عام انتخابات کیلئے کاغذات نامزدگی جمع کرانے کا وقت ختم
اسلام آباد( چترال ٹائمزرپورٹ) آئندہ برس 8 فروری کو ہونے والے عام انتخابات کے لیے کاغذات نامزدگی جمع کرانیکا وقت ختم ہوگیا۔ کاغذات نامزدگی جمع کرانیکے لیے آج ساڑھے چار بجے تک کی مہلت تھی جو ختم ہوگئی ہے۔الیکشن کمیشن حکام کا کہنا ہے کہ کاغذات نامزدگی جمع کرانے کے وقت میں اضافہ نہیں کیا گیا، آراو اور ڈی آراو کے دفاتر کے احاطے میں موجود امیدواروں سے کاغذات وصول کیے گے۔لاہور میں قومی اسمبلی کے چودہ حلقوں پر 200 سے زائد امیدواروں نے کاغذات نامزدگی جمع کرا ئے۔قائد ن لیگ نوازشریف کے این اے 130 سے بھی کاغذات جمع ہو گئے۔اس حلقے میں ان کا سامنا پی ٹی آئی کی یاسمین راشد کریں گی۔بلاول بھٹو زرداری کا لاہور سے بھی الیکشن لڑنے کا فیصلہ کیا اور این اے 127 سے کاغذات نامزدگی جمع کر ادیے گئے۔ مریم نواز نیسرگودھا سے بھی صوبائی اسمبلی کی سیٹ پر کاغذات جمع کرادئیے۔مریم نواز قومی اسمبلی کیدوحلقوں این اے 119 اور120 سے بھی الیکشن لڑیں گی۔۔نائب صدر ن لیگ صوبائی اسمبلی کے 3حلقوں سے بھی امیدوار ہیں۔احسن اقبال این اے 76 نارووال سے انتخابات میں حصہ لیں گے۔ مریم اورنگزیب نے مخصوص نشستوں پر کاغذات نامزدگی جمع کرا دیئے۔این اے 15مانسہرہ سے نوازشریف کا مقابلہ اعظم سواتی سے ہوگا۔شاہ محمود قریشی این اے 150ملتان سے امیدوار ہوں گے۔پرویز الہٰی اور انکی اہلیہ قیصرہ الہٰی کے این اے 64گجرات اور پی پی 32 سے کاغذات نامزدگی جمع کروا دیئے۔مونس الہیٰ کے بھی اسی حلقے سیکاغذات نامزدگی جمع کروا ئے گئے ہیں۔ سمیرا الہیٰ کے صوبائی حلقہ پی پی 32 میں کاغذات نامزدگی جمع کروا دیئے۔پی ٹی آئی کے روپوش رہنما جمشید دستی کے قومی اسمبلی کے 2 حلقوں این اے 175 اور این اے 176 سے کاغذات نامزدگی جمع کروائے گئے۔قومی اسمبلی کی مخصوص نشستوں پر 186 خواتین نے کاغذات نامزدگی جمع ہو چکے ہیں۔۔
پیپلز پارٹی کی مخصوص نشستوں کیلئے ترجیحی فہرست الیکشن کمیشن کو جمع
اسلام آباد(سی ایم لنکس)پاکستان پیپلز پارٹی کی جانب سے مخصوص نشستوں کے لئے ترجیحی فہرست الیکشن کمیشن کو جمع کرا دی گئی۔پیپلز پارٹی کی جانب سے پرانے چہروں کو ایک دفعہ پھر مخصوص نشستیں دینے کا فیصلہ کیا گیا، الیکشن کمیشن میں جمع کروائی گئی فہرست کے مطابق رانا ہمیر سنگھ، گیا نچند، مکیش چاؤلہ اور کھٹومل اقلیتی مخصوص نشست پر امیدوار ہوں گے۔پیپلز پارٹی کی اقلیتی مخصوص لسٹ میں پہلی دفعہ شام سندرآڈوانی کو حصہ بنایا گیا ہے جبکہ نوید انتھونی اور موہن لعل کو ہستانی بھی فہرست میں شامل ہیں۔خواتین کی صوبائی مخصوص نشستوں پر بھی پرانیچہرے واپس آئے ہیں، ندا کھوڑو، ریحانہ لغاری، سعدیہ جاوید، تنزیلہ، حنا دستگیر مخصوص نشست پر امیدوار ہوں گی جبکہ شہلارضا اور شرمیلا فاروقی ایم این اے کے لئے ترجیحی فہرست میں شامل ہیں۔خواتین کی مخصوص نشست پر سیمی خرم بھی ترجیح فہرست میں شامل ہیں۔