عمران خان کی مہنگائی کے خلاف ملک گیر ہڑتال کی کال پر بونی میں تحریک انصاف کا احتجاجی جلسہ
اپر چترال ( نمایندہ چترال ٹایمز ) ملک میں روز بہ روز بڑھتی مہنگائی کے خلاف سابق وزیر اعظم عمران خان کی کال پر جہان ملک گیر احتجاج ریکارڈ کی جارہی وہیں تحریک انصاف اپر چترال بھی آج رات بونی چوک میں مہنگائی کے خلاف احتجاجی جلسہ منعقد کی ۔احتجاجی جلسہ میں سابق صدر تحریک انصاف رحمت غازی کے علاوه چیرمین تحصیل کونسل مستوج سردار حکیم ،چیرمین تحصیل کونسل موڑکھؤ تورکھو میر جمشید الدین وی ۔سی ناظمین اور تورکھو موڑکھو سے پارٹی ورکرز شرکت کی ، نظامت تحریک انصاف کے حقیقی کارکن عمران خان کے جان نثار اخونزادہ زار بہار نے کی جبکہ صدارت سنیئر رہنما وسابق صدر تحریک انصاف رحمت غازی نے احتجاجی جلسہ سے خطاب کرتے ہوئے چیرمین مستوج سردار حکیم ،چیرمین موڑکھؤ تورکھو جمشید میر ،سنیئرکارکن احسان الحق ،خواتین ریجن کے نائب صدر ثریا بی بی،کشافت یونس اور وی سی ناظمین موجودہ حکومت کو امپورٹیڈ قرار دیکر ان کی پالیسیوں کو عوام دشمن قرار دیکر مسترد کی ان کا کہنا تھا کہ ایک سازش کےتحت منتخب حکومت سے اقتدار چھین کر خود کو مختلف مقدمات سے بچانے کے لیے قانون سازی میں مصروف ہیں انہیں مہنگائی اور غریب کی پریشانیوں سے کوئی سروکار نہیں وہ اپنے کرپشن چھپانے میں مصروف ہیں۔مقررین کا کہنا تھا کہ ہم عمران خان کے جانثار ہیں اور ان کی ہر آواز پرلبیئک کہکر ساتھ دینے کے لیے تیار ہیں۔جب بھی عمران خان احتجاج کے لیے کال دینگے ہم ان کے شانہ بہ شانہ احتجاج کےلیے حاضر ہونگے۔
