیم قربانی کو عقیدت احترام اورسلام پیش کرتے ہوئے تمام مسلمانوں کو اس پر عمل کرنے کی خصوصی ہدایت کی گئی۔

 

اس کے علاوہ علمائے کرام نے بھر پور انداز میں فل سطین کے مظلوم مسلمانوں کے ساتھ اظہار یکجہتی کی طور پر ہاتھ اٹھاکر اعلان کرتے ہوئے اس رائیلی مصنوعات کا مکمل بائیکاٹ کرنے کا غزم کیاگیا۔علمائے کرام نے اپنے خطاب میں کہا کہ جن کاروباری حضرات نے اپنے دوکانوں میں اس رائیلی مصنوعات جیسے مشروبات اور دوسرے اس رائیلی پروڈکٹس رکھتے ہیں اور فروخت کرتے ہیں یوں سمجھے وہ اس رائیل کے لیے چندہ جمع کررہے ہیں ان کی سب ملکربازاروں اور اپنے اپنے علاقوں کے دوکانوں میں فروخت کرنے پر مکمل پابندی لگا دی جائے اور فل سطین کے مظلوم مسلمانوں کے ساتھ یک جہتی کی جائے۔اور اس راییل کی طرف سے معصوم بچون کی قتل وعام کی سخت مذمت کی جائے۔ اخر میں وطن عزیز پاکستان کی کامیابی سلامتی استحکام کے لیے خصوصی دعائیں مانگی گئی۔

chitraltimes eid prayer chitral eid gah 3 chitraltimes eid prayer chitral eid gah 2

chitraltimes eid prayer chitral eid gah 1

 

 

Posted in تازہ ترین, چترال خبریں
90104

عید الضحی کے دوران کم عمر موٹر سائیکلسٹ کے خلاف چترال پولیس کی خصوصی مہم، کم عمر اوربغیر ہیلمٹ والے عید کے دن تھانے میں بند ہونگے۔ ڈی پی او افتخار شاہ

Posted on

عید الضحی کے دوران کم عمر موٹر سائیکلسٹ کے خلاف چترال پولیس کی خصوصی مہم، کم عمر اوربغیر ہیلمٹ والے عید کے دن تھانے میں بند ہونگے۔ ڈی پی او افتخار شاہ

چترال (چترال ٹائمزرپورٹ ) عید الضحی کے دوران کم عمر موٹر سائیکلسٹ, بغیر ہیلمٹ والے تھانے میں بند,لوئر چترال پولیس/ ٹریفک پولیس نےخصوصی مہم شروع کردی ہے،

ڈسٹرکٹ پولیس آفیسر لوئر چترال افتخار شاہ کے حکم پر لوئر چترال پولیس کم سن اور بغیر ہیلمٹ موٹر سائیکل سواروں کے خلاف آپریشن کا بھرپور آغاز کریں گی بغیر نمبر پلیٹ والے موٹر سائیکل، کم سن موٹر سائیکل سوار اور بنا ہیلمٹ والے موٹر سائیکلوں کو بند تھانہ کیاجائے گا۔

اس سلسلے میں آج ایس۔ایچ۔او تھانہ سٹی چترال SI منیرالملک ،ایس۔ایچ۔او تھانہ دروش SI حیدر حسین اور انچارچ ٹریفک ورڈن پولیس فضل کریم نے اپنی اپنی ٹیموں کے ہمراہ مختلف مقامات پر ناکہ بندیاں کرکے متعدد موٹر سائیکلوں کو ٹریفک قوانین کی خلاف ورزی پر تھانوں میں لاکر کھڑی کی۔

تمام والدین سے اپیل کی گئی ہے کہ وہ ممکنہ ٹریفک حادثات کی روک تھام میں پولیس کا ساتھ دیں، اپنے کم سن بچوں کو موٹر سائکل/ گاڑی چلانے کی ہرگز اجازت نہ دیں۔ خلاف ورزی کرنے والے رائیڈرز عید کے دن تھانے میں گزاریں گے۔

 

chitraltimes young motorcyclist in police custody

Posted in تازہ ترین, چترال خبریں
90097

 مہنگائی وگرانی کے باعث عیدا لاضحٰی کے موقع پر قربانی کے لئے جانور خریدنے والوں کی تعداد نہ ہونے کے برابر 

Posted on

 مہنگائی وگرانی کے باعث عیدا لاضحٰی کے موقع پر قربانی کے لئے جانور خریدنے والوں کی تعداد نہ ہونے کے برابر

چترال ( چترال ٹائمزرپورٹ ) ملک میں مہنگائی وگرانی نے عیدا لاضحٰی کے موقع پر مسلمانوں کی اکثریت کو سنت ابراہیمی پر عمل پیرا ہوکر جانوروں کی قربانی کرنے کی راہ میں رکاوٹ بن گئی اور مویشی منڈی میں خریداری نہ ہونے کے برابر پائی جاتی ہے۔ پولوگراونڈ، چیو پل، بلچ شوتار اور دوسرے مقامات پر قائم مویشی منڈیوں میں جانور فروخت کرنے والوں نے  میڈیا کو بتایاکہ اس سال قربانی کے لئے جانور خریدنے والوں کی تعداد نہ ہونے کے برابر ہے۔ ان کا کہنا تھاکہ منڈی میں آنے والے جانوروں کی قیمت پوچھنے کے بعد چپ چاپ چلے جاتے ہیں۔ اس وقت بیل گائے کی قیمت ایک لاکھ 20ہزار روپے سے لے کر ساڑھے تین لاکھ روپے، اوسط جسامت کے بکرا کی قیمت 65ہزار، بکری کی قیمت 45000 اور بھیڑ کی قیمت 25000 روپے ہے جبکہ گزشتہ سال اس سے نصف تھا۔

Posted in تازہ ترین, چترال خبریں
90090

یونیورسٹی آف چترال کی طالبہ لینہ شوراگالی کا اعزاز

Posted on

یونیورسٹی آف چترال کی طالبہ لینہ شوراگالی کا اعزاز

چترال ( چترال ٹائمزرپورٹ ) یونیورسٹی آف چترال شعبہ زولوجی کی طالبہ لینہ شوراگالی سٹڈی آف یو ایس انسٹیٹیوٹس (SUSIs) ایکسچینج پروگرام کے تحت امریکہ کے چھ ہفتوں کے تعلیمی دورے کے لئے منتخب ہو گئی ہیں۔
اس پروگرام کے تحت سٹوڈنٹ لیڈرز کو پبلک پالیسی سازی کے کورس کے لئے منتخب کیا جاتا ہے۔ یہ ٹریننگ اس سال یونیورسٹی آف میساچوسٹس میں جون سے اگست تک جاری رہے گا۔ اس ٹریننگ میں پبلک پالیسی سازی، خارجہ پالیسی، پبلک فنانس، صحت اور تعلیمی پالیسی سازی کے حوالے سے خصوصی کورس کرایا جائے گا۔

لینہ شوراگالی ڈیپارٹمنٹ آف زولوجی یونیورسٹی آف چترال سے زولوجی میں بیچلرز کر رہی ہیں۔ لینہ کا تعلق چترال کی خوبصورت وادی بمبوریت سے ہے، ان کے والد کریم محکمہ تعلیم میں استاد ہیں اور بمبوریت کے گورنمنٹ ہائی سکول میں اپنے فرائض نبھا رہے ہیں۔ نصابی سرگرمیوں کے علاؤہ لینہ یونیورسٹی میں مختلف سٹوڈنٹ فورمز میں بھی سرگرم کردار ادا کرتی ہیں۔ اپنے تاثرات کا اظہار کرتے ہوئے ان کا کہنا تھا کہ اس پروگرام کے لئے منتخب ہونے اور امریکہ روانگی پر بہت پرجوش ہوں، اس ٹریننگ سے حاصل شدہ تجربہ نہ صرف میرے کیریئر کے لیے مفید ہوگا بلکہ اس تجربے کو بروئے کار لاتے ہوئے اپنے یونیورسٹی فیلوز، کمیونٹی اور علاقے کو فائدہ پہنچانے کی بھر پورکوشش کروں گی۔ میری کوشش ہوگی کہ اس موقع سے بھرپور فائدہ اٹھا کر اپنی صلاحیتوں میں اضافہ کروں تاکہ مستقبل میں ذیادہ موثر اور بہتر لیڈرشپ کا مظاہرہ کر سکوں۔

اس پروگرام کے کے لئے پاکستان سے ہزاروں امیدواروں میں سے صرف 20 طلباء منتخب ہوئے ہیں جبکہ صوبا ئی سطح پر صرف چھ طلباء کا انتخاب ہوا ہے جو کہ اپنی جگہ ایک اعزاز ہے۔ اس پروگرام کے تحت اٹھارہ سے پچیس سال کی عمر کے طلباء درخواست دینے کے اہل ہیں جو بیچلرز پروگرام میں زیر تعلیم ہوں۔ اس کے علاوہ پالیسی سازی کے متعلقہ شعبوں کی طرف رجحان کو بھی مد نظر رکھا جاتا ہے۔

 

Posted in تازہ ترین, چترال خبریں
90086

عید کی چھٹیوں پر گھروں کو آنے والے مسافروں کا رش، آڈوں میں گاڑی نایا ب، مسافروں کا احتجاج  

Posted on

عید کی چھٹیوں پر گھروں کو آنے والے مسافروں کا رش، آڈوں میں گاڑی نایا ب، مسافروں کا احتجاج

چترال (نمائندہ چترال ٹائمز ) عید الاضحی قریب آنے کے ساتھ چترال سے باہر رہنے والے پردیسی اپنے جنت نظیر چترال پہنچ رہے ہیں جوکہ کئی کئی مہینوں سے مختلف شہروں میں حصول رزق یا حصول علم کے سلسلے میں مقیم تھے۔ پشاور اور اسلام آباد /راولپنڈی سے چترال آنے والے فلائینگ کوچ، بس اور دوسری چھوٹی گاڑیوں میں بڑی تعداد میں مسافر یہاں پہنچ کر اپنے اپنے منزلوں کی طرف روانہ ہورہے ہیں جن میں بچے، خواتین بھی شامل ہیں۔ ان مسافروں میں میں وہ فیمیلیز بھی شامل ہیں جوکہ مختلف شہروں میں اور خصوصاً پشاور، راولپنڈی، لاہور اور کراچی میں رہائش رکھتے ہیں۔

 

چترال شہر کے کڑوپ رشت، اتالیق بازار اور جنالیو ڈوک میں واقع تینوں بس اڈوں میں اس وقت چترال پہنچنے والے مسافروں کی زبردست چہل پہل دیکھنے میں آرہی ہے۔ عید کے دن قریب پہنچنے کی وجہ سے ان اڈوں میں مسافروں کی تعداد کے مطابق گاڑی دستیاب نہ ہونے کی وجہ سے گاڑیوں کی شارٹیج کا بھی سامنا ہے۔ ہفتے کے دن کڑوپ رشت اڈہ میں گاڑی نہ ملنے پر مسافروں نے احتجاج کرتے ہوئے سڑک بلاک کردیا جس پر ٹریفک پولیس کے انچارج سب انسپکٹر فضل کریم نے ان سے گفت وشنید کے بعد احتجاج ختم کرادیا اور موقع پر موجود گاڑیوں کو دستیاب کردیا جس کے بعدیہ پردیسی اپنے اپنے گاؤں کی طرف روانہ ہوگئے۔ چترال کے تقریباً تمام دیہات میں ان دنوں چہل پہل اپنی عروج پر ہوتی ہے جب پردیس میں رہنے والے یہ پردیسی سب اپنے گاؤں واپس آجاتے ہیں۔

Posted in تازہ ترین, چترال خبریں
90077

پری شندور پولو ٹورنامنٹ اختتام پذیر، چترال سکاوٹس اے ٹیم نے ٹائٹل اپنے نام کرلیا 

پری شندور پولو ٹورنامنٹ اختتام پذیر، چترال سکاوٹس اے ٹیم نے ٹائٹل اپنے نام کرلیا

چترال (نمائندہ چترال ٹائمز) انٹر ڈسٹرکٹس چیف منسٹر کپ پولو ٹورنامنٹ کے فائنل میں چترال سکاوٹس کی ٹیم نے سنسنی خیز میچ کے بعد دو کے مقابلے میں چترال اے ٹیم کو تین گولوں سے شکست دے دی۔ دوہفتے تک جاری رہنے والی اس ٹورنامنٹ میں اپر اور لویر چترال کے اضلاع سے 52ٹیموں نے حصہ لیا۔ فائنل میچ کے مہمان خصوصی امریکہ میں معروف پاکستانی بزنس مین انور امان نے ٹرافی اور انعامات تقسیم کئے۔ اس موقع پر ڈپٹی کمشنر لویر چترال محمد عمران خان، کمانڈنٹ چترال سکاوٹس کرنل بلال جاوید، ڈی پی او لویر چترال افتخار شاہ بھی موجود تھے جبکہ فائنل میچ دیکھنے کے لئے پولوگراونڈ کے احاطے میں 20ہزار سے ذیادہ تماشائی موجود تھے۔ مہمان خصوصی انور امان نے کہاکہ پولو چترال کی ثقافت کا آئنہ دار کھیل ہے اور چترال کی لوک داستان اس کے بغیر نامکمل ہے۔ انہوں نے اس بات پر اطمینان کا اظہار کیاکہ چترال میں پولو کا کھیل دن نہ دن فروع پارہا ہے اور اس کے کھیلنے اور شائقین کی تعداد میں اضافہ ہورہا ہے اور یہ ٹورز م کو پروموٹ کا ذریعہ بھی ثابت ہورہاہے۔انھوں نے اپنی طرف سے ونراور رنراب ٹیموں کے لئے چھ چھ لاکھ روپے انعام کا بھی اعلان کیا۔

