
صوبائی حکومت کا سرکاری تعلیمی اداروں کی نجکاری آئین پاکستان سے انخراف ھے۔عبدالواسع
صوبائی حکومت کا سرکاری تعلیمی اداروں کی نجکاری آئین پاکستان سے انخراف ھے۔عبدالواسع
ملک اور قوم کی ترقی تعلیم کے فروع سے مشروط ھے حکومت سرکاری تعلیمی اداروں کی حالت زار پر توجہ دیں۔احباب کنونشن سےخطاب
پشاور( چترال ٹائمزرپورٹ ) جماعت اسلامی خیبرپختونخوا وسطی کے امیر عبدالواسع نے کہا ہے کہ ملک اور قوم کی ترقی کےلئے تعلیم کا فروع اولین ضرورت ھے اور یہی وجہ ہے کہ آئین پاکستان میں اس بنیادی ضرورت کو اہمیت دیتے ہوئے میٹرک تک مفت تعلیم حکومت کی ذمہ داری میں شامل کیا گیا ھے۔صوبائی حکومت اپنی اس آئینی ذمہ داری سے جان خلاصی کے بہانے ڈھونڈ رہی ہے اور اخراجات پورے نہ ہونے کا بہانہ بنا کر صوبہ بھر میں ایک ہزار سے زائد تعلیمی اداروں کو نجی شعبہ کے حوالے کرنے کی منصوبہ بندی کررہی ہے جو کہ آئین پاکستان سے انخراف کے مترادف ھے۔حکومت ہوش کے ناخن لیں اور اپنی ترجیحات کاتعین درست کرلیں۔
ان خیالات کا اظہار امیر جماعت اسلامی خیبرہختونخوا وسطی عبدالواسع نے اقراء سکول اینڈ کالج پارہوتی مردان میں اسلامی جمعیت طلبہ کے زیراہتمام منعقدہ سالانہ احباب کنونشن سے مہمان خصوصی کی حیثیت سے خطاب کرتے ہوئے کیا انہوں نے کہا کہ تعلیم کے میدان میں ترقی کے بغیر ملک اور قوم کی ترقی کا خواب ادھورا ہوتا ھے صوبائی حکومت کا سرکاری تعلیمی اداروں کی پرائیویٹائزیشن لمحہ فکریہ ہے حکومت سرکاری تعلیمی اداروں کی نجکاری سے باز رہے۔
انہوں نے کہا کہ ضرورت اس امر کی ہے کہ حکومت تعلیمی اداروں کی حالت زار بہتر بنانے پر توجہ دیں اور سرکاری تعلیمی اداروں کا معیار بہتر بنائیں۔حکومت اپنے لئے طے کردہ اہداف میں صحت اور تعلیم کو سرفہرست رکھیں اور ان دونوں شعبوں کے معیار پر کوئی سمجوتہ نہ کریں انہوں نے تعلیمی اداروں میں طلبہ وطالبات کے مسائل کے حل لئے اسلامی جمعیت طلبہ کے گرانقدرخدمات کوسراہتے ہوئے کہا کہ اسلامی جمعیت طلبہ نے ہردور میں طلبہ کی درست سمت میں رہنمائی کا فریضہ سرانحام دیا ھے۔اس موقع پرجماعت اسلامی کے ضلعی امیر غلام رسول اور مشتاق سیماب ایڈوکیٹ سمیت دیگر قائدین نے بھی خطاب کیا۔