ملک کے بالائی علاقوں میں 14نومبر( رات) سے16نومبر (صبح) کے دوران تیز ہواؤں اور گرج چمک کے ساتھ بارش اور پہاڑوں پر برفباری کی پیشگوئی
ملک کے بالائی علاقوں میں 14نومبر( رات) سے16نومبر (صبح) کے دوران تیز ہواؤں اور گرج چمک کے ساتھ بارش اور پہاڑوں پر برفباری کی پیشگوئی
اسلام آباد ( چترال ٹائمزرپورٹ ) محکمہ موسمیات کی پیشگوئی کے مطابق مغربی ہواؤں کا سلسلہ 14نومبر(شام) سے ملک کے بالائی علاقوں میں داخل ہونے کا امکان ہے۔ جس کے باعث :
14 نومبر (شام/رات )سے16 نومبر(صبح) کے دوران: چترال، دیر، سوات، کوہستان، شانگلہ، بٹگرام، مانسہرہ، ایبٹ آباد، ہری پور، بونیر، مالاکنڈ، باجوڑ، مہمند، خیبر، صوابی، نوشہرہ، مردان، چارسدہ، کرم، اورکزئی، کوہاٹ، مری، گلیات، کشمیر (وادی نیلم،مظفرآباد، راولاکوٹ، پونچھ، ہٹیاں، باغ، حویلی، سدھنوتی، کوٹلی، بھمبر، میرپور) اور گلگت بلتستان (دیامیر، استور، اسکردو، گلگت، ہنزہ، گھانچے، شگر) میں تیز ہواؤں اور گرج چمک کے ساتھ بارش(پہاڑوں پر برفباری) کا امکان ہے۔
14 نومبر (شام/رات )سے15 نومبر کے دوران: اسلام آباد/راولپنڈی، اٹک، چکوال، تلہ گنگ، جہلم، پشاور، ہنگو، بنوں، لکی مروت، وزیرستان، ڈیرہ اسماعیل خان، فیصل آباد، گوجرانوالہ، لاہور، میانوالی، خوشاب اورسرگودھا میں بھی تیز ہواؤں اور گرج چمک کے ساتھ ہلکی بارش کا امکان۔جبکہ 15 نومبر کو کوئٹہ، زیارت، ژوب ،بارکھان،موسیٰ خیل، قلعہ سیف اللہ، بھکر، لیہ اور ڈیرہ غازی خان میں تیز ہواؤں اور گرج چمک کے ساتھ ہلکی بارش کی توقع ہے۔
پریس ریلیز کے مطابق بارشوں کے سلسلے کے دوران اسلام آباد، خطہ پوٹھوہار،خیبر پختونخوا اور بالائی پنجاب کے علاقوں میں جاری سموگ/ فضائی آلودگی میں کمی اور ہوا کامعیار بہتر ہونے کی توقع ہے، بارشوں کے سلسلے کے بعد پنجاب کے میدانی علاقوں میں شدید دھند پڑنے کی توقع ہے، کسان حضرات موسمیاتی پیش گوئی کو مد نظر رکھتے ہوئے اپنے معمولات ترتیب دیں۔
مسافروں اور سیاح حضرات سفر کے دوران محتاط رہیں اور موسمی حالات کے مطابق اپنے سفر کا انتظام کریں ۔ تمام متعلقہ اداروں کو ” الرٹ “رہنے اور کسی ناخشگوار واقعہ سے بچنے کے لیے تمام ضروری اقدامات کرنے کی ہدایت کی گئی ہے۔