 

پولوایسوسی ایشن کے صدر شہزادہ سکندر الملک نے ٹورنامنٹ کو منظم انداز میں منعقد کرنے پر ڈی سی لویر چترال اور ان کی ٹیم کی تعریف کی اور کہاکہ اس اہم ایونٹ کے نتیجے میں شندور پولوفیسٹول میں چترال کی نمائندگی کرنے کے لئے چار ٹیموں کی کھلاڑیوں کا انتخاب کیا جائے گا۔ ڈی سی محم عمران نے اپنے مختصر خطاب میں کھلاڑیوں کی سپورٹس مین سپرٹ کو سراہتے ہوئے کھلاڑیوں کو یقین دلایا کہ ضلعی انتظامیہ پولو کی فروع میں ہر قدم پر ان کے ساتھ ہے۔ فائنل میچ کے شروع میں چترال اے ٹیم نے ایک گول کرکے برتری حاصل کی لیکن چترال سکاوٹس کے شہزاد احمد شاہ جی نے اگلے منٹ کے دوران ہی گول کرکے سکور برابر کیا اور پہلے ہاف کے ختم ہونے تک دو مزید گول اسکور کرنے می کامیاب ہوئے۔ دوسرے کے پہلے منٹ میں چترال اے ٹیم نے ایک اور گول کرکے اسکور بورڈ کی پوزیشن کو 2-3کردیا اور اسے برابر کرنے کے لئے سرتوڑ کوششوں میں مصروف تھے کہ میچ کا وقت ختم ہونے کی بگل بچ گئی۔

 

chitraltimes pre shandur polo tournament concludes 15 chitraltimes pre shandur polo tournament concludes 14 chitraltimes pre shandur polo tournament concludes 13 chitraltimes pre shandur polo tournament concludes 12 chitraltimes pre shandur polo tournament concludes 11 chitraltimes pre shandur polo tournament concludes 9 chitraltimes pre shandur polo tournament concludes 8 chitraltimes pre shandur polo tournament concludes 7 chitraltimes pre shandur polo tournament concludes 6 chitraltimes pre shandur polo tournament concludes 4 chitraltimes pre shandur polo tournament concludes 3 chitraltimes pre shandur polo tournament concludes 2 chitraltimes pre shandur polo tournament concludes 1 chitraltimes pre shandur polo tournament concludes 3 chitraltimes pre shandur polo tournament concludes 2 chitraltimes pre shandur polo tournament concludes 1 chitraltimes pre shandur polo tournament concludes 4

chitraltimes pre shandur polo tournament concludes 5

Posted in تازہ ترین, چترال خبریں
90043

شندور پولو فیسٹیول جمعہ 28 جون کو شیڈول کے مطابق شروع ہوگا، بختیار خان، ڈی سی اپر چترال نے مقامی سطح پر عیدالاضحی کی چھٹیاں منسوخ کر دی

ڈی سی اپر چترال نے مقامی سطح پر عیدالاضحی کی چھٹیاں منسوخ کر دی ہیں، مقامی لوگوں سے بھی مسلسل رابطوں میں ہیں

شندور پولو فیسٹیول جمعہ 28 جون کو شیڈول کے مطابق شروع ہوگا، بختیار خان

مشیر سیاحت کی ہدایات کی روشنی میں تین روزہ فیسٹیول کی تیاریوں کو حتمی شکل دیدی گئی ہے، ضلعی انتظامیہ کے اعلی حکام موقع پر انتظامات کا مسلسل جائزہ لے رہے ہیں،

فیسٹیول میں پولو میچز کے علاؤہ چترال اور گلگت بلتستان کی لوک دھنوں پر مبنی محفل موسیقی بھی منعقد ہوگی، سیکرٹری محکمہ سیاحت و ثقافت

مشیر سیاحت کا انتظامات پر اطمینان کا اظہار، عیدالاضحی کے فوراً بعد محکمہ سیاحت کی انتظامی ٹیمیں شندور بھیجنے کی ہدایت

پشاور ( چترال ٹائمزرپورٹ ) سیکرٹری محکمہ سیاحت و ثقافت خیبرپختونخوا محمد بختیار خان نے کہا ہے کہ مشیر سیاحت و ثقافت زاہد چن زیب کی ہدایات کی روشنی میں شندور پولو فیسٹیول کے تمام انتظامات کو حتمی شکل دیدی گئی ہے جو وزیراعلی کی اعلان کردہ تاریخ یعنی جمعہ 28 جون کو شروع ہو گا۔ اس تین روزہ فیسٹیول میں شرکت کیلئے پاکستان کے علاؤہ دنیا بھر سے سیاحوں کو خوش آمدید کہتے ہیں۔ ان خیالات کا اظہار انہوں نے محکمہ سیاحت و ثقافت پشاور کے کانفرنس روم میں منعقدہ جائزہ اجلاس کی صدارت کرتے ہوئے کیا۔ سیکرٹری محکمہ سیاحت کا کہنا تھا کہ ڈپٹی کمشنر اپر چترال سمیت چترال کے دونوں اضلاع کی انتظامیہ کے اعلی حکام شاہراہِوں اور سیکورٹی انتظامات کا بذات خود مسلسل جائزہ لے رہے ہیں جبکہ ڈپٹی کمشنر اپر چترال نے مقامی سطح پر ملازمین کی چھٹیاں بھی منسوخ کر دی ہیں اور مقامی لوگوں اور زعماء سے بھی مسلسل رابطوں میں ہیں۔ انہوں نے بتایا کہ عیدالاضحیٰ کے فوراً بعد محکمہ سیاحت و ثقافت کی مختلف انتظامی ٹیمیں شندور پولو فیسٹیول کیلئے روانہ کر دی جائینگی تاکہ شندور گراؤنڈ پر تیاریوں کو نہ صرف فول پروف بنا کر حتمی شکل دی جائے بلکہ مزید بہترین انتظامات بھی کئے جائیں اور جہاں جہاں ضرورت ہو وہاں سیاحوں کیلئے اضافی سہولیات بھی مہیا کی جائیں۔

 

انہوں نے کہا کہ وزیراعلی علی امین گنڈاپور کی طرف سے اعلان شدہ تاریخوں پر ہی شندور پولو فیسٹیول کا انعقاد کیا جائے گا۔ تین روزہ فیسٹیول میں چترال اور گلگت بلتستان کی پولو ٹیموں کے سنسنی خیز مقابلوں کے علاؤہ ان علاقوں کے فنکار اور گلوکار مقامی دھنوں پر محفل موسیقی میں پرفارم کرینگے۔ فیسٹیول میں ہر سال کی طرح امسال بھی مقامی ثقافتی دستکاریوں اور مصنوعات کے سٹالز سجائے جائینگے۔ فیسٹیول کی اختتامی تقریب 30 جون کو شندور پولو گراؤنڈ پر منعقد ہوگی جس میں رنگا رنگ ثقافتی پروگراموں اور فنکاروں کی پرفارمنس کے علاؤہ پیرا گلائڈنگ اور دیگر فن کے مظاہرے بھی پیش کئے جائینگے۔ درایں اثناء مشیر سیاحت و ثقافت زاہد چن زیب نے شندور پولو فیسٹیول کے سلسلے میں جاری انتظامات اور تیاریوں پر اطمینان کا اظہار کیا ہے جو ڈویژنل اور ضلعی انتظامیہ سے مسلسل رابطوں میں ہیں۔ مشیر سیاحت نے اس سلسلے میں چترال کے دونوں اضلاع کے ڈپٹی کمشنرز کی مسلسل نگرانی اور کوششوں کو سراہا ہے۔ انہوں نے عیدالاضحی کے فوراً بعد محکمہ سیاحت کے اعلیٰ انتظامی افسران کی ٹیمیں شندور بھیجنے اور تمام انتظامات کو ہر لحاظ سے فول پروف بنانے کی ہدایت کی۔

انہوں نے امید ظاہر کی کہ اس تین روزہ فیسٹیول کو عالمی معیار کے مطابق ہر لحاظ سے کامیاب اور یادگار ترین سیاحتی میلہ بنایا جائے گا جس کی گونج بین الاقوامی سطح پر سنائی دے گی۔

chitraltimes dc upper chitral irfan uddin visits camping pot

 

 

Posted in تازہ ترین, جنرل خبریں, چترال خبریں, گلگت بلتستانTagged
90007

خیبرپختونخوا ٹورازم ڈپارٹمنٹ کا شندور فیسٹول و دیگر سیاحتی مقامات کے لئے ہیلی کاپٹر سروس شروع کرنے کا اعلان

خیبرپختونخوا ٹورازم ڈپارٹمنٹ کا شندور فیسٹول و دیگر سیاحتی مقامات کے لئے ہیلی کاپٹر سروس شروع کرنے کا اعلان

پشاور ( چترال ٹائمز رپورٹ ) خیبرپختونخوا کلچر اینڈ ٹورازم اتھارٹی نے شندور پولو فیسٹیول 2024 کے لیے سیاحوں کے لیے ہیلی کاپٹر سفاری سروس شروع کرنے کا اعلان کیا ہے۔
ہیلی کاپٹر سفاری سروس کے پی کلچر اینڈ ٹورازم اتھارٹی نے ایوی ایشن کے اشتراک سے کیا ہے۔سروس کا افتتاح وزیر اعلیٰ کے مشیر برائے سیاحت زاہد چن زیب نے کیا۔
ہیلی کاپٹر سفاری پیکجز چترال ہوائی اڈے سے شندور ، کالاش ویلی، لواری ٹنل، تیرچ میر چوٹی، اور کاغلشٹ کے خوبصورت میدان کے لیے ہوگی۔ کرایہ 2لاکھ سے شروع ہوکر 7 لاکھ فی مسافر ہے، اور ایک ہیلی کاپٹر میں 4 مسافر ہونگے۔ مثلاً پیکچ نمبر 2 کے تحت صرف 20 منٹ پرواز کے آیکو صرف 2 لاکھ دینے پڑیں گے۔ 🤔

chitraltimes kp govt helli service for tourists

Posted in تازہ ترین, جنرل خبریں, چترال خبریں
89994

ایس آئی ایف کی طرف سے تعمیر شدہ شیلٹرز اپر چترال کے سیلاب اور بارشوں کے متاثرین کے حوالہ کیئے گئے

Posted on

ایس آئی ایف کی طرف سے تعمیر شدہ شیلٹرز اپر چترال کے سیلاب اور بارشوں کے متاثرین کے حوالہ کیئے گئے

اپرچترال ( چترال ٹائمز رپورٹ ) موسمیاتی تبدیلیوں کے سبب رونما ہونے والے مختلف افات نے ضلع اپر چترال کو بے حد متاثر کئے۔ نتیجے کے طور پر بہت سے لوگوں کے رہائش مکانات متاثر ہوئے۔ قدرتی افات کے نتیجے میں متاثرہونے والے افراد کو محفوظ مقامات میں settle کرنے میں مختلف سرکاری اور غیر سرکاری ادارے ضلعی انتظامیہ کے ساتھ ملکر کام کررہے ہیں۔
ایس،ائی،ایف یعنی Secours Islamique France نے اپر چترال میں سیلاب اور بارشوں سے متاثرہ متعدد خاندانوں کے لیے نئے طرز پر شیلٹرز تعمیر کئے ہیں۔ اس سلسلے میں اج نئے تعمیر شدہ شیلٹرز کی باضابطہ حوالگی کے سلسلے میں ایس،ائی،ایف کے زیر اہتمام تقریب منعقد ہوئی۔
اسسٹنٹ کمشنر مستوج شاہ عدنان نے اس تقریب میں بحیثت مہمان خصوصی شرکت کی۔ ان پناہ گاہوں کے قیام سے متاثرین کو اپنے لئے نئے گھر تعمیر ہونے تک سر چھپانے میں مدد ملے گا۔ اسسٹنٹ کمشنر مستوج اور ایس آئی ایف کے پراجیکٹ منیجر غلام محمدنے متاثرین کو ان کے نو تعمیر شدہ پناہ گاہیں حوالے کئے اور انہیں مبارک باد دی۔
اسسٹنٹ کمشنر نے متاثرین کے لئے پناہ گاہیں تعمیر کرنے پر SIF کے کوششوں کو سراہا اور اس امید کا اظہار کیا کہ ایس،ائی،ایف مصیبت کی گھڑی میں متاثرین کی مدد میں ہمیشہ صف اول کا کردار ادا کرے گا۔
اسسٹنٹ کمشنر نے ایس،ائی،ایف کے پراجیکٹ منیجر اور جملہ سٹاف ممبرز کو ضلعی انتظامیہ کی جانب سے ائندہ بھی بھرپور تعاون کا اعادہ کیا۔

chitraltimes sif completed shalters for flod effect 1 chitraltimes sif completed shalters for flod effect 3

Posted in تازہ ترین, چترال خبریں
89985

پرنس رحیم آغا خان کا پاکستان کا پانچ روزہ دورہ مکمل، اخری روز وزیراعظم پاکستان سے ملاقات

Posted on

پرنس رحیم آغا خان کا پاکستان کا پانچ روزہ دورہ مکمل، اخری روز وزیراعظم پاکستان سے ملاقات

 

