Chitral Times

Jul 15, 2024

ﺗﻔﺼﻴﻼﺕ

عام انتخابات؛ سیاسی جماعتوں کو اپنے اجتماعات کیلئے ڈپٹی کمشنرز سے این او سی لینا لازمی ہوگا۔چیف سیکرٹری کے زیرصدارت اجلاس میں فیصلہ ، صوبے میں کل رجسٹرڈ ووٹرز کی تعداد 21,621,211 ہے۔

Posted on
شیئر کریں:

عام انتخابات؛ سیاسی جماعتوں کو اپنے اجتماعات کیلئے ڈپٹی کمشنرز سے این او سی لینا لازمی ہوگا۔چیف سیکرٹری کے زیرصدارت اجلاس میں فیصلہ ، صوبے میں کل رجسٹرڈ ووٹرز کی تعداد 21,621,211 ہے۔

عام انتخابات کے پرامن، شفاف اور آزادانہ انعقاد کے لئے بروقت اقدامات اٹھائے جائیں۔ چیف سیکرٹری ندیم اسلم چوہدری

صوبائی حکومت الیکشن کمیشن کو بھرپور معاونت فراہم کرے گی۔ چیف سیکرٹری
عام انتخابات کی تیاریوں کے حوالے سے جائزہ اجلاس

پشاور (چترال ٹائمز رپورٹ) چیف سیکرٹری خیبرپختونخوا ندیم اسلم چوہدری اور انسپکٹر جنرل پولیس اختر حیات گنڈا پور کی زیر صدارت عام انتخابات کی تیاریوں کے حوالے سے جائزہ اجلاس جمعہ کے روز سول سیکرٹریٹ پشاور میں منعقد ہوا۔ جس میں ایڈیشنل چیف سیکرٹری داخلہ اور قبائلی امور، صوبائی الیکشن کمشنر، سیکرٹری بلدیات، سیکرٹری تعلیم، سکیورٹی حکام نے شرکت کی۔ ایڈیشنل چیف سیکرٹری داخلہ عابد مجید نے الیکشن کی تیاریوں کے حوالے سے اجلاس کو بریفنگ دی۔اس موقع پر چیف سیکرٹری نے ہدایت کی کہ کمشنرز اور ڈپٹی کمشنرز اپنے متعلقہ اضلاع میں ضلعی الیکشن کمشنرز کے ساتھ مل کر شفاف انتخابات کی تیاری کریں۔ پولنگ اسٹیشن پر تمام ضروری سہولیات فراہمی کے لئے بھی اقدامات اٹھائے جائیں۔ چیف سیکرٹری کا کہنا تھا کہ صوبائی حکومت آزادانہ اور شفاف انتخابات کے انعقاد میں الیکشن کمیشن کو بھرپور معاونت فراہم کرے گی۔انہوں نے متعلقہ حکام پر زور دیا کہ وہ الیکشن کمیشن کی ہدایات کے مطابق شفاف انتخابات کی تمام تر تیاریاں بروقت مکمل کریں۔ نگران حکومت کا مقصد، الیکشن کمیشن کے ساتھ مل کر آزادانہ، منصفانہ اور پرامن عام انتخابات کے انعقاد کو یقینی بنانا ہے۔ چیف سیکرٹری نے کہا کہ تعلیمی اداروں میں قائم کیے جانے والے پولنگ اسٹیشنز میں بھی سہولیات یقینی بنائی جائیں گی۔ اجلاس کو بتایا گیا کہ سیاسی جماعتوں کے لئے اپنے اجتماعات کے سلسلے میں متعلقہ ڈپٹی کمشنرز سے این او سی لینا لازمی ہوگا۔ خیبرپختونخوا میں قومی اسمبلی کی 55 اور صوبائی اسمبلی کی 145 نشستوں پر انتخابات ہوں گے۔ جبکہ صوبے میں کل رجسٹرڈ ووٹرز کی تعداد 21,621,211 ہے۔


شیئر کریں:
Posted in تازہ ترین, جنرل خبریںTagged
81218