پولیو کے سہ روزہ مہم اختتام پذیر، تین یونین کونسلوں سے رپورٹ موصول نہ ہوسکے

چترال (نمائندہ چترال ٹائمز) پولیو کے سہ روزہ مہم کے احتتام پر ضلعے کے تین دورافتادہ یونین کونسلوں سے رپورٹ ڈسٹرکٹ پولیو کنٹرول روم میں موصول نہ ہوسکے جن میں لاسپور ، یارخون اور ارندو شامل ہیں۔ ڈسٹرکٹ کنٹرول رو م میں رپورٹوں کی وصولی پر مقرر ایک اہلکار نے تینوں یونین کونسلوں سے رپورٹ نہ ملنے کی تصدیق کردی۔ اندرونی ذرائع کے مطابق حال ہی میں پولیو کنٹرول کے ضلعی پروگرام افیسر نے پولیو مہم کی مانیٹرنگ پر مامور عارضی عملہ تحصیل مانیٹرز (ٹی ٹی ایم) کی ازنو تعیناتی کردی دی تھی جس کی وجہ سے مانیٹرنگ میں بے قاعدگی رونما ہوئی۔لاسپور کی رہائشی شریف اللہ کا کہنا تھاکہ ورلڈ ہیلتھ آرگنائزیشن کے چترال میں پولیو پروگرام افیسر نے ٹی ٹی ایم کی تعیناتی میں پرانے اور تجربہ کار افراد کی جگہ نئے اور غیر مقامی افراد لے آئے جس کی وجہ سے مانیٹرنگ کا کام شدید متاثر ہوا۔ ان کاکہنا تھاکہ کئی سالوں سے اس پروگرام سے وابستہ اور تجربہ افراد کو بیک جنبش قلم گھر بھیجنا پولیو کے خلاف جنگ میں ایک فاش غلطی تھی۔ ڈسٹرکٹ کوارڈینٹر پولیو پروگرام ڈاکٹر فیاض رومی نے وجوہات بیان کرتے ہوئے کہاکہ ارندو اوریارخون یونین کونسلوں میں کمیونیکیشن کا مسئلہ درپیش ہے جہاں سوفیصد علاقوں میں موبائل فون کے سگنلز نہیں ہیں جبکہ لاسپور کے یوسی مانٹیرنگ افیسر سے وضاحت طلب کی گئی ہے۔