اسلام آباد(چترال ٹائمزرپورٹ) پرنس  رحیم آغا خان کا دورۂ پاکستان اختتام کو پہنچ گیا۔اپنے دورے کے آخری روزپرنس رحیم آغا خان نے وزیراعظم پاکستان، میاں محمد  شہباز شریف سے اُن کی سرکاری رہائش گاہ ،واقع اسلام آباد ،میں ملاقات کی۔ وزیر اعظم نے پرنس رحیم کا خیرمقدم کرتے ہوئے AKDNکی جانب سے پاکستان کے عوام کی فلاح و بہبود کے لیے کیے جانے والے اقدامات پر اُن کا شکریہ ادا کیا۔ اس کے علاوہ، وزیر اعظم نے قیام پاکستان میں سر سلطان محمد شاہ آغا خان سوم کے کردار کو بھی سراہا۔ پرنس رحیم کے ہمراہ AKFED کے ڈائریکٹر، سلطان علی الانہ اور آغا خان کے سفارتی اُمور کے شعبے کے سربراہ شفیق سچی دینا بھی موجود تھے۔

 

پرنس رحیم حکومت اور AKDNکی قیادت سے ملاقات اور گلگت بلتستان میںAKDNکے نئے منصوبوں کا جائزہ لینےکی غرض سے پاکستان کے پانچ روزہ دورے پر تھے۔اس دوران انہیں پاکستان کے صدر ،  آصف علی زرداری نے ایشیا اور افریقہ جیسے وسائل سے محروم خطوں میں لوگوں کے معیار زندگی کو بہتر بنانے کے لیے انتھک کوششیں کرنے  پرپاکستان کے سب سے بڑے سول ایوارڈ”نشان پاکستان“ سے نوازا۔ یہ ایوارڈ ایسے افراد کو دیا جاتا ہے جنہوں نے پاکستان کے لیے اعلیٰ ترین خدمات انجام دی ہوں۔

 

اعزاز وصول کرنے کے بعد پرنس رحیم نے کہا کہ ”مجھے آغا خان ڈویلپمنٹ نیٹ ورک، اپنےساتھیوں،اپنے عملے اور دیگر اُن بہت سے رضاکاروں کی جانب سے جو پاکستان کے عوام کی زندگیوں کو بہتر بنانے کے لئے انتھک محنت کرتے ہیں, اس طرح کا اعزاز قبول کرنے پر فخر ہے ۔ انہوں نے کہا کہ میں اس عظیم اعزاز پر صدر پاکستان اور حکومت پاکستان کا تہہ دل سے شکریہ ادا کرتا ہوں۔“

 

اس دورے کے دوران پرنس رحیم نے صدر پاکستان  آصف علی زرداری، وزیر اعظم پاکستان میاں محمد شہباز شریف، گورنر گلگت بلتستان ،سید مہدی شاہ، گورنر خیبر پختونخوا ،فیصل کریم کنڈی اور وزیر اعلیٰ گلگت بلتستان ،گلُبر خان سمیت مختلف سرکاری حکام سے ملاقاتیں کیں اور ملک میںAKDNکے منصوبوں سمیت باہمی دلچسپی کے اُمور پرتبادلہ خیال کیا۔

 

8جون کو  پرنس رحیم آغا خان نے ہُنزہ کا دورہ کیا ، جہاں انہوں نے ناصرآباد میں سافٹ ویئر ٹیکنالوجی پارک کا باضابطہ افتتاح کرنے کے علاوہ ڈوئیکر سولر پاور پلانٹ (Duiker Solar Power Plant)کی پیداواری گنجائش میں اضافہ کرنے اور نئے  سولر پلانٹ کی تنصیب کا افتتاح کیا۔ نصیر آباد میں قائم کیا جانے ولا سافٹ ویئر ٹیکنالوجی پارک بجلی کی بلاتعطل فراہمی، تیز رفتار انٹرنیٹ اور چھوٹے اور بڑھتے ہوئے اسٹارٹ اپس، فری لانسرز اور چیمبرز آف کامرس کے لیے کام کرنے کی مشترکہ جگہ(co-working space) فراہم کرے گا۔ سولر انرجی پلانٹ  کا دوسرامرحلہ، جس پر کام شروع ہورہا ہے ، ہنزہ میں تقریبا 20،000 افراد کے لیے بجلی کی فراہمی میں اضافہ کرے گا۔ یہ دونوں منصوبے خطے میں زندگی کے مجموعی معیار کو بڑھانے میں اہم کردار ادا کر رہے ہیں۔

 

بعد ازاں،9جون کو ،پرنس رحیم نے ،گلگت بلتستان میں ایچ بی ایل مائیکرو فنانس بینک (HBL MfB) کے نئے علاقائی ہیڈ کوارٹرکا افتتاح کیا۔ جدید فن تعمیر اور مقامی ثقافتی عناصر کا امتزاج رکھنے والی یہ  نئی عمارت گرین کنسٹرکشن (green construction)اوراعلیٰ تعمیر کے  بین الاقوامی معیاروں پر پورا اترتی ہے اور مضبوطی، جدت اور مقامی کمیونٹی کی ترقی کے لیے بینک کے عزم کو اُجاگر کرتی ہے۔

chitraltimes prince rahim aga khan visit to pakistan concluedes meeting with pm shehbaz 2

Posted in تازہ ترین, جنرل خبریں, چترال خبریں, گلگت بلتستانTagged
89957

مشیر سیاحت کا  چترالی لوک فنکار میرولی، بخت زادہ یوسفزئی کی والدہ، اور ریڈیو اناؤنسر تسکین ظفر کی وفات پر اظہار تعزیت

مشیر سیاحت کا  چترالی لوک فنکار میرولی، بخت زادہ یوسفزئی کی والدہ، اور ریڈیو اناؤنسر تسکین ظفر کی وفات پر اظہار تعزیت

پشاور (چترال ٹائمز رپورٹ) وزیراعلیٰ خیبرپختونخوا کے مشیر برائے سیاحت و ثقافت زاہد چن زیب نے سینئر صحافی بخت زادہ یوسفزئی کی والدہ کی وفات پر گہرے دکھ و افسوس کا اظہار کیا ہے۔ زاہد چن زیب نے چترال کے لوک فنکار میرولی عرف کورا غو ماسٹر اور پی ٹی وی و ریڈیو پاکستان کی معروف اناؤنسر تسکین ظفر کی وفات پر بھی انتہائی افسوس کا اظہار کرتے ہوئے ان فنکاروں کی خدمات پر انہیں خراج عقیدت پیش کیا اور اعتراف کیا کہ یہ دونوں فنکار قومی اثاثہ تھے جنکی خدمات انکے مداح مدتوں یاد رکھیں گے۔ مشیر سیاحت نے تینوں مرحومین کی مغفرت کی دعا کی اور انکے سوگوار خاندانوں سے دلی ہمدردی کا اظہار کیا۔

Posted in تازہ ترین, جنرل خبریں, چترال خبریں
89961

تین روزہ سالانہ شندور پولو فیسٹیول جمعہ 28 جون کو شروع ہوگا،دنیاکی بلندترین پولو گراؤنڈ پر اس شاندار میلے کے انتظامات کو حتمی شکل دی گئی ۔ مشیر سیاحت زاہد چن زیب  

Posted on

تین روزہ سالانہ شندور پولو فیسٹیول جمعہ 28 جون کو شروع ہوگا،دنیاکی بلندترین پولو گراؤنڈ پر اس شاندار میلے کے انتظامات کو حتمی شکل دی گئی ۔ مشیر سیاحت زاہد چن زیب کی زیرصدارت اجلاس

 

shandur ground
پشاور (چترال ٹائمزرپورٹ ) اپر چترال میں تین روزہ سالانہ شندور پولو فیسٹیول جمعہ 28 جون کو شروع ہوگا جس میں وزیراعلی علی امین گنڈاپور بحیثیت مہمان خصوصی شریک ہوں گے جبکہ سطح سمندر سے بارہ ہزار فٹ اونچے دنیا کی سب سے بلند ترین شندور پولو گراؤنڈ پر چترال اور گلگت بلتستان کی پولو ٹیموں کے مابین کھیلے جانیوالے اس عظیم الشان سپورٹس گالا میں دونوں صوبوں کے علاؤہ وفاقی حکومت کی نمائندگی اور غیر ملکی سیاحوں کی بھرپور شرکت بھی متوقع ہے۔

 

 

اس ضمن میں تیاریوں کا جائزہ لینے کیلئے پشاور میں وزیراعلی خیبر پختونخوا کے مشیر برائے سیاحت و ثقافت زاہد چن زیب کی زیرصدارت اہم اجلاس منعقد ہوا جس میں سیکرٹری سیاحت محمد بختیار خان، ڈائریکٹر جنرل کلچر اینڈ ٹورازم اتھارٹی برکت اللہ مروت اور دیگر متعلقہ حکام کے علاؤہ کمشنر مالاکنڈ ڈویژن اور چترال اپر و لوئیر اور دیر بالا کے ڈپٹی کمشنروں، گلگت بلتستان کے ایڈیشنل چیف سیکرٹری، مقامی انتظامی افسران اور سپورٹس حکام نے ان لائن حصہ لیا اور انتظامات کے مختلف پہلوؤں اور تجاویز و سفارشات کا جائزہ لینے کے بعد ضروری فیصلے کئے گئے۔

 

 

زاہد چن زیب نے واضح کیا کہ پی ٹی آئی کی موجودہ حکومت عمران خان کے ویژن کے مطابق سیاحت کی ترقی پر خصوصی توجہ دے رہی ہے اور شندور پولو فیسٹیول کا بہترین اور کامیابی سے انعقاد نہ صرف محکمہ سیاحت بلکہ پوری صوبائی حکومت اور انتظامیہ کیلئے ٹیسٹ کیس ہے۔ انہوں نے کہا کہ اس شاندار میلے کے آغاز سے پہلے ہی متعلقہ تمام شاہراہوں کی کلیئرنس، سیکورٹی، اشیائے خوردونوش اور پٹرول پمپس پر فیول کی معیاری اور وافر مقدار میں دستیابی متعلقہ حکام اور اداروں کا اولین فرض ہے جس میں ذرہ بھر کوتاہی برداشت نہیں کی جائے گی۔

 

chitraltimes shandur festival 2023 first day 9

مشیر سیاحت نے متعلقہ ڈپٹی کمشنرز کو یہ بھی ہدایت کی کہ پولو ٹورنامنٹ میں حصہ لینے والی ٹیموں کے کھلاڑیوں اور مقامی لوگوں و زعماء سے الگ الگ ملاقاتیں کرکے انہیں انتہائی خوشگوار ماحول کے ساتھ اعتماد میں لیں تاکہ وہ سب فیسٹیول کو ہر لحاظ سے کامیاب بنانے میں عملی طور پر شریک ہوں۔ انہوں نے کھلاڑیوں کیلئے شرٹس پر بہترین لوگو لگانے کی ہدایت بھی کی تاکہ محکمہ سیاحت و ثقافت کی عمدگی سے برانڈنگ ہو اور صوبے میں سیاحت خوب پھلے پھولے اور ملکی و غیر ملکی سیاحوں میں اضافے کے سبب صوبہ کی آمدن بالخصوص زرمبادلہ کمانے کے وسائل بھی مسلسل بڑھنا شروع ہوں۔

 

 

اسی طرح فیسٹول کے اطراف میں واش رومز، ابنوشی اور صحت و صفائی کے بہترین انتظامات بھی ناگزیر ہیں۔ اس موقع پر حکام نے مشیر سیاحت کو شندور پولو فیسٹیول کے کامیابی سے انعقاد کیلئے آپنی بھرپور صلاحیتوں کے ساتھ دن رات محنت کرنے کا یقین دلایا اور واضح کیا کہ وہ کسی بھی مرحلے پر صوبائی حکومت کو مایوس نہیں کریں گے کیونکہ سیاحت کی ترقی سے صوبہ کی خوشحالی بھی جڑی ہے۔

 

 

Posted in تازہ ترین, جنرل خبریں, چترال خبریں
89953

چترال میں کلائمیٹ چینچ کے بعد سب سے بڑا مسئلہ ویمن ایمپاورمنٹ کا ہے۔ غزالہ انجم 

Posted on

چترال میں کلائمیٹ چینچ کے بعد سب سے بڑا مسئلہ ویمن ایمپاورمنٹ کا ہے۔ غزالہ انجم

چترال(چترال ٹائمزرپورٹ )صنفی بنیادوں پر مخصوص ضروریات اور تقاضوں کو سامنے رکھ کر پلاننگ اور بجٹ سازی اور اس کے نتیجے میں سالانہ ترقیاتی پروگرام ترتیب دینے سے صنفی محرومیوں کا بڑی حد تک ازالہ ہو سکتا ہے۔ آغا خان رورل سپورٹ پروگرام کے زیراہتمام متعلقہ محکمہ جات کے اسٹاف کے لئے اس موضوع پر چترال کے مقامی ہوٹل میں سہ روزہ تربیتی ورکشاپ میں اس بات پر زور دیا گیا کہ پلاننگ، بجٹ سازی اور اے ڈی پی بناتے وقت صنفی ضروریات کو بھی شامل کئے جائیں ۔ورکشاپ میں سرکاری ،غیرسرکاری اداروں اورسول سوسائٹی کے ذمہ دار خواتین و حضرات نے کثیرتعداد میں شرکت کی ۔

 

