نظم ۔ انجیگان – نیوشک ندیم سنگا ل
نظم ۔ انجیگان – نیوشک ندیم سنگا ل
جنت خضار مہ انجیگان تسوم خوشان اسو نی ساف۔
دور غربتو ہوۓ ختم کیہ امیران اسونی ساف۔
تاریخہ پرانو لالو ژانگ ممشش تھے بو ژوتو
شونگ وہ مشقلوگیو قصہ پرانو کندوری سالو۔
نیوئریکو اوا نو بوم مہشور شاعران اسونی ساف۔
جنت خضار مہ انجیگان تسوم خوشان اسو نی ساف۔
موغیکان شوو چے تعلیم اچی سخیو ہے دربار
قصہ تاریخہ بہچور سالی کی بغانی دی ہزار۔
صمد گلو استاذو شاگردان نون افسران اسونی ساف۔
جنت خضار مہ انجیگان تسوم خوشان اسونی ساف۔
میژیگرام بوکیان ژاغہ اچا میتار ژاو گیتی آباد۔
اوچو شاجیانن ژاغہ آباد بہچار لا شاد باد۔
مردانو تاج کیہ سنگالۓ مینورو شان اسونی ساف۔
جنت خضار مہ انجیگان تسوم خوشان اسو نی ساف۔
گرم چشمو ہے بازار بو شہیلی بیکا پرائی۔
اڑغانی، پنجابی تن دکانن ہیرا انگیکا پرائی۔۔
ہے پیچ اوچھان حیران اسونی ساف۔۔
جنت خضار مہ انجیگان تسوم خوشان اسونی ساف۔
پیر نصیرو دعوت ہیتان سوم شہیلی تان۔
ہس ختم نو بیتی خضارہ بہچلی تان۔
ژویتو، بربنو وہ پوسیکیہ قاضئیان اسونی ساف۔
جنت خضار مہ انجیگان تسوم خوشان اسونی ساف۔
انجیگانو ادب و ثقافت کل دنیا بو مشہور۔
نور خان وہ خیروالدینو نام ہمیش بہچور۔۔
کندوری خور شیرین آواز اسپہ پہچان اسوم ساف۔
جنت خضار مہ انجیگان تسوم خوشان اسونی ساف۔
منورو، ٹھونیکو روئیان کوسوم دی نیمیکو نو بوسی۔
شہیلی بیشقیرو کورسی کھولیکو نو بوسی۔
وہ ہے یورجوغ،سانیکا مہتران اسونی ساف۔
جنت خضار مہ انجیگان تسوم خوشان اسونی ساف۔
بیگوشٹو وجہین خضار بو مشہور۔
اویرک اوچ لاشٹہ پت شئی بہچھور۔
پوشی ہے شہیلیو پریشان اسونی ساف۔
جنت خضار مہ انجیگان تسوم خوشان اسونی ساف۔
وقارو لیلیو دمامہ ہمیش باشور۔
ایازو سورنائی کھلی چھترارہ مشہور۔
تاریخ ہیتن دورگار جم استادان اسونی ساف۔
جنت خضار مہ انجیگان تسوم خوشان اسونی ساف۔
ندیم تہ محبت انجیگان کیہ تہ خضار۔
ژان دی قربان تہ لٹکوہو سورا ہزار۔
تہ لوڑیک بچین میزبان اسونی ساف۔۔۔
جنت خضار مہ انجیگان تسوم خوشان اسونی ساف۔
نیوشک ندیم سنگا ل
