Chitral Times

Jul 21, 2024

ﺗﻔﺼﻴﻼﺕ

پی ڈی ایم اے کی جانب سے تیز بارشوں کے باعث صوبہ میں جانی و مالی نقصانات کی رپورٹ جاری، چترال میں تقریبا پندرہ سو گھرمتاثر

شیئر کریں:

پی ڈی ایم اے کی جانب سے تیز بارشوں کے باعث صوبہ میں جانی و مالی نقصانات کی رپورٹ جاری، چترال میں تقریبا پندرہ سو گھرمتاثر

پشاور ( چترال ٹائمزرپورٹ ) صوبہ خیبرپختونخوا کے مختلف اضلاع میں تیز بارشوں کے باعث حادثات کے نتیجے میں اب تک 63 افرادجاں بحق جبکہ 78 افراد زخمی ہوئے ہیں ، رپورٹ کے مطابق جان بحق افراد میں 33 بچے 15 مرد اور 15خواتین جبکہ زخمیوں میں 17خواتین، 37 مرد اور 24 بچے شامل ہے .

مختلف اضلاع میں دیواریں اور چھتیں گرنے سے مجموعی طور3202 مکانات کو نقصان پہنچا جس میں 477گھروں کو مکمل جبکہ 2725گھروں کو جزوی نقصان پہنچا ہے ۔
تیز بارشوں کے باعث جانی و مالی حادثات صوبہ کے مختلف اضلاع خیبر، دیر اپر و لوئر، چترال اپرولوئر، سوات، باجوڑ، شانگلہ، مانسہرہ، مھمند، مالاکنڈ، کرک، ٹانک، مردان، پشاور، چارسدہ، نوشہرہ، بونیر، ہنگو، بٹگرام، بنوں، شمالی و جنوبی وزیرستان،کوہاٹ، ڈی آئی خان اورکزئی میں رونما ہوئے  ۔ رپورٹ کے مطابق لوئیر چترال میں ۱۰۲۰ مکانات کو نقصان پہنچا جن میں ۱۷۷مکمل اور ۸۴۳کو جذوی نقصان پہنچا، اسی طرح اپر چترال میں ۴۷۴مکانات کو نقصان پہنچا جن میں ۷۵مکمل اور ۳۹۹ کو جذوی نقصان پہنچا ہے۔

وزیر اعلیٰ خیبرپختونخوا کی خصوصی ہدایت پر پی ڈی ایم نے حالیہ بارشوں میں متاثرہ اضلاع کی انتظامیہ کو جان بحق ہونے والے افراد کے لواحقین کی مالی امداد اور امدادی سرگرمیوں کے لیے 110 ملین روپے جاری کیے۔ اس کے علاوہ قبائلی اضلاع میں بھی امدادی سرگرمیوں کی مد میں 90 ملین روپے جاری کئے جا چکے ہیں.

مالی معاونت کے ساتھ ساتھ پی ڈی ایم اے کی جانب سے متاثرہ اضلاع سوات، چترال لوئر ،باجوڑ، کوہستان لوئر، پشاور، نوشہرہ، مہمند، دیر اپر، ٹانک، شانگلہ، تورغر، اور ڈی آئی خان کو امدادی سامان بھی فراہم کر دیا گیا. امدادی سامان میں خیمے، چٹائیاں،کچن سیٹس،کمبل، بستر،ترپال، سولر لیمپس اور دیگر روزمرہ زندگی کی اشیاء شامل ہے. پی ڈی ایم اے اور تمام متعلقہ اداروں کی جانب سے بارشوں سے متاثرہ اضلاع میں امدادی سرگرمیاں جاری ہیں۔

pdma updates detail of effectees


شیئر کریں:
Posted in تازہ ترین, جنرل خبریں
87759