اختتامی تقریب کے مہمان خصوصی ممبرقومی اسمبلی غزالہ انجم نے خطاب کرتے ہوئے کہاکہ اس وقت چترال کے زرخیزدماغ والوں کے درمیان بیٹھی ہوں جوکہ پبلک اورگورنمنٹ سیکٹرمیں ا ہم رول اداکررہے ہیں اس وقت یقینا ً چترال میں خواتین بہت سے مسائل کاشکارہیں جس میں سب سے بڑامسئلہ ویمن ایمپاورمنٹ ہے کہ ہم خواتین کوکیسے بااختیارکرسکیں۔چترال میں کلائمیٹ چینج کے بعدخواتین کوبہت سےتکالیف کاسامناکرناپڑرہاہے یہاں کے خواتین کازیادہ ترذریعہ معاش زراعت سے وابستہ ہیں اُن لوگوں کوہم کیسے زیادہ سے زیادہ سہولیات دے سکتے ہیں اُن کے معیارزندگی کوبہتر بنانے کے لئے لائحہ عمل کرنے کی ضرورت ہے۔اس سلسلے میں جوذمہ داریاں مجھے دی گئی ہے انشاء اللہ تعالیٰ میں اُن کوپارلیمنٹ کے ہرفورم پرجہاں میری آواز پہنچتی ہے اُٹھاؤں گی ۔انھوں نے خواتین کو بااختیار بنانے میں کردار ادا کرنے پر اے۔کے۔ار۔ایس۔پی کی کاوشوں کو سراہا۔

 

اس موقع پرپروگرام سہولت کار مقصودخان،پروگرام منیجرگلگت بلتستان منیرہ شائین،سول سوسائٹی منیجرچترال شائستہ جبین،سول سوسائٹی افیسرلوئرچترال کاشف علی،حناء،سابق آرپی ایم آکاہ محمدکرام ، سابق جی ایم این سی ایچ ڈی چترال محمدافضل ،نیازاے نیازی ایڈوکیٹ اوردوسروں نے کہاکہ اے کے آرایس پی چترال میں کینیڈین حکومت کی مالی معاونت سے خواتین کو زندگی کے تمام شعبوں میں بااختیار بنانے کے لئے ان کو درپیش معاشی ،معاشرتی مسائل حل کرنے، بجٹ اورفیصلہ سازی میں شامل کرنے سیاسی نوعیت کے مسائل کا مکمل ادراک کرنے اور ان کی حل کے لئے طویل المدتی بنیادوں پر تجاویز مرتب کرنے کی بھرپورکوشش کررہے ہیں ۔ پروگرام کے آخرمیں شرکاء ورکشاپ میں میں تعریفی اسناد تقسیم کیاگیا۔

chitraltimes women empowerment workshop akrsp 1 chitraltimes women empowerment workshop akrsp 5

chitraltimes women empowerment workshop akrsp 4

chitraltimes women empowerment workshop akrsp 2

Posted in تازہ ترین, چترال خبریں
89946

گورنمنٹ سنٹینل ماڈل سکول چترال کے پرنسپل فضل سبحان کا تبالہ فورا منسوخ کیا جائے۔ پی ٹی سی  قرارداد 

Posted on

گورنمنٹ سنٹینل ماڈل سکول چترال کے پرنسپل فضل سبحان کا تبالہ فورا منسوخ کیا جائے۔ پی ٹی سی  قرارداد

چترال ( چترال ٹائمزرپورت ) پرینٹز ٹیچرز کونسل (PTC) گورنمنٹ سنٹینل ماڈل سکول چترال کا اجلاس زیر صدرات مولانا اسرار الدین الہلال ممبر PTC منعقد ہوا۔ اجلاس میں مولانا اسرارالدین کے علاوہ الطاف حسین(ممبر) حسین احمد (ممبر) ، رحمت (ممبر) جبکہ چترال میں موجود نہ ہونے کی وجہ سے چیئرمین رفیع اللہ نے آن لائن میٹنگ میں شرکت کی۔

 

اجلاس کا واحد ایجنڈا موجودہ پرنسپل فضل سبحان کی اچانک اور بے وقت تبدیلی پر غور کرنا تھا۔ اجلاس اس امر پر اتفاق رائے پایا گیا کہ فضل سبحان نے اپنی تقرری سے لیکر اب تک جس جانفشانی سے سکول کی تعمیر وترقی میں کردار ادا کیا،وہ اس سے قبل دیکھنے میں نہیں آیا۔ بحیثیت پرنسپل سکول کو چترال کے بڑے بڑے نامور سکولوں کے صف میں کھڑا کیاجب کہ اس سے قبل سکول کا معیار اس سطح پر نہیں تھا۔ فضل سبحان نے بحیثیت پرنسپل نہ صرف کوالٹی ایجوکشن کو یقینی بنایا بلکہ مختلف غیر سرکاری اداروں اور سرکاری اداروں کے ساتھ رابط کاری کو بھی یقینی بنایا۔

 

سکول کو مالی طور پر مستحکم کیا۔ سکول کی تزئیں آرائش کے ساتھ ساتھ کمپیوٹر لیب، سائنس لیبارٹری، لائبری، نصابی اور غیر نصابی سرگرمیوں اور طالب علموں کے لئے تجرباتی دوروں کو رواج دیا،جو اس سے قبل سکول ھٰذا میں ناپید تھے۔ سکول میں enrolmentکو بہتر بنایا، حاضری کی شرح کو 100 فیصد تک لے کر گیا، غریب اور نادار طالب علموں کے بورڈنگ کی قیام اور امداد کانظام بنایا۔ اس کے ساتھ ساتھ مستقبل میں سکول کو مزید مستحکم اور بہتر بنانے کے لئے کمیونٹی کی شمولیت بھی یقنی بنائی اور تمام سٹیک ہولڈوروں کی آراء سے سکول کے لئے منصوبہ بندی جیسے کاموں کی بنیاد رکھی۔ اسوقت ایسے بہت سارے منصوبے Pipeline میں ہیں جن پر عملدرآمد سے سکول ایک مثالی سکول بن سکتا ہے۔

 

کونسل نے اس امر پر خدشات کااظہار کیا کہ اس وقت موجودہ پرنسپل کی تبدیلی ان تمام منصوبوں کو جو سکول کو بہتر سے بہتر بنانے کے لئے تر تیب دئے گئے ہیں، سب کے سب ادھورے رہ جائیں گے اور ان منصوبوں پر عملدرآمد نہں ہوسکے گا۔ طویل گفتگو کے بعد اجلاس نے متفقہ طور پر قرار داد منظور کر کے مطالبہ کر تا ہے کہ ڈپٹی کمشنر چترال بلا تاخیر سیکرٹری ایجوکشن اور ڈائریکٹر ایجوکشن سے رابطہ کر کے موجودہ پرنسپل فضل سبحان کے تبادلے کو منسوخ کرائیں تا کہ ان تمام منصوبوں پر عملدر آمد مکمل ہوسکے۔

سیکرٹری ایجوکشن اور ڈائریکٹر ایجوکشن سے مطالبہ ہے کہ سکول ہذا اور غریب بچوں کے بہترین مفاد میں پرنسپل کا تبادلہ منسوخ کیا جائے-۔
اجلاس دعا کے ساتھ اختتام پذیر ہوا۔

 

Posted in تازہ ترین, چترال خبریں
89944

گورنمنٹ سینٹنل ماڈل سکول چترال کے پرنسپل کا تبادلہ، پی ٹی سی چیئرمین اور طلباء کی طرف سے ٹرانسفر آرڈر فی الفور منسوخ کرنے کا مطالبہ

Posted on

گورنمنٹ سینٹنل ماڈل سکول چترال کے پرنسپل کا تبادلہ، پی ٹی سی چیئرمین اور طلباء کی طرف سے ٹرانسفر آرڈر فی الفور منسوخ کرنے کا مطالبہ

چترال (نمائندہ چترال ٹائمز) گورنمنٹ سینٹینل ماڈل سکول چترال کے پیرنٹ ٹیچر کونسل (پی ٹی سی) کے چیرمین رفیع اللہ نے پرنسپل فضل سبحان کو ٹینور پورا ہونے سے پہلے سکول سے تبادلے کو یکسر مسترد کرتے ہوئے وزیر اعلیٰ خیبر پختونخوا سے پرزور مطالبہ کیا ہے کہ اس ٹرانسفر آرڈر کو فی الفور منسوخ کیا جائے جس کا کوئی جواز نہیں بنتا ہے جبکہ یہ بات روز روشن کی طرح حقیقت ہے کہ موجود ہ پرنسپل نے سکول میں انقلابی تبدیلیاں لائی تھی۔ مقامی میڈیا سے گفتگو کرتے ہوئے انہوں نے کہاکہ والدین کو محکمہ تعلیم کا یہ فیصلہ بالکل قبول نہیں ہے کیونکہ موجودہ پرنسپل کی بہترین کارکردگی کی وجہ سے سکول پر والدین کا اعتماد بڑھ گیا تھا اور لوگ اب پبلک سکولوں سے اپنے بچوں کو جوق درجوق اس سکول میں داخل کررہے تھے۔ انہوں نے کہاکہ اس نازک وقت میں سکول کے پرنسپل کو ٹرانسفر کرنا طلباء کے ساتھ دشمنی سے کم نہیں ہے کیونکہ نیا اکیڈیمک سال کے شروع میں سکول کو بغیر کسی پرنسپل کے چھوڑ دینا کوئی دانشمندی نہیں ہے کیونکہ فضل سبحا ن دروش کے ریجنل پروفیشنل ڈیویلپمنٹ سنٹر (آرپی ڈی سی) تبدیل کرنے کے بعد یہاں اسامی کو خالی چھوڑ دیا گیا ہے۔ انہوں نے محکمہ تعلیم کے اعلیٰ حکام کے فیصلے پر افسوس کا اظہار کرتے ہوئے کہاکہ دروش کے آر پی ڈی سی کی بجائے ٹیچنک کیڈر کی اس فعال افسر کی ذیادہ ضرورت سکول میں ہے لیکن زمینی حقائق دیکھے بغیر تبادلے آرڈر جاری کئے گئے۔

 

دریں اثنا سینٹیل سکول کے طلباء نے گزشتہ روز چترال پریس کلب کے سامنے اجتجاجی مظاہرہ کیا اور پرنپسل کے تبالے کی فوری طور پر منسوخ کرنے کا مطالبہ کیا۔ طالب علم رہنماؤں کا کہنا تھاکہ ڈیڑھ سال قبل فضل سبحان نے سکول کا چارج لے کر سکول کی حالت بدل دی تھی اور والدین پرائیویٹ سکولوں سے اپنے بچوں کو اٹھا کر یہاں داخل کررہے تھے۔ا نہوں نے پرنسپل کے بے وقت تبادلے کو سکول کے خلاف سازش قرار دیتے ہوئے کہاکہ یہ فیصلہ سکول کے طلباء کے ساتھ کھلی دشمنی ہے جبکہ پرنسپل کے تبادلے کی خبر سے سکول کے طالب علموں میں مایوسی اور غم پھیل گئی ہے جوان کی زندگیوں کو سنوارنے کا کام شروع کیا تھاجبکہ اپنی جیب سے نادار اور غریب بچوں کی کفالت بھی کررہے تھے۔ انہوں نے کہاکہ سکول کے تمام طلباء پرنسپل کے تبادلے کی منسوخی کا مطالبہ کررہے ہیں۔

chitraltimes gcmhs students protest for principal transfer

Posted in تازہ ترین, چترال خبریں
89931

چترال کے روڈ منصوبوں کو بجٹ سے نکالنا انتہائی افسوسناک ہے، ان کو دوبارہ شامل کرنے کی کوشش کروں گا، شہزادہ افتخارالدین

Posted on

چترال کے روڈ منصوبوں کو بجٹ سے نکالنا انتہائی افسوسناک ہے، ان کو دوبارہ شامل کرنے کی کوشش کروں گا، شہزادہ افتخارالدین

چترال ( نمائندہ چترال ٹائمز ) چترال کے سابق ایم این اے شہزادہ افتخارالدین نے چترال کے مختلف روڈ پراجیکٹس کو بجٹ سے نکالنے کے حوالے سے انتہائی تشویش کا اظہار کرتے ہوئے کہا ہے کہ بونی بوزند روڈ کو میرے والد محترم نے اُس وقت بجٹ میں شامل کرکے ۲۸ کروڑ روپے اس کے لئے منظور کرائے تھے جبکہ بعد ازان میں نے اسکی بجٹ بڑھاکر ایک آرب گیارہ کروڑ روپے کروادیا تھا۔ اسی طرح چترال بونی مستوج شندور روڈ، چترال گرم چشمہ روڈ اور کالاش ویلی روڈز کو بھی میں نے ایکنیک سے منظور کرواکر بجٹ میں شامل کردیا تھا، اب بدقسمتی سے ان سڑکوں کو بجٹ سے نکالنے کی باتیں ہورہی ہیں، جوکہ افسوسناک ہے، کیونکہ ان سڑکوں کی تعمیر چترال کے عوام خصوصا میرے خاندان کے ایک خواب تھے۔جوکہ چکناچور ہوگئے ہیں۔ چترال ٹائمز سے گفتگو کرتے ہوئے افتخارالدین نے کہا کہ میں ان منصوبوں کو دوبارہ بجٹ میں شامل کرنے کی ہر ممکن کوشش کروں گا، اور میاں نواز شریف کے نوٹس میں یہ بات لاوں گا کہ ان منصوبوں کو ختم کرنے سے چترال کے عوام کو انتہائی نقصان کا سامنا کرنا ہوگا،

