Chitral Times

Jul 17, 2024

ﺗﻔﺼﻴﻼﺕ

ملک بھر میں پاسپورٹ کے اجرا کا نیا بحران، لیمنیشن پیپر ختم ہونے سے پاسپورٹ کی چھپائی کا کام بند

Posted on
شیئر کریں:

ملک بھر میں پاسپورٹ کے اجرا کا نیا بحران، لیمنیشن پیپر ختم ہونے سے پاسپورٹ کی چھپائی کا کام بند

اسلام آباد(چترال ٹایمزرپورٹ)ملک بھر میں پاسپورٹ کے اجرا کا نیا بحران پیدا ہوگیا ہے، لیمنیشن پیپر ختم ہونے سے پاسپورٹ کی چھپائی کا کام بند ہوگیا۔تفصیلات کے مطابق ذرائع کا بتانا ہے کہ ایک ہفتے میں پاسپورٹ کا بیک لاگ 5 لاکھ تک پہنچ گیا ہے روزانہ 20 سے 25 ہزار پاسپورٹ نئے اور تجدید کی درخواستیں آرہی ہیں۔ذرائع وزارت داخلہ کا کہنا ہے کہ لیمنیشن پیپر کا آرڈر دیا جا چکا ہے پاکستان پہنچنے میں ایک ہفتہ لگے گا جبکہ مزید ایک ہفتہ کسٹم سے لیمنیشن پیپر کلیئر کرانے میں لگ سکتا ہے۔ذرائع وزارت داخلہ کے مطابق اگلے دو ہفتے میں پاسپورٹ کا بیک لاگ 10 لاکھ تک پہنچنے کا خدشہ ہے اس بحران کو ختم کرنے میں ایک ماہ سے زائد کا وقت لگ سکتا ہے۔خیال رہے کہ ملک بھر کے پاسپورٹس دفاتر میں پاسپورٹ بنانے والوں کی تعداد میں غیر معمولی رش کی وجہ سے پاسپورٹ بننے کا کام تاخیر کا شکار ہے۔


شیئر کریں:
Posted in تازہ ترین, جنرل خبریں
80156