Chitral Times

Jul 22, 2024

ﺗﻔﺼﻴﻼﺕ

معاہدہ لوٹ مار – میری بات:روہیل اکبر

Posted on
شیئر کریں:

معاہدہ لوٹ مار – میری بات:روہیل اکبر

مسلم لیگ ن اورپاکستان پیپلزپارٹی میں شراکت اقتدار کا معاہدہ طے پا گیا صدر مملکت کا عہدہ پیپلزپارٹی کو ملے گاوزیراعظم مسلم لیگ ن کا ہوگاقومی اسمبلی کا اسپیکر مسلم لیگ ن، چیئرمین سینٹ پیپلزپارٹی سے ہوگاپاکستان پیپلزپارٹی وفاقی کابینہ میں شامل نہیں ہوگی اسکے ساتھ ساتھ پیپلز پارٹی نے چاروں گورنرز بھی مانگ لیے ہیں جبکہ ایم کیو ایم گورنر سندھ سمیت چار وزارتیں مانگ رہی ہے عہدوں کی اس تقسیم کو کچھ دوست معاہدہ لوٹ مار کا نام بھی دے رہے ہیں جبکہ میرا ذاتی خیال ہے کہ یہ حکومت زیادہ عرصہ نہیں چلے گی ابھی سے پورے ملک میں بے سکونی سی ہے ہونا تو یہ چاہیے تھا کہ الیکشن کے بعد ملک میں امن اور سکون ہوتا لیکن یہاں تو عجیب طرح کا ماحول بنا دیا گیا ہے الیکشن میں بدترین دھاندلی کی گواہیاں خود دھاندلی کروانے والے دے رہے ہیں دوسری طرف ہارنے والے بھی گواہی دے رہے ہیں کہ پی ٹی آئی کے حمایت یافتہ امیدوار کامیاب ہوئے ہیں

 

بعض جیتے ہوئے امیدواروں نے اسمبلی میں جانے سے محض اس لیے انکار کردیا کہ وہ عوام کے دیے ہوئے ووٹوں کی مزید بے توقیری نہیں کرسکتے عمران خان کو اللہ تعالی نے جو عزت دی ہے وہ شائد ہی اس وقت کسی اور پارٹی سربراہ کے حصہ میں آئی ہو حالانکہ عمران خان کو بدنام اور ناکام کرنے کے لیے ہر حربہ استعمال کیا گیا مختلف اوقات میں مختلف بیانیے بنائے گئے جو نہ صرف پٹ گئے بلکہ بری طرح فیل بھی ہوگئے ماضی کے اوراق میں سے چند ورق الٹ کر اگر دیکھے جائیں تو عمران خان کی مخالفت میں جو جو کچھ کہا گیا وہ سب فیل ہوگیا جن میں سے عائشہ گلالئی سکینڈل فیل،ریحام خان کتاب فیل،یہودی کارڈ فیل،آڈیو لیکس فیل،ترین اور علیم پروپیگنڈا فیل،قادیانی کارڈ فیل،ماخاور مانیکا زبردستی طلاق بیانیہ فیل ،کوکین، شراب بیانیہ فیل،خٹک،چوہان،ڈار الزامات فیل،عدت نکاح بیانیہ فیل،توشہ خانہ پروپیگنڈا فیل،بنی گالا منی ٹریل کیس فیل،3 دفعہ مارنے کی سازش فیل،سائیفر سیکریٹ ایکٹ فیل، جیل میں اذیت اور ارادے،توڑنا فیل، 200 جعلی کیس فیل،میڈیا پر بین فیل،9 مئی میں غدار بنانا فیل،آزاد صحافیوں پر ظلم فیل،میڈیا پر نام کی پابندی فیل،پنجاب الیکشن دھاندلی فیل،ڈیل کر کے بھگوڑا بنانا فیل،پارٹی پر پابندی فیل،کینسر،ہسپتال،فنڈپروپیگنڈا فیل،پارٹی جھنڈے پر پابندی فیل،کشمیر حکومت سازش فیل، GB حکومت سازش فیل،گستاخی ختم نبوت بیانیہ فیل،پارٹی جلسہ پر پابندی فیل،لیگل ٹیم کو دھمکیاں فیل،اندرونی غدار بلیک میلنگ فیل، بہنوں پربوگس کیس فیل،فوج مخالف بیانیہ فیل،پارٹی سے کئی پارٹیاں بنانا فیل،کشمیر سے غداری بیانیہ فیل،یہودی ریاست تسلیم بیانیہ فیل،ورکرز بچوں اور عورتوں ظلم فیل،ورکرز کے کاروبار بند کرنا فیل جب یہ سب کچھ فیل ہو گیا تو پھر اسکے بعد بھی ظلم اور زیادتیوں کا سلسلہ رک نہ سکا بلکہ پسندیدہ افراد کی سلیکشن کے لیے 2024 میں تحریک انصاف کو بطور پارٹی ختم کر کے تحریک انصاف کے امیدواران کو آزاد حیثیت سے الیکشن پر مجبور کردیا گیا تا کہ نشان ایک نہ ہو اور ووٹر کنفیوز ہویہ اتنی بڑی دھاندلی ہے جو 75 سالہ تاریخ میں آج تک نہیں ہوئی اور پھر اس سلیکشن کے بتیجہ میں الیکشن2024 میں عمران خان کے امیدواروں کو آزاد کرنے سے پاکستانی عوام کا جو سب سے بڑا نقصان کیا گیا