Posted in تازہ ترین, جنرل خبریں, چترال خبریں
89917

پرنس رحیم آغا خان نے ناصر آباد ،ہُنزہ میں نئے سافٹ ویئر ٹیکنالوجی پارک کا افتتاح کر دیا

پرنس رحیم آغا خان نے ناصر آباد ،ہُنزہ میں نئے سافٹ ویئر ٹیکنالوجی پارک کا افتتاح کر دیا

ناصرآباد، ہُنزہ(چترال ٹائمزرپورٹ ) اسپیشل کمیونیکیشن آرگنائزیشن (SCO) ، وزارت انفارمیشن ٹیکنالوجی اینڈ ٹیلی کام، حکومت پاکستان اور آغا خان فاؤنڈیشن، پاکستان (AKF,P) کے درمیان شراکت کے ذریعے، ناصر آباد، ہنزہ میں قائم کردہ نیا سافٹ ویئر ٹیکنالوجی پارک، گلگت بلتستان (GB) کی پائیدار ترقی میں مدد فراہم کرنے کے ساتھ علاقے میں بجلی کی بلاتعطل فراہمی، تیز رفتار انٹرنیٹ ،چھوٹے اور ترقی کرتے ہوئے اسٹارٹ اپس، فری لانسرز اور چیمبرز آف کامرس کے لیے کام کرنے کی جگہ (co-working space) فراہم کرے گا۔

 

ناصر آباد سافٹ ویئر ٹیکنالوجی پارک مرکزی وسائل کی فراہمی کے لیے hub-and-spoke ماڈل کے طور پر کام کرے گا اور خطے کے انتہائی دور دراز علاقوں میں آئی ٹی کی دیگر سہولیات کو منسلک کرنے میں مدددے گا۔ اس طرح فاصلاتی تعلیم، انٹرپرینیورشپ ، کیریئر کونسلنگ اور ڈیجیٹل اسکلز ڈیولپمنٹ تک رسائی میں اضافہ ہوگا، جبکہ فری لانس کاروبار کےذرائع بھی پیدا ہوں گے۔ افتتاحی تقریب کے موقع پر اسپیشل کمیونیکیشن آرگنائزیشن کے ڈائریکٹر جنرل ،میجر جنرل عمر احمد شاہ کے علاوہ آغا خان فنڈ فار اکنامک ڈیولپمنٹ کے ڈائریکٹر اور حبیب بینک لمیٹڈ کے چیئرمین، سلطان علی الانہ، اسماعیلی کونسل برائے پاکستان کے صدر ، نزار میوہ والا اور آغا خان فاؤنڈیشن ،پاکستان کے چیف ایگزیکٹو آفیسر اختر اقبال بھی موجود تھے۔

 

chitraltimes prince rahim aga khan inaugurated digital park in hunza

 

اس موقع پراپنی امیدوں کا اظہار کرتے ہوئے چیئرمین سلطان علی الانا نے کہا کہ ”نیا سافٹ ویئر ٹیکنالوجی پارک خطے کی معیشت کو مضبوط کرے گا: اس نئی سہولت کےذریعے صارفین پاکستان اور دنیا بھر کےکاروبار ی اداروں کے ساتھ قابل بھروسہ انداز میں منسلک ہوں گے۔ اس کے علاوہ ، اس سے قومی اور بین الاقوامی سطح پر بہت سے مواقع میسر آئیں گے، جدت طرازی کو فروغ ملے گا، نئے کاروباری نیٹ ورکس کی تخلیق میں مدد ملے گی اور خطے میں معاشی ترقی کو فروغ ملے گا۔“

 

میجر جنرل عمر احمد شاہ نے آغا خان ڈیویلپمنٹ نیٹ ورک کا شکریہ ادا کرتے ہوئے کہا کہ ” اسپیشل کمیونیکیشن آرگنائزیشن (SCO)کا ویژن 2025 پائیدار آئی ٹی ماحول کی فراہمی کے ذریعے نوجوانوں کو بااختیار بنانے پر مرکوز ہے۔ ہم آزاد جموں و کشمیر اور گلگت بلتستان میں آئی ٹی اور فری لانسنگ ہب (FLH) کو تیزی سے توسیع دینے کے لیے پرعزم ہیں۔ یہ اقدام ہمارے نوجوانوں کی صلاحیتوں کو بروئے کار لاتا ہے، روزگار کے مواقع پیدا کرتا ہے اور غیر ملکی ترسیلات زر میں اضافہ کرتا ہے۔ تبدیل شدہ آئی ٹی منظرنامہ خطے کی سماجی و اقتصادی ترقی میں مدد کر رہا ہے کیونکہ نوجوان ان علاقوں کی مجموعی ترقی اور خوشحالی میں فعال طور پر حصہ لے رہے ہیں۔“

اس اقدام کی اہمیت کے بارے میں بات کرتے ہوئے آغا خان فاؤنڈیشن ، پاکستان کے چیف ایگزیکٹو آفیسر، اختر اقبال نے کہا کہ ”گلگت بلتستان میں پاکستان کی سافٹ ویئر کمپنیوں کا مرکز بننے کی زبردست صلاحیت موجود ہے۔ تیز رفتار انٹرنیٹ، 24 گھنٹے بجلی کی فراہمی، کام کرنے کی جگہیں(co-working spaces) اور ایک پرکشش جغرافیائی محل وقوع تک رسائی کے ساتھ، یہ قومی اور بین الاقوامی ٹیکنالوجی کمپنیوں اور ڈیجیٹل سہولتوں کے متلاشیوں کو راغب کرے گا جو ملک کی معیشت پر اہم اورفائدہ مند اثرات مرتب کرسکتے ہیں۔“

chitraltimes prince rahim aga khan inaugurated digital park in hunza

 

 

 

Posted in تازہ ترین, جنرل خبریں, چترال خبریں, گلگت بلتستان
89909

چترال سے برنس گاؤں تک زیر تعمیر چترال شندور روڈکے پہلے فیزمیں تارکول بچھانےکا کام شروع کردیا گیا

چترال سے برنس گاؤں تک زیر تعمیر چترال شندور روڈکے پہلے فیزمیں تارکول بچھانےکا کام شروع کردیا گیا

چترال (نمائندہ چترال ٹائمز)چترال شہر سے برنس گاؤں تک زیر تعمیر چترال شندور روڈکے پہلے فیزمیں تارکول بچھانے کے کام کا آغاز ہفتے کے دن راغ لشٹ کے مقام سے کیا گیا جس سے پہلے موری لشٹ کے قریب قائم اسفالٹ پلانٹ کی ٹیسٹنگ کامیاب ہوئی تھی۔ سائٹ پر موجود نیشنل ہائی وے اتھارٹی (این ایچ اے) کے پراجیکٹ ڈائرکٹر انجینئر ظہیر الدین نے میڈیا کو بتایاکہ بلیک ٹاپنگ کا کام جدید مشینری کے ذریعے شروع کردی گئی ہے اور تمام لیول کردہ مقامات پر روزانہ 500میٹر سے لے کر 800 میٹر تک کے حساب سے تارکول بچھانے کاکام جاری رکھا جائے گا۔

 

انہوں نے کہاکہ این ایچ اے کی طرف سے کام کی معیار پر کڑی نگرانی رکھنے کے لئے ذمہ دار افسران ہر وقت سائٹ پرموجود رہیں گے۔ دریں اثناء کئی سالوں کی انتظار کے بعد سڑک کی پختگی سے مقامی لوگوں نے خوشی کا اظہار کیا ہے۔ راغ لشٹ کے مقام سے گزرنے والے اپر چترال کے باشندوں نے کام کی معیار پر اطمینا ن کا اظہار کیا ہے۔ ڈپٹی کمشنر لویر چترال محمد عمران خان بھی سائٹ کا دورہ کیا اور کام کی معیار کو چیک کرنے کے بعد اطمینان کا اظہار کیا اور موقع پر موجود این ایچ اے کے حکام کو سختی سے ہدایت کی کہ کام کی کوالٹی کو ہر صورت برقرار رکھا جائے جس پر کوئی سمجھوتہ نہیں کیا جائے گا۔

درین اثناء چترال ڈویلپمنٹ مومنٹ کے چیرمین وقاص احمد ایڈوکیٹ نے چترال شندور روڈ کی بلیک ٹاپنگ کے کام کا خیرمقدم کرتے ہوئے اس امید کا اظہار کیا ہے کہ اس کا م کو تعطل لائے بغیر مطلوبہ معیار کے ساتھ جاری رکھا جائے گا۔ ایک اخباری بیان میں انہوں نے کہا ہے کہ اپر چترال اور کوہ یونین کونسل کے عوام کے لئے یہ خوشی کا دن ہے جوکہ کئی سالوں سے اس دن کا انتظارکررہے تھے۔

chitral booni mastuj shandur road asfalt plant started 2

Posted in تازہ ترین, چترال خبریں
89896

چترالی موسیقی کی دنیا کا بے تاج بادشاہ میرولی المعروف کوراغو ماسٹر سپرد خاک  

Posted on

چترالی موسیقی کی دنیا کا بے تاج بادشاہ میرولی المعروف کوراغو ماسٹر سپرد خاک

چترال (نمائندہ چترال ٹائمز) چترالی موسیقی کی دنیا کا بے تاج بادشاہ میرولی چترال اور گلگت بلتستان میں اپنے سینکڑوں ہزاروں مداحو ں کو افسردہ چھوڑ کر راہی ملک عدم ہوگئے جسے ہفتے کے روز اپر چترال میں ان کے آبائی گاؤں کوراغ میں سپرد خاک کردئیے گئے۔ کوراغو ماسٹر کے نام سے مشہور آواز کا جادو جگانے والے گلوکار1970ء کے عشرے میں اپنی مقبولیت کی انتہائی چوٹی پر پہنچ چکے تھے اور اپنی مخصوص انداز میں کھوار زبان کے پرانوں گانوں سے ہزاروں دلوں کو اپنا بنا لیا تھا۔ ثقافتی محفلوں کی جان بننے والے یہ عظیم گلوکار سات دہائیوں تک لو ک موسیقی کی دنیا پر راج کرتا رہا اور گانے کے ساتھ ساتھ چترال اور گلگت بلتستان کی معروف آلہ موسیقی ستار بجانے میں بھی اپنی مثال آپ تھے جوکہ ان کی آواز کے پس منظر میں سامعین کے کانوں میں رس گھولتا ہوا معلو م ہوتا تھا۔

 

ماسٹر میر ولی کھوار زبان کی کلاسیکل گانوں میں ایک اتھارٹی سمجھاجاتا تھا جبکہ چترال کے معروف لوک دھن نان دوشی کو گانے میں انہیں ملکہ حاصل تھا اور نان دوشی گانے میں وہ شہرت حاصل کرچکے تھے۔ چترال کی ادبی اور ثقافتی حلقوں نے ماسٹر میر ولی کے انتقال کو کھوار موسیقی کے لئے نقصان قرار دیا ہے جسے پورا کرنا مشکل ہے۔ چترال یونیورسٹی میں انگریزی ادب کے استاذ اور انجمن ترقی کھوار کے جنرل سیکرٹری پروفیسر ظہورا لحق دانش نے ماسٹر میرولی کی وفات پر اظہار افسوس کرتے ہوئے کہاکہ کھوار موسیقی کی آسمان پر یہ جگمگاتا ستارہ اپنے مداحوں کی دلوں پر راج کرتا رہے گا اورتاریخ میں وہ امر ہوگئے۔ کھوار کے معروف گلوکار منصور شباب نے ماسٹر میر ولی کو شاندار الفاظ میں خراج تحسین پیش کیا ہے۔

Posted in تازہ ترین, چترال خبریں
89893

مجھے آغا خان ڈیویلپمنٹ نیٹ ورک، اپنے ساتھیوں، اپنے عملے اور دیگر بہت سے رضاکاروں کی جانب سے یہ اعزاز قبول کرنے پر بے حدفخر ہے۔ پرنس رحیم آغا خان

Posted on

مجھے آغا خان ڈیویلپمنٹ نیٹ ورک، اپنے ساتھیوں، اپنے عملے اور دیگر بہت سے رضاکاروں کی جانب سے یہ اعزاز قبول کرنے پر بے حدفخر ہے۔ پرنس رحیم آغا خان

 

پرنس رحیم آغا خان کو پاکستان کےسب سے بڑے سول اعزاز ’نشانِ پاکستان‘سے نوازا گیا

اسلام آباد،(چترال ٹائمزرپورٹ ) آج اسلامی جمہوریہ پاکستان کےصدر ، آصف علی زرداری کی جانب سےپرنس رحیم آغا خان کو ملک کے سب سے بڑے سول ایوارڈ ’نشانِ پاکستان‘سے نواز اہے۔ ایوارڈ کی تقریب صدر کی سرکاری رہائش گاہ ایوان صدر،اسلام آباد میں منعقد ہوئی۔یہ ایوارڈ ایسے افراد کو دیا جاتا ہے جنہوں نے پاکستان کے لیے اعلیٰ ترین خدمات انجام دی ہوں۔ پرنس رحیم آغا خان قابل تجدید توانائی، مائیکرو فنانس اور انفارمیشن ٹیکنالوجی میں AKDNکے منصوبوں کا جائزہ لینے ،سرکاری حکام اورAKDNکے عہدیداروں کے علاوہ اسماعیلی برادری کے دیگر رہنماؤں سے ملاقاتوں کے لیے پاکستان کے دورے پرہیں۔

