Chitral Times

Jul 23, 2024

ﺗﻔﺼﻴﻼﺕ

عمران خان پر بنائے گئے سارے کیسز بے بنیاد اور غیر قانونی ہیں ، عمران خان کا فری اینڈ فیئر ٹرائل کرکے فوری طور پر رہا کیا جائے۔ علی آمین گنڈاپور 

شیئر کریں:

عمران خان پر بنائے گئے سارے کیسز بے بنیاد اور غیر قانونی ہیں ، عمران خان کا فری اینڈ فیئر ٹرائل کرکے فوری طور پر رہا کیا جائے۔ علی آمین گنڈاپور

پشاور ( چترال ٹائمزرپورٹ ) وزیر اعلیٰ خیبر پختونخوا علی امین خان گنڈاپور نے کہا ہے کہ عمران خان پر بنائے گئے سارے کیسز بے بنیاد اور غیر قانونی ہیں ، ہمارا مطالبہ ہے کہ عمران خان کا فری اینڈ فیئر ٹرائل کرکے فوری طور پر رہا کیا جائے۔عمران خان کو توشہ خانہ سے ایک چیز قانونی طور پر لینے کی سزا دی جارہی ہے جبکہ آصف زرداری غیر قانونی طریقے سے توشہ خانہ سے قیمتی گاڑی لینے کے باوجود ملک کے صدر بن گئے ہیں ،اسی طرح مریم نواز نے کوئی عہدہ نہ ہونے کے باوجود توشہ خانہ سے گاڑی لی ہے اوروہ وزیراعلیٰ پنجاب بن گئی ہےں، شہباز شریف اربوں روپے کی منی لانڈرنگ کرنے کے باوجود ملک کا وزیراعظم بن گیا ہے ۔ اتوار کے روز پشاور میں پاکستان تحریک انصاف کے زیر اہتمام احتجاجی جلسے سے خطاب کرتے ہوئے وزیراعلیٰ نے کہا کہ سائفر کیس عمران خان اور ان کی حکومت کے خلاف ایک سازش ہے ، سپریم کورٹ آف پاکستان کے چیف جسٹس سے ہمارا مطالبہ ہے کہ جوڈیشل کمیشن بناکر اس سازش کے آلہ کاروں کو سامنے لایا جائے اور عوام کو حقیقت بتائی جائے۔

 

انہوں نے مزید کہا کہ پاکستان تحریک انصاف کو جس طرح توڑنے کی کوشش کی گئی ہے وہ سب کے سامنے ہے ۔ ہمارے ورکرز کو جیلوں میں ڈالا گیا ، خواتین کو پابند سلاسل کیا گیا ، پارٹی سے انتخابی نشان چھینا گیا حتیٰ کہ پارٹی کا جھنڈا لہرانے کی اجازت بھی نہیں تھی لیکن میں عوام کو سلام پیش کرتاہوں جنہوں نے پاکستان تحریک انصاف کے امیدواروں اور ان کے نشان ڈھونڈ ڈھونڈ کر انہیں ووٹ دےکر کامیاب بنایا۔ ہم مطالبہ کرتے ہیں کہ فارم 45 کے مطابق عوام کا مینڈیٹ تسلیم کیا جائے اور حقدار کو اس کا حق فوری طور پر دیا جائے، ہماری مخصوص نشستیں دیگر سیاسی جماعتوں میں بانٹنا غیر قانونی اور غیر آئینی فعل ہے ، ہم اپنا حق لینے کے لئے ہر فورم پر آواز اٹھائیں گے اور عوام کا مینڈیٹ واپس لینے تک ہماری جدوجہد جاری رہے گی۔ انہوں نے کہا کہ ہمیں مجبور نہ کیا جائے کہ ہم آگے بڑھنے کی بجائے اپنے حق کے لئے آواز اٹھاتے رہیں۔ ہم اپنا حق مانگتے ہیں اور ہر صورت اپنا حق لیکر رہیں گے۔

 

علی امین کا کہنا تھا کہ ملک میں آئین کے ساتھ بار بار کھلواڑ کیا جارہا ہے ، خیبرپختونخوا اور پنجاب میں اسمبلی تحلیل کے بعد نوے دن کے اندر اندر انتخابات کرانا آئینی ذمہ داری تھی لیکن وہ پوری نہیں کی گئی۔ انہوں نے کہا کہ آئین کے ساتھ کھلواڑ کرنے والوں کو آرٹیکل 6 کے تحت سزا دلوائی جائے گی۔ ہم ملک میں آئین کی بالادستی اور قانون کی عملداری پر یقین رکھتے ہیں، عوام ہماری ٹیم بنےں اور کرپشن ، ظلم اور ناانصافی کے خلاف جہاد میں ہمارا ساتھ دیں۔ ہم سب ملکر اس صوبے کو ایک مثالی صوبہ بنائیں گے ، یہ عوامی حکومت ہے اور عوام کی فلاح و بہبود کے لئے ہی اقدامات کرے گی ۔ وزیراعلیٰ نے کہا کہ صوبے سے غربت کا خاتمہ امن و امان کی بحالی ، غریب و متوسط طبقے کی بھلائی ، موجودہ حکومت کی اہم ترجیحات میں شامل ہےں۔ جلسے سے پاکستان تحریک انصاف کے منتخب ممبران قومی و صوبائی اسمبلی، صوبائی وزراءاور دیگر پارٹی رہنماو¿ں نے بھی خطاب کیا ۔ پشاور سے تعلق رکھنے والے پارٹی ورکروں کی بڑی تعداد نے جلسے میں شرکت کی۔

chitraltimes kp cm ali amin gandapur addressing pti jalsa

 

عوامی مسائل کے حل اور شکایات کے بروقت ازالے کے لئے وزیر اعلیٰ سیکرٹریٹ پشاور میں کمپلینٹ سیل قائم

پشاور (چترال ٹائمزرپورٹ ) عوامی مسائل کے حل اور شکایات کے بروقت ازالے کے لئے وزیر اعلیٰ سیکرٹریٹ پشاور میں کمپلینٹ سیل قائم ہے۔ وزیر اعلیٰ سیکرٹریٹ سے عوام کی آگہی اور رہنمائی کے لئے جاری کردہ ایک پیغام میں بتایا گیا ہے کہ شہری اپنی شکایات کے ازالے کے لئے درجہ ذیل نمبروں پر وزیر اعلی کمپلینٹ سیل سے رابطہ کر سکتے ہیں۔ درجہ ذیل نمبروں کے علاوہ وزیر اعلی کمپلینٹ سیل کا کوئی موبائل نمبر نہیں۔ سوشل میڈیا اور واٹس ایپ گروپوں میں گردش کرنے والے موبائل نمبر درست نہیں اس لئے شہری وزیر اعلیٰ کمپلینٹ سیل سے رابطہ کرنے کے لئے صرف درجہ ذیل نمبروں کا استعمال کریں۔
091-9222460 091-9222461
091-9222462
091-9222464


شیئر کریں:
Posted in تازہ ترین, جنرل خبریں
86147