 

وہ یہ ہے کہ آزاد حیثیت سے جیتنے پر reserve سیٹیں یعنی خواتین کی مخصوص سیٹیں نہیں ملتی ویسے ہر 4 سیٹیں جیتنے پر ایک reserve یعنی خواتین کی مخصوص سیٹ ملتی ہے مثلا اگر کسی پارٹی نے 100 سیٹیں جیتیں تو اسکو 25 reserve سیٹیں ملیں گے تو قومی اسمبلی میں اسکے ممبران کی تعداد 125 ہو گی لیکن یہ سیٹیں صرف پارٹی کو ملتی ہیں لیکن سلیکشن 2024 بھی 75 سالہ پاکستانی تاریخ کی بدترین دھاندلی کرتے ہوئے عمران خان سے الیکشن ہونے سے پہلے ہی یہ reserve سیٹیں چھین لی گئی کچھ دوست اس بارے میں ن لیگ کا حوالہ دیتے ہیں لیکن 2018 میں نون لیگ کا نشان شیر بھی ان کے پاس تھا اور reserve سیٹیں بھی انہیں ملی تھیں مگر اب کپتان کے امیدواروں کے نشان الگ الگ کر دیے اس پر مزید یہ ظلم کہ نشان اتنے مشکل دیے گئے کہ گاؤں کے دیہاتی لوگ تو دور شہری اور پڑھے لکھے گئے لوگ بھی کنفیوز ہوں اور اس پر مزید ظلم یہ کہ پی ٹی آئی کے حمایت یافتہ امیدواروں کو پوسٹر بینر لگانے کی پابندی سمیت نہ صرف انہیں گرفتار کیا گیابلکہ انکے تائید کنندگان کو بھی گرفتار کرلیا گیابات یہاں پر ہی ختم نہیں ہوئی بلکہ TV پر تحریک انصاف کاجلسہ دکھانا تو دور عمران خان کی تصویراورنام لینے پر پابندی ہے کوئی عمران خان کو قیدی نمبر 804 کہہ کر بلا رہا ہے تو کوئی قاسم کے اباکہہ کر اپنی بات کرتا تھااور پھر پی ٹی آئی کے ورکروں کے گھروں پر چھاپے مارے جا رہے ہیں اور خواتین تک کے ساتھ بدتمیزی کی گئی

 

یہاں تک کہ عمران خان کے گھر زمان پارک گیٹ توڑا گیا اور پھر حالات کو اس نہج پر پہنچا دیا گیا کہ ہماری ماؤں بہنوں کی عزت تک محفوظ نہیں عثمان ڈار کی ماں کو پولیس والوں نے مارا اورڈوپٹہ چھینا جمشید دستی کی بیوی کو سرے سے ننگا کردیا گیا اور اعظم سواتی کی بیوی کی ننگی ویڈیو اعظم سواتی کی بیٹی کو بھیجی گئی عمران خان کو تنہا کر کے تمام سیاسی جماعتیں عمران خان کیخلاف جمع ہوئیں 35 سال ایک دوسرے کو چور ڈاکو کہنے والے بغل گیر ہوئے رات کے بارہ بجے عدالتیں کھولی گئیں سازش کے تحت عمران خان کی حکومت گرائی گئی عمران خان کیخلاف الزامات کی بارش کی گئی اسکی نجی زندگی کو مذاق بنایا گیا ارشد شریف کے قتل کی وجہ سے بہت سے صحافی ملک چھوڑگئے عمران خان کا دو صوبوں کی حکومت چھوڑنے کے باوجود بروقت الیکشن ناممکن بن گئے الٹانگران حکومتوں نے اپنی پوری توجہ الیکشن کروانے کی بجائے تحریک انصاف کے خاتمہ پر فوکس کردی عمران خان کو آئینی اور جمہوری حقوق سے محروم کرتے ہوئے لانگ مارچ سے جبراً روکنے سے لیکر نہتے کارکنان پر شیلنگ اور لاٹھی چارج کی بارش کردی لیکن اسکے باوجود سوچنے والی بات یہ ہے کہ تمام سیاسی اور مذہبی جماعتوں کی بھر پور انتخابی مہم کے باوجود صرف عمران خان کو سب سے زیادہ ووٹ ملا لیکن اسکے باوجود حکومت بنانے میں وہ لوگ شامل ہیں جو الیکشن سے پہلے ایک دوسرے کا گریبان پکڑ رہے تھے بلاول کہہ رہا تھامیں تیر سے شیر کا شکار کروں گالیکن ہو اسکے برعکس جس کو گھسیٹا جانا تھا وہ صدر اور جس نے گھسیٹنا تھا وہ وزیراعظم بننے کی تیارویوں میں مصروف ہے اور اب سب کو علم ہوجائیگا کہ اصل میں جس کو گھسیٹا جائیگا وہ ہوگی عوام اور اس سلسلہ میں ابھی سے کام کا آغازا کردیا گیا ہے بجلی کے بلوں میں اضافہ بزرگوں کی پنشن ختم اورپیٹرول کی قیمتوں میں اضافہ سے جو مہنگائی کا طوفان آئے گا وہ ملک میں غریبوں کو ختم کرنے کے کام آئے گا ابھی تو حکومت بننے کے بعد وزیروں اور مشیروں کی فوج بھی ہوگی جو عوام کے پیسوں سے عوام کی دل کھول کر خدمت کریگی ۔


شیئر کریں:
Posted in تازہ ترین, مضامین
85534