ایوارڈسے نوازنے کی تقریب میں آغا خان فنڈ فار اکنامک ڈیویلپمنٹ(AKFED) کی ایگزیکٹو کمیٹی کے چیئرمین اور آغا خان ڈیویلپمنٹ نیٹ ورک کی ماحولیات اور موسمیاتی کمیٹی کے چیئرمین کی حیثیت سے پرنس رحیم کے کردار کا ذکر کا حوالہ دیتے ہوئے بتایا گیا :

”پرنس رحیم آغا خان نے آغا خان ڈیویلپمنٹ نیٹ ورک میں ، متعدد شعبوں، اپنی قیادت کے ذریعے ایک چوتھائی صدی سے بھی زائد عرصہ کے لیے اپنی انتھک کوششیں وقف کی ہیں جن کا مقصد ایشیا اور افریقہ کے وسائل سے محروم خطوں میں لوگوں کےمعیار زندگی کو بہتر بنانا ہے۔ غریب اور پسماندہ طبقات کی معاشی، طبی، تعلیمی اور ثقافتی فلاح و بہبود پر اثر انداز ہونے والے اقدامات کو ترقی پذیر اور دور حاضر کی ضروریات کے مطابق بنانے میں اُن کی ذاتی مصروفیت ایک کثیر نسلی میراث کو برقرار رکھتا ہے جس کی ابتدا ،پاکستان کی تخلیق کے ساتھ ساتھ ہوئی ہے۔“

’نشانِ پاکستان‘ حاصل کرنے پر پرنس رحیم نے کہا کہ ”مجھے آغا خان ڈیویلپمنٹ نیٹ ورک، اپنے ساتھیوں، اپنے عملے اور دیگر بہت سے رضاکاروں کی جانب سے یہ اعزاز قبول کرنے پر بے حدفخر ہے جو پاکستان کے عوام کی زندگیوں کو بہتر بنانے کے لیے انتھک محنت کررہے ہیں۔ میں صدر پاکستان اور حکومت پاکستان کا تہہ دل سے شکریہ ادا کرتا ہوں کہ انہوں نے مجھے اس غیرمعمولی اعزاز سے نوازا۔“

آغا خان ڈیویلپمنٹ نیٹ ورک کے بانی اور چیئرمین ،ہز ہائنس دی آغا خان کو بھی یہ ایوارڈ سنہ 1983 ء میں ،پاکستان اورمجموعی طور پر مسلم اُمّہ اور ترقی پذیر دنیا میں اپنی سماجی اور اقتصادی فلاحی سرگرمیوں کے اعتراف کے طور پر دیا جا چکا ہے۔ ماضی میں اس ایوارڈ کوحاصل کرنے والی شخصیات میں جنوبی افریقہ کے پہلے جمہوری منتخب صدر ،نیلسن منڈیلا اور ملکہ الزبتھ دوم جیسے دیگر عالمی رہنما بھی شامل ہیں۔

chitraltimes prince rahim aga khan received pakistan award 2 chitraltimes prince rahim aga khan received pakistan award 3

Posted in تازہ ترین, جنرل خبریں, چترال خبریں, گلگت بلتستان
89874

مستوج بروغل روڈ کی تعمیرکے مطالبے کو شندور فیسٹول کے موقع پر سپاسنامے میں سرفہرست رکھا جائے۔۔علاقے کے عوام کا مشترکہ مطالبہ 

مستوج بروغل روڈ کی تعمیرکے مطالبے کو شندور فیسٹول کے موقع پر سپاسنامے میں سرفہرست رکھا جائے۔۔علاقے کے عوام کا مشترکہ مطالبہ

چترال (نمائندہ چترال ٹائمز ) مستوج بروغل روڈ تحریک کے ذمہ داران نے مستوج سے بروغل تک 114 دیہات کے 153 کلومیٹر روڈ کی تعمیرکے مطالبے کو شندور فیسٹیول کے موقع پر پیش کئے جانے والے سپاسنامے میں سرفہرست رکھنے کامطالبہ کردیا۔مستوج کے مقام پر تحریک کے صدر سید مختارعلی شاہ ایڈوکیٹ کے زیر  اہتمام اجلاس میں سابق یوسی،ناظم،محمدوزیرخان،سابق منیجرنیشنل بینک شیرنادرخان،یوتھ کونسلرمحمدعلی ،سابق یوسی ناظم یارخون رحمت ولی خان،سیدبلبل علی شاہ، عمادالدین،وزیرپناہ ،دولت بیگ،جاجی کمال ،عاقب الدین،سابق کونسلرسیداحمدحسین شاہ، عزیزاحمد، محمدکریم شاہ اوردوسروں نے اس بات پر زور دیا کہ اس علاقے کے لئے روڈ پراجیکٹ موت وحیات کا درجہ رکھتا ہے اور اسے شندور فیسٹیول کے فائنل میں مہمان خصوصی کو پیش کئے جانے والے سپاسنامہ کے ٹاپ پر نہ رکھنے پر عوام کو شدید مایوسی ہوگی۔

انہوں نے کہا کہ پاکستان کے شمال مغرب میں چین،افغانستان اور تاجکستان سے ملانے والی یہ اہم شاہراہِ ملکی دفاع،بین الاقوامی تجارت اور یہاں کے مقامی لوگوں کے روزمرہ زندگی کے حوالے سے بہت زیادہ اہمیت رکھتا ہے۔ قدرتی حسن سے مالامال مستوج سے بروغل تک کا علاقہ ہر لحاظ سے اہمیت کا حامل ہے جہاں معدنیات،لائیواسٹاک،قدیم ثقافت اورزراعت کے تمام مواقع موجود ہے۔ انہوں نے کہا کہ مقامی سطح پر اعلیٰ کوالٹی کے پھلوں اور سبزیوں کی پیداوار کا90فی صد خراب سڑکوں کے پیش نظر بروقت منڈیوں تک رسائی نہ ہونے کی وجہ سے ضائع ہو جاتےہیں۔ باقی 10 فیصد حصہ مجبوراً سستے داموں فروخت کردیاجاتاہے ۔ انہوں نے کہاکہ ہر سال اس روڈ پر درجنوں گاڑیاں حادثے کا شکارہوجاتے ہیں۔جس سے بہت سے لوگ ا پنے قیمتی جانوں سے ہاتھ دھو بیٹھتے ہیں۔ یہاں جب کسی کے گھر میں کوئی اچانک بیماری یا ڈیلیوری کا کوئی کیس ہو جاتا ہے تو اسے مستوج یا بونی پہنچانے کے لیے طویل سفر طے کرنا پڑتا ہےذیادہ تر مریض راستے میں ہی دم توڑتے ہیں۔

انہوں نے کہاکہ بروغل پاس سے لے کر مستوج تک یہ علاقہ ایک تاریخی اہمیت کا حامل ہے اور زمانہ قدیم میں سنٹرل ایشیاء سے سفر حج کے قافلے بھی یہیں سے گزرتے تھے اور یہی تجارتی راستہ بھی تھا۔اگر حکومت سنجیدگی کامظاہرہ کرتے ہوئے مستوج بروغل روڈ پرفوری کام شروع کرکے بروغل پاس بارڈر کوتجارت کے لئے کھول دیاجائے تویہاں کے پسماندگی اوربے روزگاری مکمل طورختم ہوجائے گائے نوجوانوں کوروزگارکاوسیع مواقع ملےگااور تاجکستان سے سوئی گیس آسانی سے پاکستان پہنچایاجائے گاجس سےہمارے جنگلات بھی محفوظ ہوں گے۔

مقریرین نےوزیراعظم پاکستان ،وزیراعلیٰ خیبرپختونخوا سردارعلی امین گنڈپور کوشندورفیسٹیول میں آنے کی خصوصی شرکت کی دعوت دیتے ہوئے پرزورمطالبہ کیاہے کہ اس روڈ کی تاریخی اورجغرافیائی اہمیت کومدنظررکھتے ہوئے خصوصی پیکچ کااعلان کرکے کام شروع کیاجائے ۔یہاں کے مکینوں نے عہدکیاہے کہ مستوج بروغل روڑپر کام شروع کرنے تک اپناتحریک جاری رکھیں گے اورچترال کے منتخب نمائندوں سے اپیل کی ہے کہ اس روڈ کے تحریک کوعملی جماع پہنانے میں اپنا کرداراداکریں۔

chitraltimes mastuj broghil road construction demanded 6

chitraltimes mastuj broghil road construction demanded 3 chitraltimes mastuj broghil road construction demanded 4 chitraltimes mastuj broghil road construction demanded 5

Posted in تازہ ترین, چترال خبریں
89879

صدر مملکت نے پرنس رحیم آغا خان کو نشانِ پاکستان سے نواز

Posted on

صدر مملکت نے پرنس رحیم آغا خان کو نشانِ پاکستان سے نواز

اسلام آباد( چترال ٹائمز رپورٹ ) صدر مملکت آصف علی زرداری نے پرنس رحیم آغا خان کو نشانِ پاکستان سے نواز دیا۔ایوان صدر اسلام ا باد میں پرنس رحیم ا غا خان کو نشانِ پاکستان کا اعزاز عطا کرنے کی تقریب کا اہتمام کیا گیا، تقریب میں سینکڑوں اعلیٰ شخصیات نے بھی شرکت کی۔صدر مملکت آصف علی زرداری نے پرنس رحیم اغا  خان کو نشانِ پاکستان پیش کیا، پرنس رحیم آغا  خان کو نمایاں آغاخان ڈویلپمنٹ نیٹ ورک کی طرف سے بہترین خدمات کے اعتراف میں اعزاز سے نوازا گیا۔

chitraltimes prince rahim aga khan awared nishan e pakistan award

 

 

Posted in تازہ ترین, جنرل خبریں, چترال خبریں
89868

لوئر چترال پولیس کی کم سن ڈرائیورز، موٹرسائیکلسٹ کے خلاف خصوصی مہم جاری

Posted on

لوئر چترال پولیس کی کم سن ڈرائیورز، موٹرسائیکلسٹ کے خلاف خصوصی مہم جاری

 

پشاور ( چترال ٹائمزرپورٹ ) ڈسٹرکٹ پولیس آفیسر لوئر چترال افتخار شاہ کے احکامات پر لوئر چترال میں ممکنہ ٹریفک حادثات کی روک تھام کے خاطر کم سن موٹرسائیکلسٹ اور بغیر ہلمٹ کے موٹر سائکل چلانے والوں کے خلاف کارروائیوں کا سلسلہ جاری ہے ۔

ضلعی انتظامیہ نے ضلع ہذا میں دفعہ 144 نافذ کیا ہے جس کے تحت کم سن موٹر سائکلسٹ اور بغیر ہلمٹ کے موٹر سائکل چلانے پر پابندی ہے ۔

ڈی۔ایس پی ہیڈکوارٹر احمد عیسی کی سربراہی میں ٹریفک پولیس وارڈنز نے مختلف مقامات پر کم سن موٹرسائکلسٹ اور بغیر ہلمٹ موٹر سائکل چلانے والوں کو ٹریفک قوانین کی خلاف ورزی پر چالان کیا ۔

ٰتمام والدین سے اپیل کی گئی ہے کہ وہ قانون کی پاسداری کریں اپنے کم سن بچوں کو ہرگز گاڑی یا موٹر سائیکل نہ دیں۔

chitraltimes chitral lower police in action against under age motorcylist 2 chitraltimes chitral lower police in action against under age motorcylist 1

Posted in تازہ ترین, چترال خبریں
89863

گورنر خیبرپختونخوا فیصل کریم کنڈی کا اسلام آباد میں پرنس رحیم آغا خان سے ملاقات، گورنر نے  آغا خان فاونڈیشن کی خیبرپختونخوا بالخصوص ضلع چترال میں تعلیم و صحت سمیت فلاحی خدمات کو سراہا 

Posted on

گورنر خیبرپختونخوا فیصل کریم کنڈی کا اسلام آباد میں پرنس رحیم آغا خان سے ملاقات، گورنر نے  آغا خان فاونڈیشن کی خیبرپختونخوا بالخصوص ضلع چترال میں تعلیم و صحت سمیت فلاحی خدمات کو سراہا

پشاور ( چترال ٹائمزرپورٹ ) گورنر خیبرپختونخوا فیصل کریم کنڈی نے اسلام آباد میں پرنس رحیم آغا خان سے ملاقات کی،پرنس رحیم آغا خان کو صدارتی ایوارڈ نشان پاکستان ملنے پر مبارکباد پیش کی۔گورنر نے پرنس آغا خان فاونڈیشن کی خیبرپختونخوا بالخصوص ضلع چترال میں تعلیم و صحت سمیت فلاحی خدمات کو سراہا۔ملاقات میں اس عزم کا اظہار کیا گیا کہ آغا خان فاونڈیشن کی جانب سے پسماندہ طبقے کی امداد و فلاحی منصوبوں کا دائرہ کار صوبہ بھر میں بڑھایا جائے گا۔گورنرنے کہاکہ صوبہ بالخصوص چترال میں غربت کے خاتمہ اور پسماندہ طبقے کی امداد میں آغا خان فاونڈیشن کی خدمات قابل ستائش ہیں،انہوں نے کہا کہ غریب خاندانوں کی کفالت کیلئے اور صوبہ کو غربت سے نکالنے کیلئے مستقبل میں ملکر آگے بڑھنا ہو گا۔ آغا خان ٹرسٹ ساری دنیا میں فلاحی کاموں اور پسماندہ معاشرے کی معیار زندگی کو بہتر بنانے کے عظیم کام میں مصروف ہے۔ گورنر نے کہا کہ آغا خان فاونڈیشن کے ساتھ ملکر صوبہ میں انسانی ترقی کیلئے تعلیم و صحت اور دکھی انسانیت کی مدد کیلئے مشترکہ اقدامات کیلئے پرعزم ہیں۔اس موقع پر پرنس رحیم آغا خان نے پسماندہ طبقہ کی بہتری اور انسانی ترقی کیلئے گورنر کے ویژن کو سراہتے ہوئے تعمیری اقدامات پر ملکر چلنے کے عزم کا اظہار کیا۔

 

chitraltimes governor kp meeting with saudi ambassidor

گورنر خیبرپختونخوافیصل کریم کنڈی کا پاکستان میں تعینات سعودی عرب کے سفیر نواف بن سعید المالکی سے اسلام آباد میں ملاقات

پشاور ( چترال ٹائمزرپورٹ ) گورنر خیبرپختونخوافیصل کریم کنڈی نے پاکستان میں تعینات سعودی عرب کے سفیر نواف بن سعید المالکی سے اسلام آباد میں ملاقات کی۔ملاقات میں کنگ سلمان ہیومینٹیرین ریلیف اینڈ ایڈ سنٹر پاکستان ونگ کے ڈائریکٹر عبداللہ البراک بھی موجود تھے۔ملاقات میں باہمی دلچسپی کے امور اور دو طرفہ تعاون کے فروغ سمیت پاک سعودی تعلقات،صوبہ میں سرمایہ کاری کے دستیاب مواقع اور سرمایہ کاری کے فروغ پر بھی تبادلہ خیال کیاگیا۔گورنر خیبرپختونخوا نے خیبر پختونخوا سمیت ملک بھر میں شاہ سلمان ریلیف سنٹر کی امدادی خدمات کو سراہا۔انہوں نے کہا کہ ملک بھر بالخصوص خیبرپختونخوا کے پسماندہ اضلاع میں غربت کے خاتمہ اور دکھی انسانیت کی خدمت میں شاہ سلمان ریلیف سنٹر کی امدادی خدمات کو قدر کی نگاہ سے دیکھتے ہیں۔گورنر نے کہا کہ حالیہ سیلاب میں شاہ سلمان ریلیف سنٹر کیجانب سے ڈیرہ اسماعیل خان، دیر، سوات، چترال، چارسدہ میں جس طرح سیلاب زدگان کی جس محبت کے جذبہ سے امداد کی گئی ہے اسکی مثال نہیں ملتی۔ سعودی حکومت نے ہر قسم کے حالات میں ہمیشہ پاکستان کے عوام کا ساتھ دیا ہے اور یہی وجہ ہے کہ پوری پاکستانی قوم کے دل سعودی حکومت و عوام کیساتھ ڈھرکتے ہیں۔#

 

گورنر خیبرپختونخوا فیصل کریم کنڈی کا ایڈورڈز کالج پشاور کا دورہ

پشاور ( چترال ٹائمزرپورٹ ) گورنر خیبرپختونخوا فیصل کریم کنڈی نے جمعہ کے روز ایڈورڈز کالج پشاور کا دورہ کیااور ایڈورڈز کالج کے سبزہ زار میں پودا لگایا۔گورنر نے کالج میں عالمی لینگویج کورسز سنٹر، سنٹرل لائبریری اور مختلف کلاس رومز کا بھی معائنہ کیا اور کالج میں جاری سالانہ امتحانات کا بھی جائزہ لیا۔اس موقع پرگورنر خیبرپختونخوا کو پرنسپل پروفیسر شجاعت علی خان کیجانب سے ایڈورڈز کالج سے متعلق بریفنگ دی گئی۔بریفنگ میں کالج کی تاریخی حیثیت، نصابی و غیر نصابی سرگرمیوں، اسکالرشپس، اکیڈیمک کارکردگی سے متعلق بتایا گیا۔انہوں نے کالج کے بورڈ آف گورنرز، ایگزیکٹو کمیٹی، فنانس کمیٹی کے ڈھانچہ سے متعلق بھی گورنر کو بریفنگ دی۔گورنرفیصل کریم کنڈی نے کہاکہ ایڈورڈز کالج صوبہ کا اعلٰی تاریخی تعلیمی ادارہ ہے،ایڈورڈز کالج کی معیاری تعلیمی شہرت کو برقرار رکھنا ہم سب کی مشترکہ ذمہ داری ہے۔#

Posted in تازہ ترین, جنرل خبریں, چترال خبریں
89856

چترال کے پرآمن فضا ء کو برقرار رکھنے کے لئے سیکورٹی کے انتظامات مذید سخت کردیئے گئے ، ڈپٹی کمشنر اور ڈی پی اولوئیرچترال کا مختلف چیک پوسٹوں کا دورہ

چترال کے پرآمن فضا ء کو برقرار رکھنے کے لئے سیکورٹی کے انتظامات مذید سخت کردیئے گئے ، ڈپٹی کمشنر اور ڈی پی اولوئیرچترال کا مختلف چیک پوسٹوں کا دورہ

چترال ( چترال ٹائمزرپورٹ ) چترال کے پرامن فضاء کو برقرار رکھنے کی خاطر سٹی چترال کے داخلی و خارجی راستوں سمیت ضلع بھر میں سکیورٹی انتظامات مزید سخت کردیئے گئے، ڈسٹرکٹ پولیس آفیسر لوئر چترال افتخار شاہ اور ڈپٹی کمشنر عمران خان یوسفزائی نے پولیس چیک پوسٹ بکراباد اور چتر پل ایون کا اچانک دورہ کرکے سکیورٹی انتظامات کا تفصیلی جائزہ لیا ۔اس موقع پر اسسٹنٹ دائریکٹر ائی۔بی تمیزالدین، ایسں۔ڈی۔پی۔او سرکل سٹی چترال سجاد حسین بھی ان کے ہمراہ موجود تھے ۔

 

افسران نے سکیورٹی انتظامات کا تفصیلی جائزہ لیا ،جوانوں کے زیر استعمال اسلحہ ایمونشین اور دیگر حفاظتی امور کا جائزہ لیا اور ہدایت کی کہ ہائی الرٹ ہوکر ڈیوٹی انجام دیں۔افسران نے جوانوں کو مزید ہدایات دی کہ وہ دوران ڈیوٹی مشکوک افراد/ گاڑیوں کی سخت چیکینگ کریں، کسی بھی شخض یا گاڑی کو بغیر تسلی کے سٹی کے اندر داخل ہونے کی ہرگز اجازت نہ دیں۔عوام سے بھی اپیل ہے کہ وہ اپنے علاقوں میں مشکوک افراد کی موجودگی میں قریبی پولیس اسٹیشن کو اطلاع کریں ۔

 

chitraltimes dpo and dc chitral lower visit police checkpost 4 chitraltimes dpo and dc chitral lower visit police checkpost 3 chitraltimes dpo and dc chitral lower visit police checkpost 2

chitraltimes dpo and dc chitral lower visit police checkpost 1

Posted in تازہ ترین, چترال خبریں
89811

آغا خان ایجنسی فار ہیبیٹاٹ پاکستان کے زیراہتمام کالاش ویلی میں ورلڈ انوائرمنٹ ڈے کے سلسلے میں سیمینار کا انعقاد

آغا خان ایجنسی فار ہیبیٹاٹ پاکستان کے زیراہتمام کالاش ویلی میں ورلڈ انوائرمنٹ ڈے کے سلسلے میں سیمینار کا انعقاد

بمبوریت (نمائندہ  چترال ٹائمز) ورلڈ انوائرمنٹ ڈے کی مناسبت سے کالاشہ دور بمبوریت کالاش ویلی میں آغا خان ایجنسی فار ہیبیٹاٹ کی طرف سے سیمینار کا انعقاد کیا گیا۔ سیمینار کا مقصد علاقے میں قدرتی ماحول کو بچانے کے لئے عوام میں آگاہی پھیلانا تھا۔اس سیمینار میں خصوصی طور پر جی ایم ٹورازم محمد علی سید نے بطور مہمان خصوصی شرکت کی۔ تقریب سے خطاب کرتے ہوئے آر پی ایم ولی محمد خان نے تمام شرکاء اور خاص طور پر جی ایم محمد علی سید کا شکریہ ادا کرتے ہوئے کہا کہ ہم نے قدرتی ماحول کے ساتھ جو زیادتیاں کی ہیں وہ ناقابل تلافی ہیں مگر ہم اب بھی جو کچھ بچا ہوا ہے اس کے تحفظ کے لئے مشترکہ طور پر کام کرسکتے ہیں۔ یہ کسی ایک فرد یا ادارے کی ذمہ داری نہیں اور نہ ہی ایک فرد اور ادارہ اکیلے قدرتی ماحول کو تحفظ دے سکتا ہے۔ ہم سب کو مل کر اس سلسلے میں متفقہ طور پر کردار ادا کرنا چاہئے۔

 

تقریب سے خطاب کرتے ہوئے جی ایم ٹورازم محمد علی سید نے کہا کہ آج بچوں نے جو خاکہ پیش کیا وہ حقائق کی ترجمانی کررہا ہے۔ ہم درخت صرف کاٹ رہے ہیں کوئی درخت لگانے کو تیار نہیں۔ انہو ں نے کہا کہ اس سلسلے میں آگاہی سیمینار منعقد کرنے پر ہم AKAHP کے انتہائی مشکور ہیں اور امید رکھتے ہیں کہ وہ آئندہ بھی عوام میں آگاہی پھیلانے کا سلسلہ جاری رکھیں گے۔ تقریب میں پروفیسر حفیظ اللہ، ایس ڈی ایف او یوسف فرہاد،اے کے ڈی این کے مختلف اداروں کے نمائندے، علاقائی معتبرات اور سکول کے بچوں نے بڑی تعداد میں شرکت کی۔ تقریب کے تمام شرکاء نے اس بات پر زور دیا کہ ہمیں قدرتی ماحول کو بچانے کے لئے جنگلات کی بے دریغ کٹائی سے گریز کرنا چاہئے اور متبادل انرجی کے ذرائع استعمال کرنے کی ضرورت ہے۔ تقریب کے اختتام پر ایک آگاہی واک کا بھی اہتمام کیا گیا جس میں زندگی کے مختلف شعبوں سے تعلق رکھنے والے افراد نے حصہ لیا۔

chitraltimes akah world enviroment day celebration in Bumburait 9

chitraltimes akah world enviroment day celebration in Bumburait 1

chitraltimes akah world enviroment day celebration in Bumburait 14 chitraltimes akah world enviroment day celebration in Bumburait 11 chitraltimes akah world enviroment day celebration in Bumburait 12 chitraltimes akah world enviroment day celebration in Bumburait 13 chitraltimes akah world enviroment day celebration in Bumburait 16 chitraltimes akah world enviroment day celebration in Bumburait 8 chitraltimes akah world enviroment day celebration in Bumburait 7 chitraltimes akah world enviroment day celebration in Bumburait 6 chitraltimes akah world enviroment day celebration in Bumburait 5 chitraltimes akah world enviroment day celebration in Bumburait 2

Posted in تازہ ترین, چترال خبریں
89832

آغاخان رورل سپورٹ پروگرام کے زیر اہتمام ریجنل کولیشن ایمپلائز کنونشن کا انعقاد

آغاخان رورل سپورٹ پروگرام کے زیر اہتمام ریجنل کولیشن ایمپلائز کنونشن کا انعقاد

چترال ( نمائندہ چترال ٹائمز ) آغاخان رورل سپورٹ پروگرام کے زیر اہتمام ریجنل کولیشن ایمپلائز کنونشن چترال کے ایک مقامی ہوٹل میں منعقد ہوا ۔ جس میں چترال کے مختلف کاروبار سے وابستہ اونر ز،یوتھ ٹرینیز ،سول سوسائٹی تنظیمات کے افراد اور ان کے نمایندوں نے شرکت کی ۔ ریجنل پروگرام منیجر اے کے آر ایس پی سجاد حسین نے شرکاء کو خوش آمدید کہا ۔ اور آغاخان رورل سپورٹ پروگرام کی طرف سے چترال کی تعمیر و ترقی کیلئے کی جانے والی کوششوں پر تفصیل سے روشنی ڈالی ۔ اور جاری پراجیکٹ میں چترال کے یوتھ مردو خواتین کیلئے اپنی صلاحیتیں نکھارنے اور روزگار کے بہترین مواقع سے فائدہ اٹھانے کے حوالے سے اپنے خیالات کا اظہار کیا ۔

 

پراجیکٹ منیجر ویمن ایمپاورمنٹ فوزیہ قاضی نے اپنے پریزنٹیشن میں گلگت بلتستان و چترال میں خواتین کو بااختیار بنانے ، انہیں مختلف شعبوں میں ترقی دینے کے حوالے سے کی جانے والی کوششوں پر روشنی ڈالی ، جبکہ پراجیکٹ منیجر سول سوسائٹی مس منیرہ نے صنفی مساوات و لیڈر شپ میں سول سوسائٹی ایکٹر کے طور پر سماجی تنظیمات کی اہمیت ، خواتین کی معاشی خوشحالی ، کلچر کے اندر رہتے ہوئے سماج کی ترقی کیلئے آگہی پھیلانے کی ضرورت پر زور دیا ۔ اور اس سلسلے میں یوتھ کو اپنے پاوں کھڑا کرنے کیلئے مختلف اسکلز کی ٹریننگ کی فراہمی اور ٹریننگ کے حصول کے بعد انہیں اداروں کے ساتھ لنک کو انتہائی اہم قرار دیا ۔

حمید اعظم منیجر ڈبلیو ای نے کہا کہ جن یوتھ نے مختلف اسکلز حاصل کئے ہیں ۔ ان کا پورا ریکارڈ ہمارے پاس موجود ہے ۔ اس لئے جن اداروں کو جس قسم کی جاب کیلئے ایمپلائی کی ضرورت ہے ۔ انہیں تربیت یافتہ ایمپلائی فراہم کی جائے گی ۔ نیز جن خواتین کو ٹریننگ کی ضرورت ہے ۔ ان کو ٹریننگ فراہم کی جائے گی ۔ انہوں نے کہا کہ اے کے آر ایس پی تربیت یافتہ یوتھ کی سکلز میں بہتری لانے اور جاب کے مواقع فراہم کرنے میں مدد دینے کیلئے کسی بھی ادارے میں کام کرنے کی صورت میں تین مہینے کی تنخواہ دینے پر بھی کام کر رہا ہے ۔ اسی طرح سکول ڈراپ آوٹ یوتھ کو بھی ان کی تربیت کے مطابق جاب دینے پر کام جاری ہے ۔ جبکہ خواتین کو بزنس میں ترقی دینے کیلئےبھی اقدامات کئے جارہے ہیں ۔

chitraltimes akrsp convention 2 1

Posted in تازہ ترین, چترال خبریں
89805

صوبائی اسمبلی میں ایلیمنٹری اینڈ سکینڈری ایجوکیشن فاؤنڈیشن کے اساتذہ کی تنخواہوں میں اضافے کی قرارداد منظور؛ تمام معاونین کا شکریہ۔  کلثوم رضا صدر تنظیم جی سی ایس اساتذہ 

Posted on

صوبائی اسمبلی میں ایلیمنٹری اینڈ سکینڈری ایجوکیشن فاؤنڈیشن کے اساتذہ کی تنخواہوں میں اضافے کی قرارداد منظور؛ تمام معاونین کا شکریہ۔  کلثوم رضا صدر تنظیم جی سی ایس اساتذہ

ہم ڈپٹی سپیکر ثریا بی بی، سوشل ورکر عبد اللہ جان ، ایڈوکیٹ سراج احمد خان اور ساتھی ٹیچر خوشنود عالم کا تہہ دل سے شکر گزار ہیں جنھوں نے ہمارے مطالبات کو اسمبلی تک پہنچائے۔سیکٹری تنظیم یاسمین

چترال (چترال ٹائمزرپورٹ) گرلز کمیونٹی سکولز ضلع چترال اپر اینڈ لوئر کے اساتذہ کا گزشتہ دنوں جی سی ایس ٹیچر کلثوم رضا کی زیر صدارت گہتک دینین میں ایک اجلاس منعقد ہوا تھا۔جس میں دو ایجنڈے خصوصی طور زیر غور رہے تھے۔گزشتہ تین مہینوں سے جی سی ایس اساتذہ کی تنخواہوں کی عدم دستیابی اورگزشتہ سال 2021/22 اور 2023/24 کے بجٹوں میں مزدور کے لیے کم از کم 32000 کے اجرت کے مقرر ہونے کے باوجود تا حال عملدرآمد نہ ہونے ہر تشویش کا اظہار کیا گیا تھا۔

اجلاس میں متفقہ طور پر فیصلہ کر کے یہ قراردار بواسطہ ایڈوکیٹ سراج احمد خان لوئر چترال ،سوشل ورکر عبد اللہ جان اپرچترال اور ساتھی ٹیچر خوشنود عالم ڈپٹی سپیکر ثریا بی بی ایم پی اے اپر چترال اور ایم پی اے لوئر چترال فاتح الملک کو بھیج دیئے گئے تھے۔جس ہر ڈپٹی سپیکر نے خصوصی توجہ دیتے ہوئے اسے اسمبلی میں ہیش کرنے کی یقین دہانی کرائی تھی۔ اس قرارداد کو 3 جون 2024 کو ممبر اسمبلی اکرام اللہ نے صوبائی اسمبلی میں پیش کیا تو سپیکر بابر سلیم سواتی نے وزیر تعلیم کو خصوصی طور پر متوجہ کرکے کہا کہ بڑی دکھ کی بات ہے کہ صوبے میں کم از کم ماہانہ اجرت 32 ہزار ہونے کے باوجود سینکڑوں شادی شدہ بچیاں صرف 21 ہزار پر پڑھا رہی ہیں۔عمارت کا کرایہ،ٹرانسپورٹ کا خرچہ اور دیگر اخراجات بھی ادا کر رہی ہیں۔انھوں نے وزیر تعلیم کو خصوصی ہدایت کی کہ ان بچیوں کی تین مہینوں سے بند تنخواہ پچھلے بجٹ کے حساب سے ارئیر سمیت بحال کر کے انھیں مستقل کیا جائے ۔ان کا یہ بھی کہنا تھا کہ انے والے بجٹ کے حساب سے ان کی تنخواہ کم از کم 36 ہزار کی جائے۔جس پر وزیر تعلیم نے یقین دہانی کرائی کہ ایم ڈی کے ساتھ بیٹھ کر اس مسلے کا حل نکالا جائے گا۔اس ساری کاروائی پر “ال جی سی ایس ٹیچرز اپر و لوئرچترال”سپیکر بابر سلیم ،ڈپٹی سپیکر ثریا بی بی اور ان تمام معاونین کا شکریہ ادا کیا جنھوں نے اس قرارداد کو اسمبلی سے پاس کرانے میں مدد کی۔

chitraltimes ds kp assembly suraya and eSef chitral 2 chitraltimes ds kp assembly suraya and eSef chitral 3

Posted in تازہ ترین, جنرل خبریں, چترال خبریں
89799

آغا خان ہایئر سیکنڈری سکول کوراغ میں “5جون ماحولیات کے عالمی دن” کی مناسبت سے اہم تقریب

Posted on

آغا خان ہایئر سیکنڈری سکول کوراغ میں “5جون ماحولیات کے عالمی دن” کی مناسبت سے اہم تقریب

اپرچترال ( چترال ٹائمزرپورٹ ) ماحولیات کے عالمی دن کے حوالے سے(فطرت کو ہماری ضرورت نہیں ہمیں فطرت کی ضرورت ہے) کی بنیادی تھیم کے تحت ایک اہم اور پروقار تقریب آغا خان ہایئر سیکنڈری سکول کوراغ میں منعقد کی گئی ۔ اس تقریب میں سکول کی طالبات کے علاوہ کمیونٹی کے عمائدین ،مختلف سرکاری اور ضلعی انتظامیہ کے نمائندے اور اسمعیلی والنٹیئرز کافی تعداد میں شرکت کیں ۔ اس تقریب کے خصوصی مہمانان گرامی تحصیل دار تورکہو سلیم محمد خان ، ٹی ۔او۔ آر اجمل حسین اور پروفیسر رحمت حاصل تھے ۔

تقریب میں سکول کی طالبات مختلف بینرز ، ٹیبلوز ، ڈرامے اور دیگر تخلیقی کاوشوں سے ماحولیات کے عالمی دن کی اہمیت کو اجاگر کرنے کے ساتھ ساتھ کمیونٹی کو شعور و آگہی دینے کی بھرپور کوشش کیں ۔ اس تقریب سے خطاب کرتے ہوئے اجمل حسین نے کہا کہ ماحولیات کے حوالے سے اس طرح کے تقریبات کا انعقاد ضلعی انتظامیہ کو منعقد کرانا چاہیئے مگر آغا خان ہایئر سیکنڈری سکول کوراغ ہر سال ماحولیات اور دیگر سماجی مسائل سے متعلق عوام کو فکری شعور دینے کے حوالے سے اہم خدمات سر انجام دے رہی ہے ۔ اس تقریب سے خطاب کرتے ہوئے تحصیل دار تورکہو سلیم محمد خان نے کہا کہ آغا خان ہایئر سیکنڈری سکول کوراغ چترال کا “ایچیسن” ہے ۔ یہاں نہ صرف بچیوں کو بہترین تعلیمی ماحول دی جارہی ہے بلکہ سماجی معاملات کو زیر بحث لانے کے لئے ایک فورم بھی مہیا کر رہی ہے ۔۔

تقریب کے آخر میں پرنسپل سلطانہ برہان الدین نے شرکاء محفل کا شکریہ ادا کرتے ہوئے اس بات پر زور دیا کہ ماحول کو آلودگی سے پاک کرنے کے لئے ضلعی انتظامیہ کو سنجیدہ اقدامات اٹھانے کی ضرورت ہے خصوصاً بچوں سے متعلق جو ناقص اشیائے خورد و نوش بک رہی ہیں ان پر پابندی لگنی چاہئے اور ماحولیات تباہ کرنے والی عناصر کی تدارک کے لئے مناسب اقدامات اٹھانے کی ضرورت ہے ۔ تقریب کا اختتام اس عزم پر ہوئی کہ فطرت کو ہماری ضرورت نہیں ہمیں فطرت کی ضرورت ہے ۔

chitraltimes world enviroment day akhss kuragh 1 chitraltimes world enviroment day akhss kuragh 7 chitraltimes world enviroment day akhss kuragh 5 chitraltimes world enviroment day akhss kuragh 4 chitraltimes world enviroment day akhss kuragh 3 chitraltimes world enviroment day akhss kuragh 2

Posted in تازہ ترین, چترال خبریں
89753

عالمی یوم ماحولیات کے سلسلے میں چترال کے تین مختلف مقامات پر اگہی پروگرامات کا انعقاد 

عالمی یوم ماحولیات کے سلسلے میں چترال کے تین مختلف مقامات پر اگہی پروگرامات کا انعقاد

چترال (نمائندہ چترال ٹائمز ) عالمی یوم ماحولیات کے سلسلے میں چترال لوئیر میں تین مختلف مقامات پر پروگرامات منعقد ہوئے جن میں اس دن کی اہمیت پر روشنی ڈالتے ہوئے چترال میں ماحولیاتی مسائل اور علاقے کو درپیش سنگین خطرات اور چیلنجز پر روشنی ڈالی گئی اور ماحولیات کی اہمیت کے بارے میں بڑے پیمانے پر عوامی آگہی پھیلانے اور انہیں قدرتی آفات اور خشک سالی کے مسائل کے لئے تیار کرنے کی اہمیت پر زور دیا گیا۔ ان تقریبات میں ماہرین ماحولیات، اکیڈیمیا، سول سوسائٹی کے نمائندے، کنزرویشن ورکرز اور طالب علموں کی کثیر تعداد نے شرکت کی اور مذاکرے کے محفل اور تقریروں کے ذریعے اس دن کی اہمیت پر روشنی ڈالی گئی جبکہ دو مختلف سکولوں کے طالب علموں نے آگہی واک نکالی اور پولو گراونڈ میں انسانی زنجیر بنا کر اس عہد کا اعادہ کیاکہ ماحول کی تحفظ میں وہ مکمل یکجہتی کا مظاہر ہ کریں گے۔

تقریبات کا اہتمام مسلم ایڈ، سنو لیپرڈ فاونڈیشن اور یو ایس ایڈ نے کیا تھا جن میں مقررین نے چترال کی مخصوص جعرافیائی پوزیشن اور اس کی ٹوپوگرافی کی وجہ سے نازک ماحول کو موسمیاتی تبدیلیوں سے بچانے کے لئے مختلف تدابیر اور ان میں انفرادی اور اجتماعی کوششوں پر روشنی ڈالی گئی جبکہ چترال میں قدرتی وسائل کا بے دریغ استعمال اور اس بارے میں ایک جامع اور ٹھوس لائحہ عمل مرتب کرنے کی ضرورت پر بھی زور دیاگیا۔ مقررین نے اس سال یوم ماحولیات کی موضوع “زمین کی بحالی، صحراپذیری اور خشک سالی کے خلاف کمیونٹی کی تیاری”پر چترال کی مخصوص حالات کے تناظر میں خیالات کا اظہار کیا۔

مقامی ہوٹل میں مسلم ایڈ کی تقریب سے اسسٹنٹ کمشنرچترال ڈاکٹر محمد عاطف جالب،  ڈسٹرکٹ کوارڈینیٹر سلیم الدین، ماہر ماحولیات حامد میر، ڈی ایف اوز فارسٹ عبدالمجید، چترال گول نیشنل پارک رضوان اللہ، وائلڈ لائف فاروق نبی، صدر پریس کلب ظہیر الدین،ایس آئی ایف کے اویس احمد جبکہ چترال پبلک سکول میں سنولیپرڈ فاونڈیشن کی تقریب سے جمیع اللہ شیرازی، رضوان اللہ، وجیہہ الدین، شجاع الحق اور گورنمنٹ سینٹنل سکول میں یو ایس ایڈ کی تقریب سے ڈائرکٹر جنرل کالاش ویلی ڈیویلپمنٹ اتھارٹی منہاس الدین، سکول پرنسپل فضل سبحان، ڈی ای او محمود غزنوی اور ہدایت اللہ نے خطاب کیا۔

chitraltimes environment day 9

chitraltimes environment day 2

chitraltimes world envirnment day 2 chitraltimes environment day 5 chitraltimes environment day 6 chitraltimes environment day 7 chitraltimes environment day 1

chitraltimes world envirnment day 1

Posted in تازہ ترین, چترال خبریں
89742